50. यीशु वापिस आऊणा

कम से कम 2,000 साला ते, संसारो दे सबी जगा पांदे जादा ते जादा लोक मसीह यीशु रे बारे दे शुब संदेशो खे सुणेया करो थे कलीसिया बढ़ने लगी री थी यीशुए वादा कित्तेया की से संसारो रे अंतो दे वापस आऊणा जे से वापस नी आया, तेबे बी तेस आपणा वादा पुरा करना

जेबे की आसे यीशुए रे वापस आऊणे रा इंतजार करुंए, परमेशर आसा ते ऐड़िया रीतिया साथे जीवन जीणे री इच्छा करोआ जो पवित्र ए ओर जो तेसरा आदर करोआ जेबे यीशु तरतिया पांदे रणे लगी रा था तेबे तिने बोलेया, “मेरे चेलेया संसारो दे सब जगा रे लोका खे परमेशरो रे राज्य रे बारे दे शुब संदेश प्रचार करना, ओर तेबे अंत आई जाणा”

बऊत जी जातिए ऐबुए तक यीशुए रे बारे दे नी सुणी राखेया स्वर्गो खे वापस चली जाणे ते पईले, यीशुए मसीहिया ते तिना लोका खे शुब संदेश सुनाणे खे बोलेया जिने ए कदी नी सुणेया तिने बोलेया, “ जाओ ओर सब जातिया रे लोका खे चेला बणाओ ओर बढाई करने खे डोरु पाकी चुकी रे”

यीशुए ए बी बोलेया, “केसी आदमिए रा दास आपणे मालका ते बड़ा नी ऊंदा ऐते संसारो रे लोके मांते नफरत किती, ओर मेरिया बजा ते तिना तुसे खे बी सताणे ओर काई देणे ऐते संसारो दे तुसे पीड़ित ऊणे, पर पक्के बणो, कऊंकि मैं शैतान अराई ता जो ऐते संसारो पांदे राज करोआ जे तुसे अंतो तक मेरे विश्वासयोग्य बणे रे रओ, तेबे परमेशरो तुसे बचाणे”

यीशुए आपणे चेलेया खे ए समजाणे रिया तंई एक काअणी सुणाई की जेबे संसारो रा अंत ऊणा तेबे लोका साथे क्या ऊणा तिने बोलेया, “ केसी आदमिए आपणे डोरुआ दे ठीक बीऊ बाया जेबे से सया रा था तेबे तेसरा दुश्मण आया ओर कणका रे बीऊआ रे बीचे बणो रे डाल़ो रे बीऊबाईते, ओर फेर से चली गा”

“जेबेकणक जमणे लगी तेबे दासे तेस आदमिए खे बोलेया, “ओ स्वामी, तैं तो आपणे डोरुआ दे ठीक बीऊ बाया था तेबे ऐते दे बणो रे डाल़ कऊं ए?’ तिने आदमिए ज्वाब दित्तेया, ‘सिर्फ मेरे दुश्मण ई इना खे बाणा चाओए ए मेरा कोई दुश्मण ए जिने ऐड़ा करी राखेया’

“तिने दासे आपणे मालका खे ज्वाब दित्तेया, ‘ क्या आसा खे बणो रे डाल़ पटी देणे चाइयो?’ तिने मालके बोलेया, ‘ना जे तुसे एड़ा करोगे तेबे तुसा कणक बी पटी देणी बाडणे रे बखतो तक इंतजार करो तेबे बणो रे ड़ाला खे कट्ठा करी लो ताकी तुसे तिना खे फूकी सको पर कणका खे मेरे खत्ते दे लई की आओ”

चेलेया ऐते काअणिया रा मतलब नी समजेया, इजी खे तिने यीशुए खे तिना खे समजाणे खे बोलेया यीशुए बोलेया, “अच्छा बीऊ बाणे वाल़ा आदमी मसीह खे बताओआ डोरु संसारो खे बताओए अच्छा बीऊ परमेशरो रे राज्य रे लोका खे बताओआ”

“बणो रे डाल़ तेस दुष्ट जणे, शैतानो रे लोका खे बताओए तेस मांणूए रा दुश्मण शैतानो खे बताओआ जिने बणो रे डाल़ बाई दिते थे बडाई ऐते संसारो रे अंतो रे बारे दे बोलोई ओर बड़ाई करने वाल़े परमेशरो रे स्वर्गदूता खे बताओआ”

“जेबे संसारो रा अंत ऊणा तेबे स्वर्गदूता सेयो सब लोक एक साथ कट्ठा करने जो शैतानो रे तिना स्वर्गदूता सेयो बऊत ई गर्म आगी दे सेटी देणे तेती तिना बऊत रोणा ओर तड़फणा ओर आपणे दाँद किरड़ने पर जो लोक तर्मी ए, जिने यीशुए रा अनुसरण करी राखेया ए, से तिना रे परमेशर पिते रे राज्य दे सूरजो जेड़े चमकणे”

यीशुए ए बी बोलेया की से संसारो रा अंत ऊणे ते पईले तरतिया पांदे आऊणा से तियां ई वापस आऊणा जिंया से गया था, मतलब, तेसगे आपणा शरीर ऊणा, ओर से सर्गो दे बादल़ा पांदे सवार ऊई की आऊणा जेबे यीशु आऊणा, तेबे हर एक मसीही जो मरी चुके थे मरेया रे बीचा ते जी उठणे ओर तेसते सर्गो दे मिलणे

तेबे जो मसीही ऐबे बी जिऊंदे से सर्गो दे उठाई की लई जाणे ओर तिना दुजे मसीहिया साथे मिली जाणे जो मरेया रे बीचा ते जी उठोए से सब तेती यीशुए साथे ऊणे इजी ते बाद, यीशु आपणे लोका साथे रणा जेबे से कट्ठे रओए तेबे तिना गे सदा खे पुरी शान्ति ऊणी

यीशुए तेस पांदे विश्वास करने वाल़े हर एकी जणे खे एक मुकुट देणे री प्रतिज्ञा किती तिना सदा खे परमेशरो साथे हर एकी चीजा पांदे राज करना तिना गे पूरी शान्ति ऊणी

पर परमेशरो तिना सबी रा न्याय करना जो यीशुए पांदे विश्वास नी करदे तेस सेयो सब नरको दे सेटी देणे तेती से रोणे ओर आपणे दाँद पीसणे, ओर से सदा तड़फदे रणे कदी नी बिजणे वाल़ी आग तिना खे लगातार फूकदी रणी, ओर कीड़े तिना खे खाणे ते कदी नी रुकणे

जेबे यीशु आऊणा, तेबे तेस पूरिया रीतिया साथे शैतानो खे ओर तेसरे राज्य खे खत्म करी देणा तेस शैतान नरको दे सेटी देणा से शैतान सदा खे फूकदा रणा, तिना सबी साथे जिने परमेशरो री गल्ल मानणे री बजाए शैतानो पीछे चलणे रा चुनाव कित्तेया था

कऊंकि आदम ओर अव्वे परमेशरोरी आज्ञा नी मानी थी ओर पापो खे ऐते संसारो दे लई की आए थे, परमेशरे तेसखे स्राप दित्तेया ओर तेसखे खत्म करने रा फैसला कित्तेया पर केसी दिने परमेशरो एक नए स्वर्ग ओर नई तरतिया री रचना करनी जो सच्चे ऊणे

यीशु ओर तेसरे लोक तेसा नई तरतिया पांदे रणे, ओर तिना सदा खे सबी चीजा पांदे राज करना से लोका री आखी ते हर एक आंसु साफ करी देओआ ऐबे कोई बी पीड़ित या दुखी नी ऊणा से रोणे नी से बमार नी ऊणे या मरने नी ओर तेती कुछ बी बुराई नी ऊणी यीशुए आपणे राज्य पांदे सच्चाई, ओर शान्तिया साथे राज करना से सदा खे आपणे लोका साथे रणा