48. यीशु ई मसीह ए

जेबे परमेशरे संसार बणाया तेबे सब कुछ ठीक था कोई पाप नी था आदम ओर अव्वा एकी दुजे साथे प्यार करो थे, ओर से परमेशरो ते प्यार करो थे कोई बमारी या मौत नी थी परमेशर ईंया ई संसारो खे चाओ था

शैताने सांपो रे जरिए बगीचे दे अव्वा साथे गल्ल किती, कऊंकि से तेसा खे तोखा देणा चाओ था तेबे अव्वा ओर आदमे परमेशरो रे खलाफ पाप कितेया कऊंकि तिने पाप कितेया था इजी खे तरतिया पांदे रणे वाल़े सारे जणे मरोए

कऊंकि आदम ओर अव्वे पाप कितेया था, इजी खे कुछ ओर बी बुरा ऊआ से परमेशरो रे दुश्मण बणी गे जेतेते बाद, तेबे हर एकी जणे पाप कितेया हर एक जणा जन्मो तेई परमेशरो रा दुश्मण ए परमेशर ओर लोका बीचे शान्ति नी थी पर परमेशर शान्ति बनाणा चाओ था

परमेशरे प्रतिज्ञा किती की अव्वा रा एक वंश शैतानो रे सिरो खे कुचलोगा तिने ए बी बोलेया की शैतान तेसरी आड़िया खे डसोगा दुजे शब्दा दे, शैतानो मसीह काई देणा, पर परमेशरो फेर सेजिऊंदा करी देणा इजी ते बाद, मसीहे शैतानो री शक्ति सदा खे खत्म करी देणी कई साला बाद, परमेशरे प्रकट कितेया की से ई मसीह यीशु ए

परमेशरे तेसा बाढ़ा ते आपणा परिवार बचाया जो से लयाऊणे वाला था नूहो ते एक किश्ती बनाणे खे बोलेया सेयो लोक परमेशरे ई बचाए जो तेस पांदे विश्वास करो थे ईंया, से सब के सब परमेशरो रे जरिए काणे जोगे थे कऊंकि तिने पाप करी राखेया था पर परमेशरे तिना सबी खे बचाणे रिया तंई यीशु पेजेया जो तेस पांदे विश्वास करो थे

कई सौ साला तक, पुरोईत परमेशरो रिया तंई बलिदान चढ़ादें रए ए दशोआ की लोके पाप कितेया, ओर ए की से परमेशरो रे जरिए तिना खे सजा देणे जोगे थे पर से बलिदान तिना रे पाप माफ नी करी सके थे यीशु सबी ते बड़ा महायाजक ए तिने से कितेया जो कोई पुरोईत नी करी सको था तिने से एकमात्र बलिदान ऊणे रिया तंई आपु खे देईता जो हर केसी रे पाप मिटाई सको था तिने मानेया की परमेशर तिना सबी रे पापा रिया बजा ते तेसखे सजा देओईंया, यीशु सिद्ध महायाजक था

परमेशरे अब्राहमो खे बोलेया, “ आऊं तेरे जरिए संसारो रे सबी कुलो खे आशीष देऊंगा” यीशु ऐसी अब्राहमो रा वंश था परमेशर अब्राहमो रे जरिए सबी कुलों खे आशीष देओआ, कऊंकि जो यीशुए पांदे विश्वास करोए, तेबे परमेशर तिना खे अब्राहमो रे वंशज मानोआ

परमेशरे अब्राहमो खे बोलेया की से आपणा निज पाऊ, तेसरिया तंई बलिदान करी देओ पर फेर परमेशरे इसहाको रे बदले दे बलि करने रिया तंई एक खाड्डु दितेया आसे सब आपणे पापो रिया तंई काणेजोगे थे पर परमेशरे आसा री जगा पांदे मरने रिया तंई यीशु बलिदानो रे रुपो दे देईता ईंया आसे यीशुए खे परमेशरो रा खाड्डु बोलुंए

जेबे परमेशरे मिस्रो पांदे आखरी मुसीबत पेजी तेबे तिने हर एक इस्राएली परिवारो खे बोलेया की से एक खाड्डुए री बलि करो तेस खाड्डुए रा कोई दोष नी ऊणा चाईयो तेबे आपणे दुराजे री चौखटा पांदे ओर बगला दे तिना खे तेसरा खून लगाणा था जेबे परमेशरे से खून देखेया तेबे से तिना रे कअरो ते आगे निकल़ी गा ओर तिना रे पईले पाऊए खे नी कायेया जेबे ए ऊआ तेबे परमेशरे ऐते खे फसह रा त्यार बोलेया

यीशु फसह रे त्यारो रे एक खाड्डुए जेड़ा ए तिने कदी पाप नी कितेया, इजी खे तेसदे कुछ बी गल़त नी था से फसह रे त्यारो रे बखतो पांदे मरेया जेबे कोई यीशुए पांदे विश्वास करो था, तेबे यीशुए रा खून तेस आदमिए रे पापो री कीमत चुकाओ आ ए ऐड़ा ए जिंया की परमेशर तेस आदमिए रे नेड़े ते आगे चली गा, कऊंकि से तेसखे सजा नी देओ था

परमेशरे इस्राएली लोका साथे एक वादा कितेया, कऊंकि से ऐड़े लोक थे जिनाखे परमेशरे आपणा ऊणे खे चुणे थे पर ऐबे परमेशरे एक ऐड़ी वाचा बानी जो की सबी रिया तंई ए जे केसी बी जातिया रा कोई बी जणा ऐसा नई वाचा खे मानोआ, तेबे से परमेशरो रे लोका बीचे शामिल ऊई जाओआ से ऐड़ा इजी खे करोआ कऊंकि से यीशुए पांदे विश्वास करोआ

मूसा एक ऐड़ा भविष्यवक्ता था जिने परमेशरो रा वचन बड़िया सामर्था साथे प्रचार कितेया था पर यीशु सबी भविष्यवक्तेया दे सबी ते बड़ा ए से परमेशर ए, इजी खे जो कुछ बी तिने कितेया ओर बोलेया से परमेशरो रे काम ओर वचन थे इजी खे पवित्र शास्त्र यीशुए खे परमेशरो रा वचन बोलोआ

परमेशरे राजा दाऊदो ते प्रतिज्ञा किती थी की राजे रे रुपो दे तेसरे एकी वंशो परमेशरो रे लोका पांदे सदा खे राज करना यीशु परमेशरो रा पाऊ ओर मसीह ए, इजी खे से राजा दाऊदो रा वंश ए जो सदा खे राज्य करी सकोआ

दाऊद तो इस्राएलो रा राजा था, पर यीशु सारे संसारो रा राजा ए से फेर आऊणा ओर सदा खे न्याय ओर शान्तिया साथे आपणे राज्य पांदे राज करना