5. वादे रा पाऊ

अब्राम ओर सारै रे कनान पऊँचणे ते दस साल बाद, एबु तक बी तिना रे कोई बच्चा नी था इजी खे अब्रामो री लाड़ी सारै तेसखे बोलेया, “कऊँकि परमेशरे एबुए तक आऊँ बच्चा जमाणे खे सक्षम नी करी राखी ओर ऐबे आऊँ बच्चा जमाणे खे बऊत स्याणी हुई गी, देख, मेरी दासी हाजिरा ऐथी ए तेसा साथे ब्या करी ले ताकि से मेरिया तंई एक बच्चा पैदा करी सको”

तेबे अब्रामे हाजिरा साथे ब्या करी ला हाजिरा रे एक पाऊ जमेया, ओर अब्रामे तेसरा नाओं इश्माएल राखेया पर सारै हाजिरा ते जल़णे लगी जेबे इश्माएल 13 साला रा था, परमेशरे फेर अब्रामो साथे गल्ल किती

परमेशरे बोलेया, “आऊँ सर्व-शक्तिमान परमेशर ए मां तां साथे एक वचन बानणा” तेबे अब्रामे जमीना पांदे रुड़ी की माथा टेकेया परमेशरे अब्रामो ते ए बी बोलेया, “तू बऊत जातिया रा बाओ ऊणा मां ताखे ओर तेरे वंशजो खे तिना री आपणी जमीन ऊणे खे कनान देश देणा ओर आऊं सदा खे तिना रा परमेशर ऊँगा ताखे आपणे कराने रे अरेक मर्दो रा खतना करना ए”

तेरी लाड़ी सारैरेएक पाऊ ऊणा से वादे रा पाऊ ऊणा तेसरा नाओं इसहाक राखणा मा तेस साथे आपणी वाचा खे बनाए राखणी ओर से एक बड़ी जाती बणी जाणा मां इश्माएलो खे भी एक बड़ी जाती बनाणी, पर मेरी वाचा इसहाको साथे रणी” तेबे परमेशरे अब्रामो रानाओं बदली की अब्राहम करीता, जेतेरा मतलब ए “बऊता रा पिता” परमेशरे सारै रा नाओं बी बदली की सारा करीता, जेतेरा मतलब ए “मूलमाता”

तेस दिने अब्राहमे आपणे कराने रे सारे मर्दा रा खतना कित्तेया तकरीबन एक साल बाद, जेबे अब्राहम 100 साला रा था ओर सारा 90 साला री थी तेबे सारे अब्राहमो रे पाऊए खे जन्म दित्तेया जेड़ा परमेशरे तिना खे बोलेया था तिने तेसरानाओं इसहाक राखेया

जेबे इसहाक जुआन ऊआ तेबे परमेशरे ए बोली की अब्राहमो रे विश्वासो री परीक्षा लई, “ आपणे एकलऊते पाऊए खे लओ, ओर तेसखे मेरिया तंई बलिया रे रुपो दे मारी दे” फेर अब्राहमे परमेशरो री गल्‍ल मानी ओर आपणे पाऊए खे बली करने खे तयार कित्तेया

जेबे अब्राहम ओर इसहाक बलि चढ़ाणे री जगा खे जाणे लगे तेबे इसहाके पुछेया, “ओ पिता, आसा गे बलिया खे लकड़िया तो अईया, पर बलि करने खे खाड्डु केईया?” अब्राहमे जवाब दित्तेया, “ ओ मेरे पाऊ, परमेशरो बलि करने खे खाड्डुए रा इतंजाम आपु करना

जेबे से बलि चढ़ाणे री जगा पऊँची गे, तेबे अब्राहमे इसहाक बानी की वेदिया पांदे लिटाईता से आपणे पाऊए खे मारने ई वाला था की परमेशरे बोलेया, “ रुकी जा पाऊए खे नुकशाण नी पऊँचा ऐबे आऊँ जाणी गा की तू मेरा डर मानेआ कऊंकि ते आपणा एकलऊता पाऊ बी मांते बचाई की नि राखेया”

नेड़े ई अब्राहमे एक खाड्डु देखेया जो बाड़ो दे फसेया रा था इसहाको रे बदले बलिया खे परमेशरे खाड्डुए रा इतंजाम कितेया अब्राहमे खुशी- खुशी खाड्डुए री बलि चढ़ाई ती

तेबे परमेशरे अब्राहमो खे बोलेया, “कऊंकि तू माखे सब कुछ देणे रा इच्छुक था, एथो तक की आपणे एकलऊते पाऊए खे बी, इजी खे आऊं ताखे आशीषा री प्रतीज्ञा करुंआ तेरे वंशज सर्गो रे तारेया ते बी जादा ऊणे कंऊकि तैं मेरी आज्ञा मानी री इजी खे मां तेरे परिवारो रे जरिए संसारो रे सारे कुलो खे आशीष देणी