39. यीशुए पांदे मकदमा चलाओए

ऐबे ये आदिया राती रा बखत था सेयो सैनिक यीशुए खे बड़े पुरोइते रे कअरे लई आए, कऊंकि से यीशुए ते सवाल करना चाओ था पतरस दूरा ते तिना रा पीछा करेया करो था जेबे सैनिक यीशुए खे कअरे लईगे, तेबे पतरस बारे रूकी की आपु अग सेखणे लगेया

कअरो रे पीतरे, यहूदी गुरू यीशुए पांदे मुकदमा चलाया सेयोतेसरे खलाफ चुठी गल्ला खे बोलणे खे बऊत जे चुठे गवाओ खे लई की आये पर तिना रिया गल्ला एक दुजे ते नि मिलो थिया, ईजी खे यहूदी गुरू ये साबित नी करी सके की से किजी गल्ला रा दोषी था यीशुए कुछ नी बोलेया

अंतो दे, बड़े पुरोईते सीदे यीशुए रिया तरफा खे देखी की बोलेया, “आसा खे बता कि क्या तू ई जीवित परमेशरो रा पाऊ मसीह ए?”

यीशुए बोलेया, “आऊ ए, ओर तुसा आऊं परमेशरो साथे बैठेया रा ओर स्वर्गो ते आऊदे ऊए बी देखणा” बड़े पुरोईते आपणे टाल्ले फाड़ी ते कऊंकि जो यीशुए बोलेया से तेसा गला पांदे बऊत गुस्से था से ओरी गुरूए पांदे चिंगेया, “आसा खे ये बताणे खे केसी ओरी गवारी जरूरत नी ए कि इने आदमीए क्या कितेया तुसे आपू ई तेसखे ये बोलदे ऊए सुणी ला रा कि से परमेशरो रा पाऊ ए तेसरे बारे दे तुसारा क्या फैसला ए?”

सबी यहूदी गुरूए महायाजको खे उत्तर दितेया, “से काणे जोगा ए” तेबे तिने यीशुए रिया आँखी पांदे पट्टी बानी ती, तेस पांदे थुकेया, तेसखे बाई, ओर तेसरा मजाक उड़ाया

ओर पतरस, जेबे से कअरो ते बारे ईंतजार करेया करो था तेबे एक दासीये तेसखे देखेया तेसे तेसखे बोलेया, “तू बी यीशुए साथे था “पतरसे ना करी ती बादो ते, केसी ओरी दासिये ऐसाई गला खे बोलेया, ओर पतरसे फेर ना करी ती बादो ते, कुछ लोके बोलेया, “आसे जाणुए कि तू यीशुए साथे था कऊंकि तुसे दोनों गलीलो ते ए”

तेबे पतरसे बोलेया, “जे आऊ ऐस आदमीये खे जाणुंआतेबे परमेशर मांखे स्राप देओ” तेबु ई पतरसो रे ईयां कसम खाणे ते बाद, एकी मुर्गे बांग दिती यीशुए पीछे मुड़ी की पतरसो खे देखेया

पतरस तेथा ते चली गा ओर जोरे-जोरे की रोया तेसी बखते, यीशुए खे पकड़वाणे वाले यहूदे देखेया कि यहूदी गुरूए यीशुए खे काणे री सजा दित्ती ए यहूदा बऊत दु:खी ऊई गा ओर जाई की आपणे आपु खे काईता

ऐबे तेस देशो रा राज्यपाल पिलातुस था से रोमो रिया तँईं काम करेया करो था यहूदी गुरू यीशुए खे तेसरे नेड़े लई की आए सेयो चाओ थे कि पिलातुस तेसखे मौती री सजा देयो ओर तेसखे काई देओ तेबे पिलातुसे यीशुए ते पुछेया, “क्या तू यहूदिया रा राजा ए?”

यीशुए उत्तर दितेया, “तैं सच ई बोलेया ए पर मेरा राज्य एते तरतीया रा निए जे ऊंदा तेबे मेरे दास मेरिया तंई लड़ाई करदे आऊं तरतिया पांदे परमेशरो रे बारे दे सच बताणे खे आई रा हर एक जणा जो सचो तेई प्यार करोआ से मेरी सुणोआ” पिलातुसे बोलेया, “तेबे सच क्या ए?”

यीशुए साथे गल्ला करने ते बाद, पिलातुसे बारे पीड़ा नेड़े जाई की बोलेया, “मैं एड़ा कोई दोष नी पाया कि ये आदमी मारने जोगा ए” पर यहूदी गुरूए ओर पीड़े चिंगी की बोलेया, “तेसखे क्रूसो पांदे चढ़ाई दो” पिलातुसे ज्वाब दितेया, “से कुछ बी गलत करने रा दोषी निए” पर से ओर बी जोरे रे चिंगणे लगे तेबे पिलातुसे तिजी बार बोलेया, “से दोषी निए”

पिलातुस डरीगा कि से पिड़ दंगे शुरू करी सकोई, ईजी खे से आपणे सैनिको रे जरिये यीशुए खे क्रूसो पांदे चढ़ाणे खे मानी गा रोमी सैनिके यीशुए खे कोड़े लगाए, ओर तेसखे शाही कपड़े पईनाए, ओर तेसरे सिरो पांदे काड़ेया ते बनाया रा मुकुट राखेया तेबे से ये बोली की तेसरा मजाक डवाणे लगे, “देखो यहूदिया रा राजा”