38. यीशुए खे पकड़वाया जाणा

हर साल, यहूदी लोक फसह रा तयार मनाओ थे ये ऐते बारे दे एक त्योहार था कि कई सौ साल पईले परमेशरे तिना रे बुजुर्गा खे मिस्त्रों रिया गुलामिया ते छुड़ाया था लगभग तीऊं साला ते बाद यीशुए सार्वजनिक रूपो दे प्रचार करना ओर शिक्षा देण शुरू कितेया यीशुए आपणे चेलेया खे बताया कि से तिना साथे यरूशलेमो रे फसह रे त्यारो खे मनाणा चाओआ, ओर ये बी कि से तेथी काया जाणा

यीशुए रे चेलेया दे एक यहूदा नाओं रा आदमी था यहूदा तिना रे तअनों री थैली राखणे रा प्रभारी था, पर से बार-बार तेसा थैलिया बीचा ते पैसे निकाल़ी लओ था यीशु ओर चेलेया रे यरूशलेमो दे पऊंचणे ते बाद यहूदा गुरूआ रे नेड़े गया तिने तनोअ रे बदले यीशुए खे तिना रे आथे पकड़वाणे रा प्रस्ताव राखेया से जाणो था कि यहूदी अगुवे स्वीकार नी करो थे कि यीशु ई मसीह था से जाणो था कि सेयोतेसखे काणा चाओए

बड़े पुरोईतो रे बोलणे पांदे यहूदी नेते यीशुए खे तिना रे आथो रे पकड़वाणे खे यहूदे खे तीई चाँदीये रे सिक्के दिते ये तियाँ ई ऊआ जियां कि भविष्यवक्ते बोलेया था कि ऊणा यहूदा मानी गा ओर तअन लई की चली गा से यीशुए खे पकड़वाणे खे तिना री मताद करने खे केसी मोके री तलाश करने लगेया

यरूशलेमो दे, यीशुए आपणे चेलेया साथे फसह रा त्योहार मनाया फसह रे खाणे रे बखते, यीशुए रोटी लई कि तोड़ी तिने बोलेया, “ईजी खे लओ ओर खाओ ये मेरा शरीर ए जो आऊं तुसा खे देऊआ ईजी खे मेरीया यादा रे करना” ईयां, यीशुए बोलेया कि से तिना रिया तंई मरी जाणा, मतलब तिना रिया तंई तेस आपणे शरीरो खे बलि चढ़ाई देणा

फेर यीशुए एक रसो रा कटोरा लया ओर बोलेया, “ईजी खे पी लो ये नवीं वाचा रा मेरा खून ए जो कि मा उंडेलणा ताकि परमेशर तुसारे पापों खे माफ करो हर बार ईजी खे पिंदे बखते मेरी यादा रे ईजी खे करो जो आऊं एबु करेया करुंआ”

तेबे यीशुए आपणे चेलेया ते बोलेया, “तुसा बीचा ते एकी जणे आऊं पकड़वाणा” चेले हैरान ऊईगे, ओर पूछणे लगे कि कुण ऐड़ा काम करोगा यीशुए बोलेया, “मांखे पकड़वाणे वाला आदमी से ए जेसखे आऊं ये रोटीया रा टुकड़ा देया करूंआ” तेबे तिने से रोटी यहूदे खे दिती

तेसा रोटिया खे लणे ते बाद, यहूदेदे शैतान समाई गा यहूदा निकल़ी की यीशुए खे पकड़वाणे खे यहूदी गुरूआ री मताद करने खे चली गा से रात का रा बखत था

खाणे ते बाद, यीशु ओर तेसरे चेले जैतून पाह्ड़ो खे चली गे यीशुए बोलेया, “तुसासबी आज राती आऊं छाडी देणा ये लिखेया रा ए, ‘आऊं ग्वाल़ेया खे काऊंआ ओर सारिया पेडा तितर-बितर ऊई जाणिया”

पतरसे बोलेया, “भले ई बाकी सारे ताखे छाडी दो, मा नी छाडणा” तेबे यीशुए पतरसो ते बोलेया, “शैतान तुसा सबी खे लई लेणा चाओआ, पर ओ पतरस, मैं तां खातर प्रार्थना करी राखी कि तू विश्वासो खे पुली नी जाए फेर बी, आज की रात, मुर्गे रि बांग देणे ते पईले तू तीन बार मुकरना कि तू माखे नि जाणदा”

पतरसे तेबे यीशुए ते बोलेया, “भले ई आऊं मरी बी जाऊँ, मा कदी बी ताखे मना नी करना” बाकी सारे चेले बी ये ई बोलेणे लगे

तेबे यीशु आपणे चेलेया साथे गतसमनी नाओं रिया जगा पांदे गया यीशुए आपणे चेलेया खे प्रार्थना करने खे बोलेया ताकि शैतान तिना री परिक्षा नी करो तेबे यीशु आपु प्रार्थना करने खे चली गा

यीशुये तीन बार प्रार्थना किती, “ओ मेरे पिता, जे ऊई सकोआ तो किरपा करी कि ये दु:खो रा प्याला पीणे खे मांखे नी दे पर जे लोका रे पाप माफ करने खे कोई ओर बाट निये, तेबे तेरी इच्छा पूरी ओ” यीशु बऊत परेशान था ओर तेसरा पसीना खुनो रे टिपेया जेड़ा था तेसखे सामर्थ्य देणे खे परमेशरे एक स्वर्गदूत पेजेया

हर बार प्रार्थना ते बाद, यीशु आपणे चेलेया रे नेड़े वापस आया, पर सेयो सई गे थे जेबे यीशु तिजी बार वापस आया तेबे तिने बोलेया, “जागी जाओ मेरा पकड़वाणे वाला येथी ए”

यहूदी गुरू, सैनिका, ओर एक बड़ी पीड़ा साथे यहूदा तेती आया तिने तलवारा ओर डंडे लई राखे थे यहूदे यीशुए रे नेड़े आई की तेसते बोलेया, “ओ गुरु, नमस्कार,” ओर तेसखे चुमी ला तिने पकड़वाणे वाले आदमीए यहूदी गुरूआ पांदे प्रकट करने खे एड़ा कितेया था तेबे यीशुए बोलेया, “ओ यहूदा, क्या तू एक चुम्बनो ते मांखे पकड़वाया करेआ?”

जेबे से सैनिक यीशुए खे पकड़ेया करो थे, तेबे पतरसे आपणी तलवार निकयाल़ी ओर बड़े पुरोईतो रे एक सेवको रा कान बाडीता यीशुए बोलेया, “तलवारी खे दूर कर आऊं आपणे पिते ते आपणे बचाव करने रिया तंई स्वर्गदूता री एक सेना खे प्रार्थना करी की बुलाई सकुंआ पर मांखे आपणे पिते री गल्ल मानणी ए” तेबे यीशुए तेस आदमीए रे कानो खे ठीक करी ता तेबे सारे चेले नठी गे