41. परमेशर यीशुए खे मरे रेया बीचा ते जिऊदा करोआ

सैनिका रे जरिए यीशुए खे क्रूसो पांदे चढ़ाणे ते बाद, यहूदी गुरूए पिलातुसो खे बोलेया, “तिने चूठे, यीशुए बोलेया था की से तीऊँ दिना बाद मरेया रे बीचा ते जीऊदा ऊई जाणा केसी खे ए पक्का करने रिया तंई कब्रा रापईरा देणा पड़ना की तेसरे चेले तेसरे शरीरो खे चोरी की नी लई जाओ जे से ऐड़ा करोए तेबे तिना बोलणा की से मरे रेया बीचा ते जीऊदा ऊईगा रा”

पिलातुसे बोलेया, “थोड़े जे सैनिका खे लई जाओ, ओर जिंया तुसे करी सको तिंया कब्रा री देखपाल़ करो” इजी खे तिने तेसा कब्रा रे मुरे पाँदे बड़ा पात्थरलगाई ता तिने ए पक्का करने रिया तंई तेती सैनिक बी बठयाल़िते की कोई बी तेसरी लाशा खे चुराई नी सको

यीशुए रे मरने ते बादलादिन सब्तो रा दिन था कोई बी सब्तो रे दिने काम नी करी सको था, इजी खे यीशुए रा कोई बी चेला कब्रा पाँदे नी आया था पर सब्तो रे बादले दिने, प्यागा बऊत तड़के, कुछ जवाणसा यीशुए री कब्रा पांदे जाणे खे त्यार ऊईया से तेसरी लाशा पांदे ओर बी मसाला लगाणा चाओ थिया

तिना जवाणसा रे पऊँचणे ते पईले, कब्रा पांदे एक बऊत बड़ा भूकम्प ऊआ स्वर्गो ते एक स्वर्गदूते आई की से बड़ा पाथर लुढ़काईताजिने कब्रा दे जाणे रे मुरे खे टखी राखेया था ओर तिजी पांदे बईठी गा ए स्वर्गदूत प्रयासे जेड़ा चमकेया करो था कब्रा पांदे जो सैनिक थे तिने से देखेया सेयो इतना डरी गे थे की मरे रेया जेड़े जमींना पांदे रुड़ी गे

जेबे से जवाणसा कब्रा पांदे पऊँचीया तेबे तिने स्वर्गदूते तिना खे बोलेया, “डरो नी यीशु ऐती निए से मरे रेया बीचा ते जीऊंदाउईगा रा, जेड़ा की तिने बोलेया था की से जीऊदाऊईजाणा कब्रा दे टोल़ो ओर देखो” तिने जवाणसे कब्रा रे पीतरे ओर जेती यीशुए री लाश राखी राखी थी तेती टोल़ेया ओर देखेया की तेसरी लाश तेती निए

तेबे तिने स्वर्गदूते तेसा जवाणसा खे बोलेया, “जाई की तेसरे चेलया खे बताओ, ‘ यीशु मरे रेया बीचा ते जीऊदा ऊईगा रा ओर से तुसा रे आगे–आगे गलीलो खे जाणा”

से जवाणसा हैरान ऊईया ओर बऊत खुश ऊईया से चेलेया खे ए शुब संदेश सुनाणे खे दऊड़िया

जेबे से जवाणसा चेलेया खे ए शुब संदेश बताणे रिया तंई आपणीया बाटा पांदे थिया, तेबे यीशु तिना पांदे प्रकट ऊआ सेयो तेसरे पईरा पांदे पड़िगीया तेबे यीशुए बोलेया, “डरो नी जाई की मेरेया चेलेया खे गलील जाणे खे बोलो से तेती माखे देखोगे”