47. फिलिप्पी च पौलुस ओर सीलास
जब शाऊला ने सारे रोमी राज्य कुमी ले तब तिने अपने रोमी नाम “पोलुस” रा इसतेमाल सुरु करीता। ईक दिन, पौलुस ओर तिसर दोसत सीलास फिलिपी नगरा च सुसमाचार सुनाने गे। से नगरा ते बार नदीया रे कनारे ईक जगह गे। जिथी लोक प्राथना करने जो कटठे हुई रे थे। तिथी से लुदिया नामा री ईक ओरता कने मिले जो ईक बपारी थी। से परमेसवरा कने प्यार करा थी ओर तिसरी अराधना करा थी।
परमेसवरा ने लुदिया जो यीशुआ रे बारे च सन्देसा पर विसवास करने जो तैयार किता। पौलुस ओर सीलास ने तिसो ओर तिसरे परिवारा जो बपतिसमा दितया। तिसे पौलुस ओर सीलासा जो अपने करे बुलाया, तब से तिथी रुकी गे।
पौरुस ओर सीलास लोका कने हमेसा तिस जगह मिला थे जिथी यहुदी लोक प्रार्थना करा थे। रोज जब से तिथी जा थे तो ईक दासी लडकी जिसा जो बुरी आत्मा थी तिना रा पिछा करा थी। ईसा चीजा री वजह ते से लोका रे बारे च बता थी, ईते खतर से अपने खास लोका खतर बहुत पैसा कमा थी।
तिसरे जाणे रे समय से दासी ओरत जोरा कने चिगां थी, “ऐ आदमी परम परदान परमेसवरा रे सेवके। ऐ तुसा जो उद्धार पाणे रा रसता बताणे लगीरे!” से रोज ऐडा करा थी जिते खतर पौलुस नाराज हुई गा।
बादा च, ईक दिन जब से दासी लडकी या ने चिगना सुरु कितया, तब पौलुसा ने तिसा री तरफा जो कुमी के तिसा रे अन्दरा री बुरी आत्मा जो बोलया, “यीसुआ रे नामा ते ईसा रे अन्दरा ते निकली जा।” तीसी समय से तिसा रे अन्दरा ते निकली गी।
तिसा दासीया रा मालिक बोत गुसा हुई गया। तिना जो पता था बई तिसा बुरी आत्मा बिना से दासी लोका रे बारे च कुछ नी बताई सकदी थी। ईते रा मतलब था की लोक अब तिसा रे मालिका जो पैसा नी देगे बई से तिना जो आणे वाले कला रे बारे च बताओ बई तिना कने क्या हुणा।
ईते खतर तिसा दासीया रे मालिक पौलुस ओर सीलास जो रोमी सरकारा गे लेई गे। तिने पौलस ओर सीलासा जो मारया, ओर जेला च पाएता।
तिने पौलुस ओर सीलासा जो जेला री एडी जगह रखया जिथी सबी ते जयादा सपाई थे। ईथी तक की तिना रे पैरा जो लकडी या रे टुकडेया कने जोडी ता। पर पौलस ओर सीलास आदी राती, परमेसवरा री सतुतीया रे गीत गाने लगीरे थे।
ईक दम, ईक बडा तुफान आया! ओर जेला रे दरवाजे खुली गे, ओर सारे कैदीया री जंजीरा खुली गी।
तब दरोगा जागी गा। तिने देखया बई जेला ऱे सारे दरवाजे खुलीगे। तिने सोचया बई सारे केदी बची के नठी गे। से डरीगा बई तिना रे नठी जाणे रे वजह ते रोमी सरकार तिसौ मारी देगी, ईते खतर से अपु जो मारने खतर तैयार हुईगा! पर पौलुस तिसौ देखी के जोरा कने चिगंया, “रुक जा! अपु जो मत मार असे सब ईथी आए।”
तिस दरोगा ने डरदे हुए पौलुस ओर सीलसा गे आई के पुछया, “उद्धार पाने खतर अऊ क्या करु?” पौलुसा ने बोलया, “प्रभु यीसुआ पर विसवास कर, तब तु ओर तेरा परिवार उद्धार पागां।” तब से दरोगा पौलुस ओर सीलास जो अपने करे लेईगा ओर तिना रे जख्म तोए। पौलसा ने तिना रे करा रे सब लोका जो यीसुआ रे बारे च सुसमाचार सुणाया।
दरोगा ओर तिस रे पुरे परिवारा ने यीसुआ पर विसवास किता, ईते खतर पौलेस ओर सीलासा ने तिना रे पुरे परिवारा जो बपतिसमा दितया। तब दरोगा ने पौलस ओर सीलासा जो रोटी खलाई, ओर सबी ने मिली के खुसीया मनाई।
दुजे दिन नगरा रे याचका ने पौलस ओर सीलास जो जेला ते छडीता ओर फिलिप्पी ते जाणे जो बोलया। पौलस ओर सीलास लुदिया ओर कुछ दोसता कने मिले तब नगरा ते बार चलीगे। यीसुआ रे बारे च सुसमाचार फैलदा रेया, ओर कलीसीया बड़दी रेई।
पौलुस ओर बाकि मसीह परदाना ने बोत नगरा च जाई के लोका जो यीसुआ रे बारे च बताया। तिने कलीसियाओ रे विसवासीया जो बडावा देने ओर सिक्सा देने खतर कई चिठीया लिखी। ईना मे ते कई चिठीया बाईबला री कताबा बणी गी।
प्रेरिता रे काम 16:11-40 ते ईक बाइबला री काणी
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।