6. परमेशर इसहाको खे इतंजाम करोआ

जेबे अब्राहम बऊत स्याणा ऊई गा था तेबे तेसरा पाऊ इसहाक एक जवान मर्द ऊई गा था ईजी खे अब्राहमे आपणे एकी सेवको खे आपणे पाऊ इसहाको खे तेस देशो ते एक लाड़ी लयाऊणे खे पेजेया जेती तेसरे रिश्तेदार रओ थे

जेती अब्राहमो रे रिश्तेदार रओ थे तेस देशो खे जाणे री एक लाम्बी यात्रा ते बाद परमेशरे तेस दासो रा आमना- सामना रिबका ते कराया से अब्राहमो रे पाईए री पोती थी

रिबका आपणे परिवारो खे छाड़ी की तेस दासो साथे वापस जाणे खे मानी गी जियाँ से पुजे इसहाके तेसा साथे ब्या करी ला

एक लाम्बे बख्तो ते बाद, अब्राहम मरी गा तेबे परमेशरे अब्राहमो रे पाऊ इसहाको खे, अब्राहमो साथे बानी री वाचा री बजा ते आशीष दिती तेसा वाचा दे परमेशरो री एक प्रतीज्ञा थी की अब्राहमो रे अणगिणत वंशज ऊणें पर इसहाको री लाड़ी रिबका रे बच्चा पैदा नि ऊआ

इसहाके रिबका खे प्रार्थना किती, ओर परमेशरे तेसा खे जुड़वा बच्चेया रा गर्भ तारण करने जोगा बणाया जेस बख्ते से बच्चे रिबका रे गर्बो रे ई थे सेयो आपू बीचे लड़ने लगे, इजी खे जो कुछ ऊणे लगी रा था रिबके से परमेशरो खे बताई ता

परमेशरे रिबका खे बोलेया, “तां दुईं पाऊआ खे जन्म देणा तिना रे वंशजा दो लग-लग जातिया बनाणिया सेयो एकी दुजे साथे लड़ने पर बड़े पाऊए ते पैदा ऊणे वाली जातिया खे छोटे पाऊए ते आऊणे वाली जातिया री आज्ञा मानणी पड़नी

जेबे रिबका रे बच्चेया रा जन्म ऊआ, तेबे बड़ा पाऊ लाल ओर रूईया जेड़ा था, ओर तिने तेसरा नाओं एसाव राखेया तेबे छोटा पाऊ एसावो री आडिया खे पकड़ी की जन्मेया, ओर तिने तेसरा नाओं याकूब राखेया