46. पौलुसो रा मसीही विश्वासी बणना

शाऊल नाओं रा एक आदमी था जिने यीशुए पांदे विश्वास नी कितेया था जेबे से जवान था, तेबे तिने स्तिफनुसो खे काणे वाल़ेया रे टाल्लेया री निगरानी किती थी बादो ते, तिने विश्वासी सताए थे तिने यरुशलेमो दे कअरे-कअरे जाई की मर्द ओर जवाणस दोनो गिरफ्तार करी की जेला रे पाई ते थे तेबे बड़े पुरोईते शाऊलो खे दमिश्क शईरो दे जाणे खे आज्ञा दिती तिने तेथो रे मसीही गिरफ्तार करने ओर तिना खे वापस यरुशलेमो दे लई की आऊणे खे शाऊलो खे बोलेया

तेबे शाऊले दमिश्को खे जाणे री यात्रा शुरु किती तेस शईरो खे पऊंचणे ते थोड़ा ई पईले, तेसरे चऊं कनारे सर्गो ते एक प्रयासा चमकेया, ओर से जमींना पांदे रुड़ी गा शाऊले केसी खे बोलदे ऊए सुणेया, “ओ शाऊल तू माखे कऊं सताणे लगी रा?” शाऊले पुछेया, “ओ प्रभु, तू कुण आ?” यीशुए ज्वाब दितेया, “आऊं यीशुए तू माखे सताया करेया”

जेबे शाऊल उठेया तेबे से देखी नी सको था तेसरे दोस्त तेसखे दमिश्को खे लई की गये थे शाऊले तीऊं दिना तक कुछ बी खाया पिया नी था

दमिश्को दे हनन्याह नाओं रा एक चेला था परमेशरे तेसखे बोलेया, “तेस कअरो खे जा जेती शाऊल ए आपणे आथ तेस पांदे राख ताकि से फेर देखणे लगो” पर हनन्याहे बोलेया, “ मैं सुणी राखेया की इने आदमिए विश्वासी किंयां सताए” परमेशरे तेसखे ज्वाब दितेया, “जा मैं से यहूदिया दे ओर दुजी जातिया रे लोका खे मेरे नाओं री घोषणा करने खे चुणी ला रा तेस मेरे नाओं रिया तंई बऊत दुख सईन करना”

तेबे हनन्याह शाऊलो गे गया, आपणे आथ तेस पांदे राखे, ओर बोलेया, “यीशुए, जो ऐती आऊणे री बाटा रे तां पांदे प्रकट उई रा था, आऊं तां नेड़े पेजी राखेया ताकि तू फेर देखणे लगे, ओर पवित्र आत्मा ताखे परी देओ” तेबु ई शाऊल फेर देखणे लगी गा, ओर हनन्याहे तेसखे बपतिस्मा दितेया तेबे शाऊले रोटी खाई ओर फेर बलवंत हुई गा

तेबु ई, शाऊले दमिश्को दे रणे वाले यहूदिया रे प्रचार करना शुरु करीता तिने बोलेया, “यीशु ई परमेशरो रा पुत्र ए” यहूदी लोक हैरान थे, कऊंकि शाऊले तो विश्वासिया खे काणे री कोशिश किती थी, पर ऐबे तिने यीशुए पांदे विश्वास कितेया था शाऊले यहूदिया साथे बईस किती तिने दखाया की यीशु ई मसीह था

बऊत दिना ते बाद, यहूदिए शाऊलो खे काणेरिया तंई योजना बनाई तिने तेसखे मारने रिया तंई शईरो रे फाटको पांदे लोक पेजे की तेसरी निगरानी करो पर शाऊले तेसरी योजना रे बारे दे सुणी ला, ओर तेसरे दोस्ते बची की निकल़णे दे तेसरी मताद किती एक राती तिने से टोकरिया दे बठयाल़ी की शईरो री दवाला ते थाले तवारी ता दमिश्को ते बची की निकल़णे ते बाद शाऊल यीशुए रे बारे दे प्रचार करदा रया

शाऊल प्रेरिता ते मिलणे रिया तंई यरुशलेमो दे गया, पर सेयो तेसते डरो थे तेबे बरनबास नाओं रा एक विश्वासी शाऊलो खे प्रेरिता गे लईगा तिने तिनाखे बताया की शाऊले किंयाँईमती साथे दमिश्को रे प्रचार कितेया था तिजी ते बाद, प्रेरिते शाऊल मानी ला

कुछ विश्वासी जो यरुशलेमो रे सतावो ते नठी गे थे से दूर अंताकिया शईरो दे चली गे थे ओर यीशुए रे बारे दे प्रचार करो थे अंताकिया दे रणे वाल़े लोक जादातर यहूदी नी थे, पर पईली बार, तिना बीचा ते बऊत लोक विश्वासी बणी गे बरनबास ओर शाऊल इना नए विश्वासिया खे यीशुए रे बारे दे ओर जादा सिखाणे रिया तंई तेती गए ओर कलीसिया मजबूत किती यीशुए पांदे विश्वास करने वाल़ेया खे पईली बार अंताकिया दे ई “मसीही” बोलेया गया

एक दिन, अंताकिया रे मसीही लोक बरतो साथे प्रार्थना करने लगी रे थे पवित्र आत्मे तिना खे बोलेया, “मेरिया तंई बरनबास ओर शाऊलो खे तेस कामो खे करने रिया तंई लग करी देओ जेस करने रिया तंई मैं से बुलाई राखे” इजी खे अंताकिया री कलीसिये बरनबास ओर शाऊलो रिया तंई प्रार्थना किती ओर तिना पांदे आपणे आथ राखे तेबे तिने तिना खे ओरी बऊत जगा पांदे यीशुए रे बारे दे शुब संदेशो रा प्रचार करने खे पेजीते बरनबास ओर शाऊले लग-लग जातिया रे लोका खे शिक्षा दिती, ओर बऊत जे लोके यीशुए दे विश्वास कितेया