3. बाढ़

बऊत दिना बाद, संसारो दे बऊत लोग रओ थे सेयो बऊत दुष्ट ओर ऊड़दंगी ऊईगे थे ये इतना बुरा था की परमेशरे एक बड़ी पाणिये रीबाढ़ा साथे ऐस पुरे संसारो खे खत्म करने रा फैसला करी ला था

पर परमेशर नूहो ते खुश था से दुष्ट माणुंआ बीचे रणे वाला एक तर्मी आदमी था परमेशरे नूहो खे दशेया की से एक बऊत बड़ी बाढ़ लयाऊणे वाला ए ईंया, तिने नूहो खे एक बड़ी किश्ती बनाणे खे बोलेया

परमेशरे नूहो खे कम से कम 140 मीटर लंबी, 23 मीटर चौड़ी ओर 13.5 मीटर ऊची किश्तीबनाणे खे बोलेया नूहो खे से लकड़ीया साथे बनाणी थीओर तिदे तीन तल, बऊत कमरे, एक छत ओर एक खिड़की बनाणी थी से किश्ती नूह, तेसरे परिवार, ओर जमीना रे हर एक पशुए खे तेसा बाढ़ा ते बचाई की राखोगी

नूहे परमेशरो री गल्ल मानी तिने ओर तेसरे पाऊए तेड़ी ई किश्ती बणाई जेड़ी परमेशरे बताई थी कऊंकि से किश्ती बऊत बड़ी थी इजी खे तेसा बनाणे दे कई साल लगे नूहे लोका खे आऊणे वाली बाढ़ा रे बारे दे चेतावनी दिती ओर तिना खे परमेशरो री तरफा खे फिरने खे बोलेया, पर तिने तेसरियागल्लापाँदेपरोसा नी कित्तेया

परमेशरे नूह ओर तेसरे परिवारो खे आपणिया तंई ओर पशुआ खे ठीक रोटी कट्ठी करने खे बोलेया जेबे सब कुछ बणी की त्यारथा, तेबे परमेशरे नूहो खे बोलेया की ए बख्त तेसखे, तेसरी लाड़िया खे, तेसरे तीन पाऊआ खे, ओर तिना री लाड़िया खे- कुल मिलाई की आठ जणेया खे किश्तिया दे जाणे खे था

परमेशरे हर पशु ओर पंछिया रे नर ओर मादा नूहो गे पेजे ताकि सेयो किश्तिया दे जाई सको ओर बाढ़ा ते बची की रई सको परमेशरे एड़े हर तरआ रे पशुआ रे सात नर ओर सात मादा पेजिया जिना खे बली चढ़ाणे खे लई सको जेबे सेयो किश्तिया दे पऊँची गे तो आपू परमेशरे किश्तिया रा दुराजा बंद करी ता

तेबे बरखा लगणी शुरू हुई गी, ओर बरखा ऊंदी रई ऊंदी रई बिना रुके चाल़ी दिन ओर चाल़ी राती तक बरखा ऊंदी रई सारे संसारो री हर एक चीज, एथो तक की ऊचे ते ऊचे पहाड़ बी पाणिए दे डुबी गे

सुकी जमीना पांदे रणे वाली हर एक चीज मरी गी, तिना लोका ओर पशुआ खे छाड़ी की जो किश्तिया दे थे से किश्ती पाणिए पांदे तरदी रई ओर किश्तिया रे पीतरे री हर एक चीज डुबणे ते ठीक राखी

बरखा रुकी जाणे ते बाद, पाँच मिन्ने तक से किश्ती पाणिए पाँदे तरदी रई, ओर तेस बख्तो तक पाणी कट्ट ऊणे लगेया था तेबे एक दिन से किश्ती एक पहाड़ो री चोटिया पाँदे जाई की रूकी, पर संसार एबु बी पाणिए साथे टकया रा था तीन मिन्ने ते बाद, पहाड़ो रिया चोटिया दिखणे लगीया

फेर ओर चाल़िया दिना ते बाद, नूहे एक काओ ए देखणे खे बारे पेजेया की क्या पाणी सूकी गा था से काओ सूकी जमीना रिया तंई ओर-पोरे उड़दा रया,पर तेसखे एड़ी कोई जगा नी मिली

फेर बादो ते नूहे एक कबूतरी बारे पेजी पर तेसा खे बी कोई सूकी जमीन नी मिली, इजी खे से नूहो गे वापस आई गी एक अफ्ते ते बाद तिने से कबूतरी फेर पेजी, ओर से आपणी चोंचा दे जैतूनो री एक ड़ाली लई की वापस आई गी पाणी कम ऊणे लगी रा था, ओर डाल़ फेर जमणे लगे थे

नूह एक अफ्ता ओर रुकी गा ओर तीजी बार से कबूतरी बारे पेजी ऐबे, तेसा खे रुकणे री जगा मिली गी ओर से वापस नी आई पाणी सुकणे लगेया था

दो मिन्ने बाद परमेशरे नूहो खे बोलेया, “ऐबे तू ओर तेरा परिवार ओर सारे पशु किश्तिया ते निकली जाओ बऊत सारे बच्चे ओर पोते- परपोते पैदा करो ओर तरती परी देओ” तेबे नूह ओर तेसरा परिवार किश्तिया ते बारे निकली गा

नूहो रे किश्तिया ते बारे आऊणे ते बाद, तिने एक वेदी बनाई ओर बलिया खे इस्तेमाल ऊणे वाल़े हर तरह रे पशुआ बीचा ते कुछ लई की बली चढ़ाई परमेशर तेसा बलिया ते खुश हुआ ओर नूह ओर तेसरे परिवारो खे आशीष दिती

परमेशरे बोलेया, “आऊँ कसम खाऊंआ की माणुंआ रे जरिए किते रे बुरे कामा रे कारण माँ फेर कदी जमीना खे स्राप नी देणा या बाढ़ा रे जरिए संसारो खे खत्म नी करुंगा, पर माणुं आपणे बचपनो रे बख्तो ते पापी ए

फेर परमेशरे आपणे वचनो रे निशानो रे रुपो दे पईला इन्दरधनुष बणाया जेबे कदी बी सर्गो दे इन्दरधनुष दिखोआ, तेबे परमेशरो याद करना की तिने क्या कसम खाई राखी ओर तिंया ई तेसरे लोक बी याद करोगे