44. पतरस ओर यहून्ना एक भिखारिए खे ठीक करोए

एक दिन, पतरस ओर यहून्ना मंदरो दे गए एक अपंग आदमी पीख मांगणे रिया तंई फाटको पांदे बईठेया रा था

पतरसे तेस लंगड़े आदमिए री तरफा खे देखेया ओर बोलेया, “मांगे ताखे देणे खे पईसा तो निए पर जो मांगे ए से आऊं ताखे देऊंआ यीशुए रे नाओं ते उठ ओर चल-फिर”

तेबु ई, परमेशरे से लंगड़ा आदमी ठीक करीता तिने ओरे-पोरे चलणा पुड़कणा, ओर परमेशरो री स्तुति करना शुरु करीता मंदरो रे आँगणो दे खड़े रे लोक हैरान थे

तेबु ई लोका री एक पीड़ तेस आदमिए खे देखणे रिया तंई आई जो ठीक हुई गा था पतरसे तेसखे बोलेया, “ए आदमी ठीक ए, पर ऐसा गल्ला पांदे हैरान नी ऊणा आसे ए आपणी शक्तिया साथे ठीक नी करी राखेया, या इजी खे नी की आसे परमेशरो रा आदर करूंए पर, से यीशुए जिने ऐस आदमिए खे आपणिया शक्तिया साथे ठीक करी राखेया, कऊंकि आसे यीशुए पांदे परोसा करुंए”

“तुसे सेईए जिने तेस रोमी राज्यपालो खे यीशुए खे काणे खे बोलेया था तुसे से काया जो सबी खे जीवन देओआ पर परमेशरे से मरेया रे बीचा ते जिऊंदा कितेया तुसे नी समजेया की तुसे क्या करने लगी रे थे, पर जेबे तुसे तेस कामो खे करने लगी रे थे, तेबे जो भविष्यवक्ते बोलेया था से पूरा ऊआ तिने बोलेया था की मसीहे दुख उठाणा ओर मरी जाणा परमेशरे से तेस तरीके साथे ऊणे दितेया इजी खे ऐबे पश्चाताप करो ओर परमेशरो री तरफा खे फिरो, ताकि से तुसा रे पापो खे तोई की साफ करी देओ”

जेबे मंदरो रे गुरूए पतरस ओर यहून्ने खे सुणेया, तेबे से बऊत कबराई गे इजी खे तिने से गिरफ्तार करी की जेला रे पाई ते पर जो पतरसे बोलेया था तिजी पांदे बऊत लोके विश्वास कितेया यीशुए पांदे विश्वास करने वाल़ेया री गिणती बढ़ी की कम से कम 5,000 ऊई गी

आगले दिने, से यहूदी अगुए पतरस ओर यहून्ने खे बड़े पुरोईतो ओर ओरी तार्मिक गुरूए रे सामणे लई की आए से तेस आदमिए खे बी लई की आए जो अपंग था तिने पतरस ओर यहून्ने ते पूछया, “केस अदिकारो ते तुसे से अपंग आदमी ठीक कितेया?”

पतरसे जवाब दितेया, “ए आदमी जो तुसा रे सामणे खड़ी रा तेसखे यीशु मसीह री सामर्था रे जरिए ठीक कितेया रा ए तुसे यीशु क्रूसो पांदे चढ़ाया पर परमेशरे से फेर जिऊंदा करीता तुसे से मानेया नि, पर यीशुए री सामर्थो रे जरिये उद्धार पाणे रा कोई दूजा रास्ता नी था”

से अगुए हैरान थे की पतरस ओर यहून्ने बऊत ईमती साथे गल्ला कितियाथिया तिने देखेया की ए सीदे मर्द ए जो की अनपढ़ थे पर फेर तिना खे याद आया की ए मर्द यीशुए साथे रए थे इजी खे तिने तिना खे बोलेया, “आसे ताखे बऊत जादा सजा देऊंगे जे तुसे ऐस आदमी यीशुए रे बारे दे लोका खे कोई ओर संदेश दित्तेया” एड़ी बऊत जी गल्ला बोलणे ते बाद, तिने पतरस ओर यहून्ना जाणे दिते