37. यीशु लाजरो खे मरे रेया बीचा ते जिऊंदा करोआ

लाज़र नाओं रा एक आदमी था तेसरिया दो बईणी थिया तिना रे नाओं मरियम ओर मार्था थे सेयो सब यीशुए रे प्यारे दोस्त थे एक दिन, किने यीशुए खे बताया कि लाज़र बऊत बमार था जेबे यीशुए ये सुणेया तेबे तिने बोलेया, “ये बमारी लाज़रो रे मरने साथे खत्म नी ऊणी बल्कि, ये लोका खे परमेशरो रा आदर करने खे प्रेरित करने वाल़ी ए”

यीशु आपणे दोस्ता ते प्यार करो था, पर जेती से था तेती तिने दुंईं दिना तक इंतजार कितेया तिना दुई दिना ते बाद, तिने आपणे चेलेया ते बोलेया, “आओ वापस यहूदिया खे चलिये” चेलेया उतर दितेया, “पर ओ गुरु, एबु कुछ बखत पईले तेथो रे लोक ताखे काणा चाओ थे” यीशुए बोलेया, “आसा रा दोस्त लाज़र सई गा, ओर मां से जगाणा ए”

यीशुए रे चेलेया उतर दितेया, “ओ गुरु, जे लाज़र सया करोआ, तो से ठीक ऊई जाणा” तेबे यीशुए तिना ते स्पष्ट रूपो दे बोलेया, “लाज़र मरी गा आऊं खुश आ कि आऊं तेती नी था, ताकी सेयो मा पांदे परोसा करी सको”

जेबे यीशु लाज़रो रे गाँव दे पऊंचेया तेबे लाज़रो खे मरे दे पईले ते ई चार दिन ऊई चुके थे मार्था यीशुए ते मिलणे बारे आई ओर बोलेया, “ओ प्रभु, जे तू एती ऊदा तेबे मेरा पाई नी मरना था पर आऊं विश्वास करूंई कि जो कुछ बी तू परमेशरो ते मांगेगा से ताखे देणा”

यीशुए उतर दितेया, “पुनरुत्थान ओर जीवन आऊं ई ए जो कोई मा पांदे विश्वास करोआ अगर से मरी बी जाओ तेबे बी जीऊंणा जो कोई मा पांदे विश्वाश करोआ से कदी नी मरना क्या तू ऐते पांदे विश्वास करेई?” मार्थे बोलेया, “ओ प्रभु, आऊं विश्वास करूंई कि तू परमेशरो रा पाऊ मसीह ए”

तेबे मरियम आई तेसे यीशुए रे पैरा दे पड़ी की बोलेया, “ओ प्रभु, जे तू येती ऊंदा तो मेरा पाई नी मरदा” यीशुए तेसाते पुछेया, “तुसे लाज़र केई राखी राखेया ए?” तिने तेसखे बताया, “कब्रा दे आओ ओर देखी लो” तेबे यीशु रोणे लगेया

से कब्र एक गुफा थी जेतेरे द्वारो पांदे एक पात्थर लुढ़काई राखेया था जेबे यीशु कब्रा पांदे पंऊचेया तेबे तिने तिना ते बोलेया, “पात्थरो खे टाई दो” पर मार्थे बोलेया, “तेसखे मरे रे चार दिन ऊई चुके रे तेसते सड़यान आईगी ऊणी”

यीशुए उतर दितेया, “क्या मैं तुसा ते नी बोलेया था कि अगर तुसे मा पांदे विश्वास करोगे तो परमेशरो री सामर्था खे देखोगे?” ईजी खे तिने पात्थर टाईता

तेबे यीशुए ऊबे स्वर्गो रिया तरफा खे देखी की बोलेया, “ओ पिता, मेरी सुणने रिया तंई आऊं तेरा तन्यवाद करूंआ आऊं जाणुआ कि तू हमेशा मेरी सुणेया, पर मैं ये एती खड़े रे इना सबी लोका री मताद करने खे बोलेया ताकि ये विश्वास करो कि तैं आऊं पेजेया रा ए” तेबे यीशुए आक पाई, “ओ लाज़र, बारे निकली की आओ”

तेबे लाज़र बारे निकल़ी गा से एबु बी कपड़े रे लिपटेया रा था यीशुए तिना खे बोलेया, “ऐस कपड़े खे निकाल़ने दे ऐसरी मताद करो ओर एस खे आजाद करो” एते चमत्कारो रिया बजअ ते बऊत सारे यहुदिये यीशुए पांदे विश्वास कितेया

पर यहूदिया रे तार्मिक गुरू यीशुए ते जल़ने लगे, ईजी खे सेयो योजना बनाणे खे एक साथ कट्ठे ऊए कि किंयां यीशु ओर लाज़रो खे काईये