36. तर्म बदल़णा

एक दिन, यीशुए आपणे तीनों चेलेया, पतरस, याकूब, ओर यूहन्ना आपू साथे लये (ये यूहन्ना नाओं रा चेला से आदमी नी ए जिने यीशुए खे बपतिस्मा दितेया था) सेयो प्रार्थना करने खे एक ऊचे पाह्ड़ो पांदे गए

जेबे यीशु प्रार्थना करेया करो था तेबे तेसरा चेअरा सुरजो जेड़ा उज्जवल ऊई गा तेसरे कपड़े उजियाले जेड़े सफेद ऊई गे, जिंयाँ तरतीया पांदे कोई करी सको तेसते बी बढ़ी की सफेद

तेबे मूसा ओर एलिय्याह भविष्यवक्ताप्रकट ऊए ये मर्द ऐते तरतिया पांदे एस बखतो ते सैकड़ो साल पईले रया करो थे तिने यीशुए ते तेसरी मौता रे बारे रे गल्ल किती, कऊंकि से छोड़ ई यरुशलेमो रे मरी जाणा

जेबे मुसा ओर एलिय्याह यीशुए ते गल्ला करेया करो थे तेबे पतरसे यीशुए ते बोलेया, “आसा रा एती ऊणा ठीक ए आसा तीन मंडप बनाणे, एक तांखे, एक मूसे खे, ओर एक एलिय्याहो खे” पर पतरस नी जाणदा था कि से क्या बोलेया करोआ

जेबे पतरस बात करेया करो था, तेबे एक चमकदार बादल़ थाले आई की तिना पांदे छाई गा फेर तिने बादल़ा बीचा ते एक आवाज आऊदी ऊई सुणी तिने बोलेया “ए मेरा पाऊए जेसते आऊ प्यार करूंआ आऊं तेसते खुश आ तेसरी सुणो” सेओ तिनो चेले डरीगे ओर जमीना पांदे लेटी गे

तेबे यीशुए तिना खे छुएआ ओर बोलेया, “डरो नि उठी जाओ” जेबे तिने चारो तरफा खे देखेया, तेबे जो बी तेती था से सिर्फ यीशु था

यीशु ओर सेयो तीनों चेले तेस पाह्ड़ो ते वापस थाले उतरी की आए तेबे यीशुए तिना ते बोलेया, “एबे जो एती ऊआ से केसी गे नि दशणा आऊं छोड़ ई मरी जाणा ओर फेर जीऊंदा ऊई जाणा तेसते बाद, तुसे लोका खे बताई सकोए”