45. स्तिफनुस ओर फिलिप्‍पुस

पेला मसीह परदान रे बीचे ईक सितफनुस नामा रा आदमी था। सब लोक तिस रा सम्‍मान करा थे। पवितर आत्‍मा ने तिसौ बोत शक्‍ती ओर बुधी दिती। सितफनुसा ने बोत चमत्‍कार किते। जब तिने यीसुआ पर विसवास करने रे बारे च तिना जो बताया तब बोत सारे लोका ने तिस पर विसवास कितया।

ईक दिन, सितफनुस यीसुआ रे बारे च बताणे लगीरा था, तब कुछ यहुदी आए जिने यीसुआ पर विसवास नी कितया ओर तिस कने बेहस करने लगे। से बोत गुसे च थे, ईते खतर से धरमी परदान गे गऐ ओर तिना रे बारे च चुठ बोलया तिने बोलया, “असे सितफनुसा जो परमेसवरा रे बारे च बुरी बाता करदे सुणया!” ईते खतर धरमी बडा पुजारी ने सितफनुसा जो बंदि बनाई ला ओर तिससो बडे पुजारी ओर यहुदी या रे ओर याचका रे सामने लेई आए। ओर चुठे गवाह बी आए तिने सितफनुसा रे बारे च चुठ बोलया।

बडा यहुदी पुजारी ने सितपनुसा ते पुछया, “बई ऐ लोक तेरे बारे च सच बोलाए?” सितफनुसा ने बडा यहुदी पुजारी जो बताने खतर बोत सारी बाता बोलीया। तिने बोलयाबई अबऱाहमा रे समय यीसुआ रे समय तक परमेसवरा ने इसराईला खतर बहुत नोखे काम किते। पर लोका ने सदा परमेसवरा री बात नी मानी। सितफनुसा ने बोलया, “तुसे लोक परमेसवरा रे खिलाफ टीठ ओर बदला लेने वाले आए। तुसे सदा पवितर आत्‍मा जो नी मानया, जैडा की मारे बुजुर्गा ने कदी पवितर आत्‍मा जो नी मानया ओर सदा तिस रे भविसयवक्‍ता जो मारीता। पर जो तिने कितया तुसे तितै बी बुरा कितया! तुसे मसीहा जो मारीता!”

जब तिने तरमी याचका नै ऐ सुणया, तब से इतने गुस्सा हुईगे बई तिने अपने कान बन्‍दं करीते ओर जोरा कने चिंगे। से सितपनुसा जो कसीदी के नगरा ते बार लेईगे ओर तिसो मारने खतर तिस पर पत्‍थर मारे।

तब सितफनुस मरने ते पेले, बोलया, “हे यीसु, मेरी आत्मा जो बुलाई ले!” तब से अपने गोडे रे सारे गिरया ओर दुबारा बोलया, “हे परभु, ऐ पाप ईना पर नी लगना चाईए।” तब से मरी गा।

तीस दिन, यरुसलेमा च रेणे वाले बोत लोका ने यीसुआ जो मानने वाले लोका जो तगं करना सुरु करीता, ईते खतर विसवासी लोक ओर जगह जो चलीगे। पर ईते बाद बी, जिथी से गे तिने यीसुआ रा परचार किता।

फिलिप्‍पुस नामा रा ईक यीसुआ रा विसवासी था। जैडा ओर विसवासीया ने किता से बी यरुलेसमा ते नठीगा। से सामरिया नामा री जगह च गया। तिथी तिने लोका च यीसुआ रे नामा रा परचार किता। बोत लोका ने तिस पर विसवास किता ओर उदार हुआ। ईक दिन, फिलिपुसा गे परमेसवरा री तरफा ते ईक सवर्ग दुत आया ओर तिसो जगंला च जाणे ओर, सडका च चलने जो बोलया। फिलिपुस तिथी जो चलीगा। जब से सडका च चलने लगीरा था, तब तिने ईक आदमीया जो अपने रथा पर जादें देखया। ऐ आदमी कुश देसा रा ईक बडा आदमी था। पविर्त आत्‍मा ने फिलिपुसा जो बोलया बि तिस आदमीया रे साथी चले।

ईते खतर फिलिपुस रथा गे गया। तिने सुनया बई से कूशी परमेसवरा रे वचना जो पडने लगीरा था। जो यशायाह भविश्यवकता ने लिखी रा था से तिते जो पडने लगीरा था, “से पडने लगीरा था, से तिसौ मारने वाली भेडा साई लेईगे, ओर जिया ईक मेमना चुप हुई जा, तिने बी ईक शब्‍द नी बोलया। तिने तिस कने बुरा कितया ओर तिस रा सममान नी किता। तिने तिसो मारीता।”

फिलिपुसा ने तिस कुशी ते पुछया, “जो तु पडने लगीरा ईते जो तु समजा?” तिस कुशीया ने बोलया, “नी। जब तक कोई मिन्‍जो ना समजाओ, तब तक अऊ ईते जो नी समजी सकदा। तिने बोलया मंगे आई के बैठ। यशायाह ऐ अपने बारे च लिखने लगीरा था या किसी ओर रे बारे च?”

फिलिपुस रथा पर चडी के बैठी गा। तब तिने तिस कुशी आदमीया जो बताया जो यशायाह ने युरुआ रे बारे च लिखया था। फिलिपुसा ने परमेसवरा रे बोत सारे ओर कामा रे बारे च बी बताया। ईया, तिने तिस आदमीया जो यीशुआ रे बारे च सुसमाचार सुणाया।

फिलिपुस ओर से कुशी चलदे हुए पाणीया गे पहुचे। कुशीया ने बोलया, “देख! ईथी पाणी आ! क्या अऊ बपतिसमा लेई सका?” तब तिने रथ चलाने वाले जो रुकने जो बोलया।

तब, से पाणीया च चलीगे, ओर फिलिपुसा ने कुशीया जो बपतिसमा दितया। जब से पाणीया ते बार आए, तब पविर्त आत्‍मा ईक दम फिलिपुसा जो किती दुजी जगह जो लेई गी। पिलिपुसा ने लोका जो यीशुआ रे बारे च बताणा चालु रखया।

कूशी अपणे करा जो चलीगा। से बोत खुश था बई से अब यीशुआ जो जाणा था।