45. स्तिफनुस ओर फिलिप्पुस

पीईले मसीही गुरूए रे बीचे स्तिफनुस नाओं रा एक मर्द था सब लोक तेसरा आदर करो थे पवित्र आत्मे तेसखे बऊत सामर्थ ओर बुद्धि देई राखी थी स्तिफनुसे बऊत चमत्कार किते थे जेबे तिने यीशुए पांदे परोसा करने रे बारे दे तिना खे शिक्षा दिती तेबे बऊत जे लोके तेस पांदे विश्वास कितेया

एक दिन, स्तिफनुस यीशुए रे बारे दे शिक्षा देया करो था, ओर कुछ ऐड़े यहूदी आए जिने यीशुए पांदे विश्वास नी कितेया था ओर तेस साथे बईस करनी शुरु करिती से बऊत गुस्सा हुई गे, इजी खे से तार्मिक गुरूए रे नेड़े गए ओर तेसरे बारे दे चूठ बोलेया तिने बोलेया, “आसे स्तिफनुसो खे मूसा ओर परमेशरो रे बारे दे बुरी गल्ला बोलदे ऊए सुणे इजी खे तार्मिक गुरूए स्तिफनुस गिरफ्तार करी ला ओर तेसखे बड़े पुरोईत ओर यहूदिया रे ओरी गुरूए रे सामणे लई की आए ओर बी चूठे गवा आए ओर तिने स्तिफनुसो रे बारे दे चूठ बोलेया

बड़े पुरोईते स्तिफनुसो खे बोलेया, “क्या ए लोक तेरे बारे दे सच बोलणे लगी रे?” स्तिफनुसे बड़े पुरोईतो खे जवाब देणे रिया तंई बऊत गल्ला बोलणिया शुरु कितिया तिने बोलेयाकी अब्राहमो रे बखतो ते यीशुए रे बखतो तक परमेशरे इस्राएलो रे लोका खे बऊत नऊखे काम किते पर लोके सदा परमेशरो री आज्ञा नी मानी थी स्तिफनुसे बोलेया, “तुसे लोक परमेशरो रे खलाफ टीठ ओर बिरोद करने वाल़े ए तुसे सदा पवित्र आत्मा नी मानी, जेड़ा की आसा रे स्याणेया सदा पवित्र आत्मा नी मानी थी ओर सदा तेसरे भविष्यवक्ते काये थे पर जो तिने कितेया था तिजी रे बराबर तुसे बी बुरा करी राखेया तुसे मसीह काया”

जेबे तिने तार्मिक गुरूए ए सुणेया, तेबे से इतने गुस्से उई गे की तिने आपणे कान बंद करी ले ओर जोरे की चींगे से स्तिफनुसो खे रगड़ी की शईरो ते बारे लई गे ओर तेसखे काणे खे तेसखे पाथर बाए

जेबे स्तिफनुस मरने लगी रा था, से बोलणे लगेया, “ओ यीशु, मेरी आत्मा खे ग्रहण कर” तेबे से आपणे कुटणेया पांदे आया ओर फेर बोलणे लगेया, “ओ प्रभु, ए पाप तिना पांदे नी लगाणा” तेबे से मरीगा

तेस दिने, यरुशलेमो दे रणे वाल़े बऊत जे लोके यीशुए खे मानणे वाल़े लोक सताणे शुरु करीते, इजी खे विश्वासी लोक ओरी जगा खे नठी गे पर इजी रे बावजूद बी, जेती केथी बी से गए तिने यीशुए रे बारे दे प्रचार कितेया

फिलिप्पुस नाओं रा एक यीशुए रा विश्वासी था जेड़ा की ओरी बऊत विश्वासिए कितेया था से बी यरुशलेमो दे नठी गा से सामरिया रे क्षेत्रो दे चली गा तेती तिने लोका खे यीशुए रे बारे दे प्रचार कितेया बऊत जे लोके तेस पांदे विश्वास कितेया ओर उद्धार पाया एकी दिने, फिलिप्पुसो रे नेड़े परमेशरो री तरफा ते एक स्वर्गदूत आया ओर तेसखे बणो दे जाणे खे, ओर एक सड़का पांदे चलणे खे बोलेया फिलिप्पुस तेती चली गा जेबे से तेते सड़का पांदे चलणे लगी रा था, तेबे तिने एकी आदमिए खे आपणे रथो दे जांदे ऊए देखेया ए आदमी कूश देशो रा एक खास अदिकारी था पवित्र आत्मे फिलिप्पुसो खे बोलेया की जाई की तेस आदमिए रे साथे-साथे चल

इजी खे फिलिप्पुस रथो रे नेड़े गया तिने सुणेया की से कूशी माणू परमेशरो रे वचनो खे पढ़ने लगी रा था जो यशायाह भविष्यवक्ते लिखेया था से तेसखे पढ़ने लगी रा था से पढ़ने लगी रा था, “से तेसखे खत्म करी जाणे वाल़ी पेडा रे जेड़े लईगे, ओर जिंया एक खाड्डु शान्त ओआ, तिने बी कुछ नी बोलेया तिने तेस साथे बुरा व्यवहार कितेया ओर तेसरा आदर नी कितेया तिने तेसरा प्राण लई ला”

फिलिप्पुसे तेस कूशी माणुए ते पुछेया, “जो तू पढ़ने लगी रा क्या तू तेस समजे बिया?” तिने कूशी माणुए जवाब दितेया, “ना जदुए तक कोई ऐस माखे नी समजाओ, तदुए तक आऊं ऐस नी समजी सकदा किरपा करी की मां नेड़े आई की बईठ यशायाह ए आपणे बारे दे लिखणे लगी रा था या केसी ओरी रे बारे दे?”

फलिप्पुस रथो पांदे चढ़ी की बईठी गा तेबे तिने तेस कूशी आदमिए खे से बताया जो यशायाहे यीशुए रे बारे दे लिखेया था फिलिप्पुसे परमेशरो रे वचनो रे बऊत जे ओरी पागा री बी चर्चा किती ईंया से, तिने तेस आदमिए खे यीशुए रे बारे दे शुब संदेश सुणाया

फिलिप्पुस ओर से कुशी चलदे ऊए पाणिए रे नेड़े आए तिने कुशिए बोलेया, “देख ऐते पाणिए दे क्या आऊं बपतिस्मा लई सकुंआ?” ओर तिने सारथीएखे रथ रोकणे खे बोलेया

तेबे से पाणिए दे चली गे, ओर फिलिप्पुसे तेस कुशी माणुए खे बपतिस्मा दितेया जेबे से पाणिए ते बारे आए, तेबे पवित्र आत्मा तेबु ई फिलिप्पुसो खे चकी की केसी ओरी जगा खे लेई गा तेती फिलिप्पुसे लोका खे परमेशरो रे बारे दे बताणा जारी राखेया

से कुशी आपणे कअरो री यात्रा पांदे आगे चली गा से खुश था की ऐबे से यीशुए खे जाणो था