7. परमेशर याकूबो खे आशीष देयोआ

जेबे सेयो बच्चे बड़े हुई गे तेबे याकूबो खे कअरे रणा ठीक लगेया, पर एसावो खे पशुआ रा शिकार करना ठीक लगेया रिबके याकूबो खे प्यार कितेया, पर इसहाक एसावो ते प्यार करो था

एक दिन, जेबे एसाव शिकार करी की वापस आया तेबे से पूखा था एसावे याकूबो खे बोलया, “जो तैं पकाई राखेया तेते बीचा ते थोड़ी जी रोटी माखे दे” याकूबे जवाब दितेया, “पईले माखे ए वादा कर की पईला ऊणे री वजा ते हर एक चीज जो ताखे मिलणी चाईयो, से सब कुछ माखे देणा” पर एसावे तिना सबी चीजा खे याकूबो खे देणे रा वादा कितेया तेबे याकूबे तेसखे कुछ रोटी दिती

इसहाक एसावो खे आशीष देणा चाओ था पर ऐते ते पईले तिने ऐड़ा कितेया, रिबका ओर याकूबे याकूबो रे एसाव ऊणे रे नाटको खे करी की तेस साथे तोखा कितेया इसहाक स्याणा था ओर ऐबे देखी नी सको था इजी खे याकूबे एसावो रे टाल्ले पईने ओर बाकरिया री खाला खे आपणे गल़ो ओर आथो पांदे लपेटी ला

याकूब इसहाको गे आया ओर बोलेया, “आऊँ एसाव आ आऊँ इजी खे आई रा की तू माखे आशीष दे” जेबे इसहाके बाकरिया रे बाल़ महसूस किते ओर टाल्ले सिग़े, तेबे तिने सोचेया की से एसाव ए ओर तेसखे आशीष दिती

एसावे याकूबो ते नफरत किती कऊंकि याकूबे तेसरे पईले पाऊए रे अदिकारो खे ओर साथे ई तेसरी आशीष बी चोरी ली थी पर तिने तेसरे बाओ रे मरने ते बाद याकूबो खे काणे री साजिश किती

पर रिबके एसावो री योजना सुणी ली इजी खे तेसे ओर इसहाके याकूबो खे तेसरे रिश्तेदारो रे गे रणे खे बऊत दूर पेजी ता

याकूब कई साला तक रिबका रे रिश्तेदारा साथे रया तेस बख्ते तिने ब्या कितेया ओर तेसरे बारा पाऊ ओर एक मुनीऊए परमेशरे से बऊत तनी बनाईता

बी साला तक कनानो रे आपणे करो ते दूर रणे ते बाद, याकूब आपणे परिवार, आपणे दास, ओर आपणे पशुआ रे सारे चुंडो साथे तेती वापस आया

याकूब इजी खे बऊत डरेया रा था कऊंकि तिने सोचेया की एसाव एबु बी तेसखे काणा चाओआ इजी खे तिने तोफे रे रुपो दे सारे पशुआ रे चुंड़ो खे एसावो गे पेजे जो दास तिना चुंड़ा खे लई की गए थे तिने बोलेया, “तेरा दास याकूब, इना पशुआ खे ताखे देओआ से छोड़ आऊणे लगी रा”

पर एसाव ऐबे याकूबो खे नुकशाण पऊँचाणा नि चाओ था इजी री बजाए, से तेसखे एक बार फेर ते देखी की बऊत खुश था तिजी ते बाद याकूब कनानो दे शान्तिया साथे रया फेर इसहाक मरी गा ओर याकूबे ओर एसावे से दफनाया वाचा री प्रतीज्ञा जो परमेशरे अब्राहमो साथे किती थी से ऐबे इसहाको ते याकूबो पांदे आई गी थी