2. पाप संसारो दे आओ आ

आदम ओर तेसरी लाडी परमेशरो रे जरिए तिना खे बणाए दे सुंदर बगीचे दे रंदे ऊए बऊत खुश थे तिना बीचा ते कोई बी टाल्ले नी पईनो थे, फेर बी ऐसे गल्ले तिना बीचा ते कोई शर्मिन्दा नी कित्तेया, क ऊँकि संसारो दे पाप नी था सेयो रोज तेते बगीचे दे कुमया करो थे ओर परमेशरो साथे गलाया करो थे

पर तेते बगीचे दे साप था से बऊत चलाक था तिने तेसा जवाणसा ते पुछेया, “क्या सच्ची परमेशरे तुसाखे ऐते बगीचे रे केसी बी डाल़ा रे फल़ खाणे खे ना करी राखी?”

तेसे जवाणसे जवाब दित्तेया, “परमेशरे आसा खे बोलेया की आसे तेस पले ओर बुरे रे ज्ञानो रे डाल़ो रे अलावा केसी बी डाल़ो रे फल़ नी खाई सकदे परमेशरे आसा खे बोलेया की जे तुसे से फल़ खाया या छुया बी तेबे तुसे मरी जाणे

तिने सांपे तेसा जवाणसा के जवाब दित्तेया, “ए सच निए तुसे नी मरने परमेशर जाणोआ की जिंया तुसा से फल़ खाणा, तुसे परमेशरो जेड़े हुई जाणे ओर तेस जेड़े पले ओर बुरे खे समजणे लगणे

तेसे जवाणसे देखेया की फल़ ठीक था ओर स्वाद दिखो था से बी समजदार बणना चाओ थी, इजी खे तेसे से फल़ तोड़ी खी खाई ला फेर तेसे आपणे लाड़े खे जो तेसा साथे था से फल़ दित्तेया ओर तिने बी खाई ला

तेबु ई, तेसा रिया आखी खुली गिया, ओर तिना खे पता लगेया कि से नांगे थे तिने पत्ते एक साथे सिली की तिना रे टाल्ले बणाई की तिने आपणे शरीरो खे टखणे री कोशिश किती

तेबे मर्दे ओर तेसरी लाड़िए तेस बगीचे दे कुमदे ऊए परमेशरो री आवाज सुणी से दोनो परमेशरो ते लुखी गे तेबे परमेशरे मर्दो खे आवाज लगाई, “ तू केई आ?” आदमे जवाब दित्तेया, “मैं तुसे बगीचे रे कुमदे हुए सुणे, ओर आऊं डरीगा था, कऊँकि आऊं नांगा था इजी खे आंऊ लुखी गा”

फेर परमेशरे पुछेया, “ताखे किने बोलेया की तु नांगा ए? क्या तैं से फल़ खाई राखेया जेस खाणे खे मैं ताखे ना किती थी?” मर्दे जवाब दित्तेया, “ तुसे जो माखे ए जवाणस देई राखी ऐसे ई माखे से फल़ दित्तेया” तेबे परमेशरे तेसा जवाणसा ते पुछेया, “तैं ए क्या कित्तेया?” तेसे जवाणसे बोलेया, “ सांपे मांखे तोखा दित्तेया

परमेशरे सांपो खे बोलेया,“ ताखे स्राप ए तु आपणे पेटो रे पाऱे लूरणा ओर माट्टी चाखणी तु ओर ए जवाणस एक दुजे साथे नफरत करोगे, ओर तेरे बच्चे ओर तेसरे बच्चे बी एकी दुजे साथे नफरत करणी ऐसा जवाणसा रेवंशो तेरा सिर कुचल़णा ओर तां तेसरी आडीडसणी”

तेबे परमेशरे जवाणसा खे बोलेया, “मां तेरे बच्चे जमाणे खे बऊत तकलीफ़ देणी तां आपणे लाड़े ते इच्छा करनी, ओर तेस तां पांदे राज करना”

परमेशरे मर्दो खे बोलेया, “तैं आपणी लाडिया री सुणीओर आज्ञा नी मानी ईंया जमीन स्रापित ऊई री, ओर ताखे रोटी पैदा करने खे कठण मेहनत करने री जरुरत ऊणी ऐबे तू मरी जाणा, ओर तेरा शरीर माट्टिया रे मिली जाणा” तिने मर्दे आपणी लाडिया रा नाओ अव्वा राखेया, जेतेरा मतलब ए” जीवन देणे वाल़ी”, कऊंकि से सबी जातिया री माता ऊणी ओर परमेशरे आदम ओर अव्वा खे पशुआ री खाला रे बणे रे टाल्ले पन्याये

फेर परमेशरे बोलेया, “ऐबे पले ओर बुरे खे जाणने ते आदमी आसा जेड़ा हुई गा रा, इजी खे इना खे तेस जीवनो रे ड़ाल़ो रे फल़ो खे खाणे नी देणा चाईयो की से सदा खे जिऊंदे रओ” ईंया परमेशरे आदम ओर अव्वा तेते बगीचे ते बारे निकाल़ी ते ओर परमेशरे केसी खे बी तेस जीवनो रे ड़ाल़ो रे फल़ो खे खाणे ते रोकणे खे तेस बगीचे रे दरवाजे पांदे ताकतवर स्वर्गदूत बठाईते