46. पौलुसा रा मसीह विश्‍वासी बणी जाणा।

शाऊल नामा रा ईक आदमी था। जिने यीसुआ पर विसवास नी कितया था। जब से जवान था, तब तिने सितफनुस जो मारने वाले लोका रे कपडेया री देख पाल किती थी। बादा च, तिने विसवासीया जो तगं किता था। तिने यरुसलेमा च कर कर जाई के ओरता ओर आदमीया जो जेला च पाईता था। तब बड़ा यहूदी पुजारी ने शाऊला जो दमिश्‍का जो जाने जो बोलया। तिने तिती रे मसीह लोका जो पकडी के वापस यरुशलेमा जो लाऊणे जो बोलया।

तब शाऊला ने दमिश्‍क जाने री तैयारी किती। तिस नगरा च पहुचने ते पेले, तिस रे चारो तरफ ईक आसमाना च ईक तेज रोसनी चमकी, ओर से पुईया रुडीगा। शाऊला ने किसी जो बोलदे हुए

तब शाऊल ऊठया तो से अधां हुई गा था। तिसरे दोसत तिसो दमिश्‍का जो लेईगे। शाऊला ने तीन दिना तक कुछ खाया पिया नी था।

दमेश्‍का च हनयाह नामा रा ईक चेला था। परमेसवरा ने तिस जो बोलया, “तिस करा च जा जिथी शाऊल रेणे लगीरा। अपणे हाथ तिस पर रख बई से दुबारा देखने लगो।” पर हनयाह ने बोलया, “हे प्रभु, मै सुणीरा बई ईने आदमीया ने विसवासीया जो किया तगं किता।” परमेसवरा ने तिसो बोलया, “जा! मै तिसो यहुदीया च ओर दुजी जातिया रे लोका च मेरे नामा री पछाण बनाने खतर मै से तैयार करना। से मेरे नामा खतर बहुत दु:ख चेलगा।”

तब हनयाह शाऊला गे गया, अपने हाथ तिस पे रखे, ओर बोलया, “यीशुआ ने, जो ईथी आवणे खतर तेरे रसते च ता पर आया था, मिंजो तंगे पेजीरा बई तु दुबारा देखी सको, ओर पवित्र आत्‍मा तिजो परी दो।” तबी शाऊल दुबारा देखने लगीगा, ओर हनयाह ने तिसो बपतिसमा दितया। तब शाऊला ने रोटी खाई ओर दुबारा ताकतवर हुई गा।

तब, शाऊला ने दमिश्‍का च रेणे वाले यहुदिया च परचार करना सुरु करीता। तिने बोलया, यीशु ई परमेसवरा रा पुत्र आ!” यहुदी लोक हैरान थे, बई शाऊला ने तो विसवासीया जो मारने री सोची थी, पर अब तिने यीशुआ पर विसवास किता। शाऊला ने यहुदीया कने बेहस किती। तिने सबी जो बताया बई यीशू ही मसीह था।

बोत दिना बाद, यहुदिओ ने शाऊला जो मारने री सोची। तिने तिसो मारने खतर नगरा रे दरवाजो पर लोका जो पेजया। बई तिस री खबर रखो पर शाऊला ने ईस खबरा रे बारे च सुनीला, तब तिस रे दोसता ने बचने खतर तिसरी मदद किती। ईक राती जो तिने तिसो टोकरीया च बठाई के तिसो नगरा री दवाला ते ऊंदे ऊतारीता। दमिश्‍का ते बची के निकलने ते बाद शाऊला ने यीशूआ रे बारे च परचार करना नी छडया।

शाऊल प्रेरिता कने मिलने यरुशलेमा च गया, पर से तिस ते डरा थे। तब बरनबास नामा रा ईक विसवासी शाऊला जो प्रेरिता गे लेई गया। तिने तिना जो बताया बई शाऊला ने किया दमिश्‍का च परचार कितया। तिते बाद, प्रेरिता ने शाऊला जो अपु कने रखी ला।

कुछ विसवासी जो यरुशलेमा रे तगं करने ते बाद नठी गे थे से बोत दुर अंताकिया नगरा च चली गे ओर यीशुआ रे बारे च परचार करा थे। अंताकिया च रेणे वाले लोक जादातर यहुदी थे, पर पैली बार, तिना मे ते बोत सारे लोक विसवासी बणी गे। बरनबास ओर शाऊल ईना नए विसवासीया जो यीशूआ रे बारे च ओर बताणे खतर तिथी गे ओर कलसीया जो ओर मजबुत कितया। यीशुआ पर विसवास करने वाले पैली बार अंताकिया च “मसीह” नामा ते बुलाई गे।

ईक दिन, अंताकिया रे मसीह लोक उपवासा कने पराथना करने लगीरे थे। पवित्र आत्‍मा ने तिना जो बोलया, “मा खतर बरनबास ओर शाऊला जो तिस कामा जो करने खतर लग करिदो जिते खतर मै ऐ बुलाइरे।” ईते खतर अंताकिया री कलीसीया ने बरनबास ओर शाऊला खतर प्रार्थना किती ओर तिना पर हाथ रखया। तब तिने तिना जो ओर कई जगह यीसुआ रे बारे च सुसमाचार फैलाणे जो पैजया। बरनबास ओर शाऊल ने अलग अलग जातिया रे लोका जो बताया, ओर बोत सारे लोका ने विसवास किता।