49. परमेशरो रा नवां वादा

एकी स्वरर्गदूते एक जवान जवाणस मरियमा खे बोलेया की तेसा परमेशरो रे पाऊए खे जन्म देणा से ऐबु कुँआरी थी, पर पवित्र आत्मा तेसा गे आया ओर से गर्भवती ऊई तेसे एक पाऊए खे जन्म दित्तेया जेसरा नाओं तेसे यीशु राखेया इजी खे, यीशु परमेशर ओर आदमी दोनों ए

यीशुए बऊत जे चमत्कार किते जो दखाओ ए की से परमेशर ए से पाणिए पांदे चलेया ओर तूफान शान्त कित्तेया तिने बऊत जे बमार लोक ठिक किते ओर बऊत जे लोका ते दुष्टात्मा निकाल़िया तिने मरे रे लोक जिऊंदे किते ओर तिने पाँज रोटीया ओर दो मछलिया 5,000 लोका खे खुलाणे रिया तंई पुरे रोटिया दे बदलीतिया

यीशु एक महान शिक्षक बी था जो कुछ बी तिने सखाया, से तिने ठीक तरीके दे सखाया जो से लोका खे करने खे बोलोआ से तिना खे करना चाईयो कऊंकि से परमेशरो रा पाऊ ए उदारणो रिया तंई तिने सखाया की तुसा खे ओरी लोका खे तिंया ई प्यार करने री जरुरत ए जिंया तुसे आपु खे प्यार करोए

तिने ए बी सखाया की तुसा खे सबी चीजा ते जादा ओर आपणी संपतिया ते बी जादा परमेशरो खे प्यार करना चाईयो

यीशुए बोलेया की संसारो दे केसी बी चीजा खे पाणे ते जादा ठीक ए परमेशरो रे राज्य दे ऊणा तेसरे राज्य दे तुसारे जाणे रिया तंई जरुरी ए की परमेशर तुसा खे तुसा रे पापो ते बचाओ

यीशुए बोलेया की कुछ लोक तेसखे ग्रहण करोए परमेशर तिना लोका खे बचाओआ पर दुजे लोक तेसखे ग्रहण नी करदे तिने ए बी बोलेया की कुछ लोक ठीक जमींना रे जेड़े ए, कऊंकि से यीशुए रे बारे दे शुब संदेशो खे मानी लोए, ओर परमेशर तिना खे बचाओआ पर कुछ लोक बाटा री सख्त जमींना जेड़े ए परमेशरो रा वचन बीयूए जेड़ा बाटा रे पड़ोआ, पर तेती कुछ बी नी जमदा ए लोक यीशुए रे बारे दे संदेशो खे नी मानदे से तेसरे राज्य दे जाणे ते ना करी देओए

यीशुए सखाया की परमेशर पापिया ते बऊत प्यार करोआ से तिना खे माफ करना चाओआ ओर तिना खे आपणे बच्चे बनाणा चाओआ

यीशुए ए बी बताया की परमेशर पापो ते नफरत करोआ कऊंकि आदम ओर अव्वे पाप कित्तेया, इजी खे तिना रे सारे वंशे बी पाप कित्तेया ऐते संसारो दे रणे वाल़ा हर एक जणा पाप करोआ ओर परमेशरो ते दूर ए हर एक जणा परमेशरो रा दुश्मण ए

पर परमेशरे ऐते संसारो दे रणे वाल़े हर एकी जणे ते ऐड़ा प्यार कित्तेया: तिने आपणा एकलौता पाऊ देई ता ताकि परमेशर तिना खे सजा नी देओ जो तेस पांदे विश्वास करदे रओए इजी रे बजाए, से तिना साथे सदा खे रओआ

तुसे मरने जोगे ए, कऊंकि तुसे पाप करी राखेया तुसा ते परमेशरो रा गुस्सा ऊणा ठीक ए, इजी री बजाए, से यीशुए पांदे गुस्सा ऊआ तिने यीशुए खे क्रूसो री मौत देई की सजा दिती

यीशुए कदी बी पाप नी कित्तेया, पर तिने परमेशरो खे तेसखे सजा देणे दिती तिने मरी जाणा स्वीकार कित्तेया ईंया, तुसारे पापा खे ओर ऐते संसारो दे रणे वाल़े हर एकी जणे रे पापो खे चकी की लई जाणे रिया तंई से एक सच्चा बलिदान था यीशुए आपु खे परमेशरो रिया तंई बलिदान करीता, इजी खे परमेशर केसी बी पापो खे, ऐथो तक की भयंकर पापो खे बी माफ करोआ

पले ई जे तुसे बऊत जे ठीक कामा खे करदे ओ, तेबे इजी रे जरिए परमेशर तुसा खे नी बचांदा तेसरा दोस्त बनणे खे ऐड़ा कुछ बी निए जो तुसे करी सकोए इजी री बजाए, तुसा खे विश्वास करना ए की यीशु परमेशरो रा पाऊ ए, ओर से तुसा रे बदले दे क्रूसो पांदे मरी गा, ओर ए बी की परमेशरे से फेर जिऊंदा करीता जे तुसे ऐते पांदे विश्वास करोए, तेबे परमेशर तुसारे पापो री माफी देओआ

परमेशर तेस हर एकी जणे खे बचाओआ जो यीशुए पांदे विश्वास करोआ ओर तेसखे आपणा प्रभु मानोआ पर से तिना खे नी बचांदा जो तेस पांदे विश्वास नी करदे ए कोई माईने नी राखदा की तुसे अमीर ए या गरीब ए, मर्द ए या जवाणस ए, स्याणे ए या जवान ए,या तुसे केई रओए परमेशर तुसा ते प्यार करोआ ओर चाओआ की तुसे यीशुए पांदे विश्वास करो की से तुसारा रा दोस्त बणी सको

यीशु तुसा खे बुलाणे लगी रा की तेस पांदे विश्वास करो ओर बपतिस्मा लओ क्या तुसे विश्वास करोए की परमेशरो रा एकलौता पाऊ, यीशु ई मसीह ए? क्या तुसे विश्वास करोए की तुसे एक पापी ए ओर ए की तुसा खे परमेशर सजा देयो? क्या तुसे विश्वास करोए की तुसारे पापो खे मटाणे रिया तंई यीशु क्रूसो पांदे मरेया?

जे तुसे यीशुए पांदे ओर जो तिने तुसा रिया तंई कित्तेया तेस पांदे विश्वास करोए, तेबे तुसे एक मसीह ए शैतान आपणे न्हेरे रे राज्य दे ऐबे तुसा पांदे राज नी करदा ऐबे परमेशर आपणे प्रयासे रे राज्य दे तुसा पांदे राज करोआ तिने तुसे पाप करने ते रोकीते, जो तुसे करेया करो थे तिने तुसा खे एक नवां, उचित जीवन देई राखेया

जे तुसे एक मसीही ए तेबे जो यीशुए कित्तेया तेसरे कारण परमेशरे तुसा रे पाप माफ करी दिते ऐबे, परमेशर तुसा खे एक घनिष्ठ दोस्त मानोआ

जे तुसे परमेशरो रे दोस्त ए ओर प्रभु यीशुए रे दास ए तेबे तुसे तिना गल्ला खे मानणे री इच्छा करोए जो यीशु तुसा खे सिखाओआ पले ई तुसे एक मसीही ए, शैतान ऐबु बी पाप करने खे तुसारी परिक्षा करोआ पर परमेशर सदा सेई करोआ जो से बोलोआ की तेस करना से बोलोआ की जे तुसे आपणे पाप मानी लओ, तेबे से तुसा खे माफ करी देओआ से तुसा खे पापो रे खलाफ लड़ने री सामर्थ देओआ

परमेशर तुसा खे प्रार्थना करने ओर तेसरे वचनो खे पढ़ने खे बोलोआ से तुसा खे ओरी विश्वासिया साथे मिली की तेसरी आराधना करने खे बी बोलोआ तुसा खे ओरी लोका खे बी बताणा ए की तिने तुसा रिया तंई क्या करी राखेया जे तुसे इना सबी कामा खे करो, तेबे तुसे तेसरे एक पक्के दोस्त बणी जाणे