47. फिलिप्पीया दे पौलुस ओर सीलास

जेबे शाऊले पुरे रोमी साम्राज्य रे यात्रा किती तेबे तिने आपणे रोमी नाओं “पौलुस” लणा शुरु करीता एक दिन, पौलुस ओर तेसरा दोस्त सीलास फिलिप्पी शईरो दे यीशुए रे बारे दे शुब संदेश सुनाणे रिया तंई गए से शईरो ते बारे नदिया रे कनारे एक जगा पांदे गए जेती लोक प्रार्थना करने खे कट्ठे थे तेती से लुदिया नाओं री एक जवाणसा साथे मिले जो एक व्यपारणी थी से परमेशरो ते प्रेम करो थी ओर तेसरी आराधना करो थी

परमेशरे लुदिया खे यीशुए रे बारे दे संदेशो पांदे विश्वास करने रिया तंई त्यारकितेया पौलुस ओर सीलासे तेसाखे ओर तेसारे परिवारो खे बपतिस्मा दितेया तेसे पौलुस ओर सीलास आपणे कअरो दे रुकणे खे बुलाये, इजी खे से तेती ठईरी गे

पौलुस ओर सीलास लोका ते तेसा जगा पांदे मिलो थे जेती यहूदी लोक प्रार्थना करेया करो थे रोज जेबे से तेती जाओ थे तेबे एक दासी मुन्नी जेसा दे दुष्टात्मा थी तिना रा पीछा करेया करो थी ऐसा दुष्टात्मा रे जरिए से लोका रा भविष्य बताया करो थी, इजी खे से भविष्य बताणे वाल़िया रे रुपो दे आपणे मालका रिया तंई बऊत पईसे कमाया करो थी

तिना रे जांदे बखते से दासी मुन्नी चींगया करो थी, “ए मर्द परम प्रधान परमेशरो रे दास ए ए तुसा खे उद्धार पाणे री बाट बताया करो ए” से रोज ऐड़ा करेया करो थी जेतेते की पौलुस नराज हुई गा

बादो ते, एक दिन जेबे तेसे दासी मुन्निए चींगणा शुरु कितेया, तेबे पौलुसे तेसा री तरफा खे कुमी की तेसारे पीतरो री दुष्टात्मा खे बोलेया, “यीशुए रे नाओं ते ऐसा ते निकल़ी जा” तेसी बखते तेसे दुष्टात्मे से छाडीती

तेसा दासी मुनिया रे मालक बऊत गुस्से हुई गे तिना खे पता लगी गा की बिना तेसा दुष्टात्मा ते से दासी मुनी लोका खेभविष्य नी बताई सको थी ऐते रा मतलब था की लोका ऐबे तेसारे मालको खे पईसा नी देणा की से तिना खे भविष्य बताओ की तिना साथे क्या ऊणा

इजी खे तेसा दासी मुनिया रे मालक पौलुस ओर सीलासो खे रोमी अधिकारिये रे नेड़े लई गे तिने पौलुस ओर सीलास कुटे, ओर फेर से जेलखाने दे पाई दिते

तिने पौलुस ओर सीलासो खे जेलखाने रे ऐड़े ईस्से दे राखे जेती सबी ते जादा सिपाई थे ऐथो तक की तिने तिना रे पैर लकड़ीया रे तखते दे जोड़ी ते पर पौलुस ओर सीलास आदिया राती रे बखते, परमेशरो री स्तुतिया रे गाणे गाया करो थे

तेबु ई, एक डरावणा ईलण ऊआ जेला रे सारे दुराजे खुली गे, ओर सारे कैदिया री जंजीरा खुली गिया

तेबे दरोगा जागी गा तिने देखेया की जेला रे सारे दुराजे खुली रे थे तिने सोचेया की सारे कैदी बची की नठी गे से डरीगा की तिना रे नठी जाणे री बजा ते रोमी अदिकारीया से काई देणा,इजी खे से आपु मरने रिया तंई त्यार ऊईगा पर पौलुस तेसखे देखी की बोलेया, “रुकी जा आपू खे नुकशाण नी पऊंचा आसे सब ऐथी ए”

तिने दरोगे कांबदे ऊए पौलुस ओर सीलासो रे नेड़े आई की पूछेया, “उद्धार पाणे खे आंऊ क्या करुं?” पौलुसे ज्वाब दितेया, “प्रभु यीशुएपाँदे विश्वास कर, तेब तां ओर तेरे कराने उद्धार पाणा” तेबे से दरोगा पौलुस ओर सीलासो खे आपणे कअरे लईगा ओर तिना रे जख्म तोए पौलुसे तेसरे कअरो रे सब लोका खे यीशुए रे बारे दे शुब संदेश सुणाया

दरोगे ओर तेसरे पुरे परिवारे यीशुए पांदे विश्वास कितेया, इजी खे पौलुस ओर सीलासे तिना खे बपतिस्मा दितेया तेबे दरोगे पौलुस ओर सीलासो खे रोटी खुल़ाई, ओर सेयो एक साथे खुश ऊए

आगले दिने शईरो रे अगुए पौलुस ओर सीलास जेला ते आजाद करीते पर फलिप्पीया खे जाणे खे बोलेया पौलुस ओर सीलास लुदिया ओर कुछ ओरी दोस्ता ते मिले ओर तिजी ते बाद शईरो ते निकल़ी गे यीशुए रे बारे दे शुब संदेश फईलदा गया, ओर कलीसिया बढ़दी गई

पौलुस ओर ओरी मसीही अगुए बऊत जे शईरो री यात्रा किती तिने लोका खे यीशुए रे बारे दे शुब संदेश सुणाया तिने कलीसिया रे विश्वासिया खे उत्साहित करने ओर शिक्षा देणे रिया तंई कई चिट्ठिया लिखिया इना बीचा ते कुछ चिट्ठिया बाइबला री कताबा बणी गिया