4. अब्राहमो साथे परमेशरो रा वादा

बाढ़ा ते कई साला बाद, संसारो रे बऊत लोग रया करो थे, ओर तिने फेर परमेशरो रे ओर एक दूजे रे खलाफ पाप कित्तेया कंऊकि सेयो सब एक ई पाषा बोलेया करो थे, इजी खे सेयो सब कट्ठे हुए ओर संसारो खे परने खे परमेशरो रे ऊकमो रे बजाए एक शईर बणाया

सेयो बऊत कमण्डी थे, ओर तिना खे केड़ा जीवन जीणा चाईयो इजी रे बारे दे से परमेशरो रे उकमो खे मानणा नी चाओ थे ऐथो तक की तिने एक जेड़ी मीनार बनाणी शुरु किती जो स्वर्गो तक पुजणी परमेशरे देखेया की जे सेयो कट्ठे मिली की बुराई करदे रओगे, तेबे सेयो बऊत पापी काम करी सकोए

इजी खे परमेशरे तिना री पाषा बऊत लग-लग पाषा रे बदलिती ओर सेयो लोक सारे संसारो दे फलियाईते जो शईर तिने बनाणा शुरु कित्तेया था तेसखे बाबेल बोलोए, जेते रा मतलब ए “ गड़बड़ी”

कई सौ साला बाद, परमेशरे अब्राहम नाओंरे एक आदमीए साथे गल्ल किती परमेशरे तेसखे बोलेया, “आपणे देश ओर परिवारो खे छाड़ी की तेस देशो खे चली जा जो माँ ताखे दखाणा माँ ताखे आशीष देणी ओर तांते एक बड़ी जाति बनाणी माँ तेरा नाओं बड़ा करना जो ताखे आशीष देयो मां तेसखे आशीष देणी, ओर जो ताखे स्राप देओ तेसखे स्राप देणा तेरी वजा ते सारे कुला आशीष पाणी”

पर अब्रामे परमेशरो री गल्ल मानी तिने आपणे सारे दास ओर आपणी सारी सम्पति साथे आपणी लाड़ी सारै साथे लई ओर तेस देशो खे, कनान देशो खे चली गा जो परमेशरे तेसखे दखाया था

जेबे अब्राम कनान पुजया तेबे परमेशरे तेसखे बोलेया, “आपणे चंऊ कनारे देख मां ताखे ए सारा देश देणा ओर तेरे वंशजा सदा ऐते पांदे हक्क राखणा” तेबे अब्राम तेस देशो दे बसी गा

मलिकिसिदक नाओं रा एक मर्द था जो सर्वशक्तिमान परमेशरो रा याजक था एक दिने जेबे अब्राम युद्ध करने ते बाद आऊणे लगी रा था तेबे तेती से अब्रामो खे मिलेयामलिकिसिदके अब्रामो खे आशीष दिती ओर बोलेया” सर्वशक्तिमान परमेशर जो सर्ग ओर तरतिया रा मालक ए से ताखे आशीष देओ”तेबे अब्रामे युद्धो दे जीती री सारी चीजा रा दसवां हिस्सा मलिकिसिदको खे दित्तेया

कई साल बीते गे, पर एबु बी अब्राम ओर सारै रे कोई बच्चा नी था परमेशरे अब्रामो साथे गल्ल किती ओर फेर कसम किती की तेसरे एक पाऊ पैदा ऊणा ओर जेड़े सर्गो रे तारे तियां ई तेसरे बऊत वशंज ऊणे अब्रामे परमेशरो री कसमा पांदे विश्वास कित्तेया परमेशरे बोलेया कि अब्राम एक तर्मी जन था कंऊकि तिने परमेशरो री कसमा पांदे विश्वास कित्तेया था

तेबे परमेशरे अब्रामो साथे एक वाचा बानी सामान्य रुपो दे, एक वाचा दुईं दलो रे बीचे एक दुजे खे काम करने रा एक समजोता ओआ परमेशरे अब्रामो साथे से कसम तेबे किती थी जेबे अब्राम सया रा था, पर से तेबे बी परमेशरो खे सुणी सको था परमेशरे बोलेया, “मां तेरे शरीरो ते पैदा करी की ताखे एक निज पाऊ देणा मां तेरे वंशजो खे ए कनान देश देणा” पर ऐबे बी अब्रामो रे कोई पाऊ नी था