43. कलीसिया री शुरुआत

यीशुए रे स्वर्गो दे वापस चली जाणे ते बाद, चेले यरुशलेमो दे ई रुके जेड़ा की यीशुए तिना खे करने रा ऊकम दितेया था तेथो रे विश्वासी लोक लगातार एकी साथे प्रार्थना करने खे कट्ठे ओया करो थे

हर साल, फसह रे त्यारो रे 50 दिना ते बाद, यहूदी लोक पिन्तेकुस्त नाओं रे एक खास दिनो खे मनाया करो थे पिन्तेकुस्तो रा बखत था जेबे यहूदी लोक कणका री बड़ाईया खे मनाया करो थे सारे संसारो ते यहूदी लोक पिन्तेकुस्तो रे दिनो खे एकी साथे मनाणे रिया तंई यरुशलेमो दे आए थेएस साल, पिन्तेकुस्त मनाणे रा बखत यीशुए रे स्वर्गो खे चले जाणे रे लगभग एक अफ्ते ते बाद आया था

जेस बखते सारे विश्वासी लोक एक साथे कट्ठे थे, तेबे जेस कअरो दे से थे तेबुई से मुख्ती अव्वा रियाछेड़ा साथे परीगा तेबे आगी री लपटा रे जेड़ा दिखणे वाला कुछ सब विश्वासिया रे सिरा पांदे प्रकट ऊआ से सब पवित्र आत्मा साथे परी गे ओर तिने ओरी पाषा दे परमेशरो री स्तुति किती ए से पाषा थी जिनाखे बोलणे रिया तंई तिना खे से पवित्र आत्मे बोलणे जोगे थे

जेबे यरुशलेमो दे रणे वाल़े लोके से आल्ला सुणेया, तेबे से पीड़ा रे रुपो दे देखणे रिया तंई कट्ठे आए की क्या ऊणे लगी रा था तिने विश्वासिया खे परमेशरो रे जरिए किते रे बड़े-बड़े कामो री घोषणा करदे ऊए सुणे से हैरान थे कऊंकि से तिना कामा खे आपणी पाषा दे सुणेया करो थे

इना बीचा ते कुछ लोके बोलेया की से चेले नशे दे थे पर पतरस खड़ा ऊआ ओर तिना खे बोलेया, “मेरी गल्ल सुणो ए लोक नशे दे निए इजी री बजाए, जो तुसे देखोए ये सेई ए जो योएल भविष्यवक्ते बोलेया था की एड़ाऊणा परमेशरे बोलेया, ‘अंतो रे दिनो दे, मां आपणा आत्मा पेजणा

“ओ इस्राएली मर्दो, यीशु एक ऐड़ा आदमी था जिने ए दखाणे रिया तंई कि से कुण था बऊत जे नऊखे काम किते तिने परमेशरो रिया सामर्था ते बऊत जे नऊखे काम किते थे तुसे ए जाणोए, कऊंकि तुसे ए काम देखी राखे पर तुसे से क्रूसो पांदे चढ़ाईता”

“यीशु मरीगा पर परमेशरे से मरेया रे बीचा ते जिऊंदा करीता ईंयां से गल्ल पुरी ऊई जो एक भविष्यवक्ते लिखेया था: ‘तू आपणे पवित्र जणो खे कब्रा दे सड़ने नी देंदा’ आसे गवाए की परमेशरे यीशु फेर जिऊंदा करी ता”

“परमेशर पिते ऐबे यीशुए खे आपणे दाणे कनारे बठयाल़ीकी तेसखे आदर दितेया ओर यीशुए आसा खे पवित्र आत्मा पेजी राखेया जेड़ा की तिने प्रतिज्ञा किती थी की तेस पेजणा पवित्र आत्मा ई तिना कामा खे ऊणे देया करोआ जिना खे तुसे देखेया करोए ओर सुणेया करोए”

“तुसे से आदमी, यीशु क्रूसो पांदे चढ़ाईता पर पक्का जाणी लओ की परमेशरे यीशुए खे सब चीजा पांदे प्रभु ओर मसीह दोनो ठराई राखे”

पतरसो खे सुणने वाले लोक तेसरे जरिए बोली री गल्ला ते पीतरो तक ईली गे थे इजी खे तिने पतरस ओर चेलेया खे पूछेया, “ओ पाईयो, आसा खे क्या करना चाईयो?”

पतरसे तिना खे ज्वाब दितेया, “ तुसा बीचा ते हर कोई आपणे पापो रिया तंई पश्चाताप करो ताकि परमेशर तुसा रे पापो खे माफ करो, ओर यीशु मसीह रे नाओं ते बपतिस्मा लओ तेबे से तुसा खे वरदानो रे रुपो दे पवित्र आत्मा बी देओआ”

पतरसे जो बोलेया तिजी पांदे लगभग 3,000 लोके विश्वास कितेया ओर यीशुए रे चेले बणी गे तिने बपतिस्मा लया ओर यरुशलेमो री कलीसिया रा ईस्सा बणी गे

जेबे प्रेरिते तिना खे शिक्षा दिती तेबे विश्वासिए लगातार सुणेया से रोज मिलेया करो थे ओर कट्ठे रोटी खाया करो थे, ओर तिने रोज एकी-दुजे खे प्रार्थना किती तिने मिली की परमेशरो री स्तुति किती ओर जो कुछ बी तिना गे था तिने एकी दुजे साथे बांडेया शईरो रा हर एक आदमी तिना रिया तंई ठीक सोच राखो था रोज, जादा ते जादा लोक विश्वासी बणदे गए