35. दया करने वाले बाओ री कआणी

एक दिन, यीशु तिना बऊत सारे लोका खे शिक्षा देया करो था जो तेसरी सुणने खे कट्ठे ऊईरे थे ये लोक रिश्वत लणे वाल़े ओर तिना साथे ओर लोक बी थे जिने मूसे रे नियमा रा पाल़न करने री कोशिश नि किती थी

कुछ तार्मिक गुरूए देखेया कि यीशु इना लोका साथे एक दोस्ता जेड़िया गल्ला करेया करो था ईजी खे तिने एकी दुजे ते ये बोलणा शुरू करीता कि से गल़त करेया करो था यीशुए तिना खे गल्ला करदे ऊए सुणेया, ईंजी खे तिने तिना खे ये काअणी बताई

“एक आदमी था जेसरे दो पाऊ थे छोटे पाऊए आपणे बाओ ते बोलेया, ‘ओ पिता, मांखे ऐबु मेरा ईस्सा चाईयो’ पर बाओए आपणे दुँई पाऊआ बीचे आपणी सम्पति बांडिती ”

“छोड़-छोड़ ई छोटा पाऊ आपणा सब कुछ कट्ठा करी की दूर देशो खे चली गा ओर पापी जीवन जीऊणे रे आपणी सारी तअन दौलत बर्बाद करीती”

“ईजी ते बाद, जेती छोटा पाऊ था तेस देशो दे एक बऊत बड़ा अकाल़ पड़ेआ, ओर तेसगे रोटी खरीदणे खे पैसे नी थे ईजी खे तेसखे जो काम मिलेया से सुंरा खे चराणे रा था से इतना दु:खी ओर पुखा था कि से सुंरा रा खाणा खाणा चाओ था”

“अंतो दे, तिने छोटे पाऊए आपणे आपु ते बोलेया, ‘आंऊ क्या करने लगी रा? मेरे बाओ गे सबी सेवका खे खाणे खे बऊत कुछ ए, फेर बी आंऊ एती पुखा मरने लगी रा मा आपणे बाओ गे वापस जाणा ओर आपणे बाओ रा एक सेवक बणने खे तेसते प्रार्थना करनी”

“ईजी बजअ ते तिने छोटे पाऊए वापस आपणे बाओ रे करो रिया तरफा खे जाणा शुरू कितेया बल्कि से एबु दूर ई था, तेसरे बाओए तेसखे देखेया ओर तेस पांदे तरस खाएया से दौड़ी की आपणे पाऊए रे नेड़े गया ओर तेसखे गले लगाई की चुमेया”

“तिने पाऊए बोलेया, ‘ओ पिता, मैं परमेशरो रे खलाफ ओर तेरे खलाफ पाप करी राखेया आऊं तेरा पाऊ बोलणे जोगा बी नीये’”

“पर बाओए आपणे एक सेवको ते बोलेया, ‘छोड़-छोड़ जाई की सबी ते बढ़िया कपड़े लई की आओ ओर मेरे पाऊए खे पनयाओ तेसरिया गुठीया दे अंगुठी ओर तेसरे पईंरो दे बुट पनयाओ फेर सबी ते बदिया बाछू बाडो ताकि आसे खाईए, ओर त्योआर मनाईए, कऊंकि मेरा पाऊ मरी गा था, पर ऐबे से जिऊदा ए से राचीगा था, पर ऐबे आसा खे से मिली गया’”

“ईजी खे लोके त्योआर मनाणा शुरू कितेया थोड़िया जिया देरा ते बाद बड़ा पाऊ डोरुआ ते काम करी की कअरे आया तिने गाणे ओर नाचणे री आवाजा खे सुणेया ओर हैरान ऊई गा कि ये क्या ऊणे लगी रा था”

“जेबे बड़े पाऊए खे पता लगेया कि सेओ ईजी खे त्योआर मनाणे लगी रे थे कऊंकि तेसरा पाई कअरे आईगा था, तेबे से बऊत गुस्से ऊआ ओर पितरे नि आया तेसरे बाओए बारे जाई की तेसते तिना साथे त्योआर मनाणे खे बोलेया, पर तिने ना करी ती”

“तिने बड़े पाऊए आपणे बाओ ते बोलेया, इना सारे साला दे मैं तेरिया तंई मानदारिया ते काम कितेया कदी बी तेरी गल्ल नी टाल़ी, पर तैं कदी बी मांखे एक छोटी बाकरी बी नी दिती ताकि आंऊ आपणे दोस्ता साथे जश्न करी सकूँ पर तेरे ईने पाऊए तेरा तअन पापी काम करने रे बर्बाद करीता ओर जेबे से आया ए तेबे तेसरिया तंई त्योआर मनाणे खे तैं सबी ते बडिया बाछू बाडेया”

“बाओए उतर दितेया, ‘ओ मेरे पाऊ, तू हमेशा मा साथे ए, ओर जो कुछ मेरा ए से सब तेरा ई ए पर आसा खे त्योआर मनाणा ठीक ए कऊंकि तेरा पाई मरी गा था, पर ऐबे से जिऊदा ए से राची गा था, पर ऐबे आसा खे से मिली गया दा’”