21. परमेश्वर मसीहा रौ वाइदौ कौरा सा

ज़ेबी परमेश्वरै दुनिया चाणी थी, सेऊ ज़ाणा थौ कि बासिए एकी दिनै मसीहा जा भेज़णौ। तिणिए आदम और हव्वा लै वाइदौ कियौ थौ कि सेऊ इणौ कौरा सा। तिणिए बोलौ कि हव्वा कु एक वंश पैदौ कौरा ज़ो सापा रौ मूंड फेच़ा सा। ज़ेज़ै सापै हव्वा लै धोखौ देऔ सेऊ पाकौ इ शैतान थौ। परमेश्वरा री मौरज़ी थी कि मसीह शैतान आच्छ़ा कौरी हौरावा।

परमेश्वरै अब्राहमा कु वाइदौ कियौ थौ कि तेसरै ज़ौरिऐ दुनिया री सारी ज़ाती आशीष पा आ ई। परमेश्वर बासिए एकी बौगतै मसीह भेज़णै रै जौरिऐ एस वाइदौ पूरौ कौरा सा। सेऊ मसीह दुनिया री हर एक ज़ाती मांझ़िया कु लोगु तिउंरै पापा कु छ़ुड़ावा सा।

परमेश्वरै मूसा कु वाइदौ कियौ थी कि सेऊ मूसा रै ज़िणौ एक दुजौ भविष्यद्वक्ता भेज़ा सा एऊ भविष्यद्वक्ता मसीह हुआ सा ईणी रीती कौरी, परमेश्वरै तौइंए वाइदौ कियौ कि सेऊ एक मसीह भेज़ा सा।

परमेश्वरै राज़ा दाऊदा कु वाइदौ कियौ थौ तेसरौ एक वंशा कु मसीह आशा सा। सेऊ राज़ौ हुआ और परमेश्वरा रै लोगु माथी सौदा-सौदा लै राज़ कौरा सा।

परमेश्वरै यिर्मयाह भविष्यद्वक्ता कु बुशै लाई थी कि एक दिनै सेऊ नौवौ वाइदौ बाना सा। सेऊ नौवौ वाइदौ इसराएला आइलै सीनै पर्वता माथी बानै औंदै पुराणै वाइदै ज़िणौ नाईं औंदौ। ज़ेबी लोगु आइलै सेऊ नौवौ वाइदौ बाना सा, ता सेऊ तिउं माथी आपु आदमी रै रूपा दी परगट कौरा सा। हर एक आदमी तेस आइलै प्यार छ़ाड़ा सा और तेसरै कानूना माथी आंडणै री ईच्छ़ा छ़ाड़ा सा। परमेश्वरै बोलौ कि सेऊ तेसरौ कानूना रौ तेसरै ज़िवा दी लिखणै ज़िणौ हुआ सा। सै तेसरै लोग हुआई, और परमेश्वर तिउंरै पाप माफ कौरा सा। सेऊ मसीहा हुआ सा ज़ो तेस आइलै नौवौ वाइदौ बाना सा।

परमेश्वरा रै भविष्यद्वक्तुए इणौ भी बोलौ आ कि मसीह एक भविष्यद्वक्ता हुआ सा। एक भविष्यद्वक्ता सेउ आदमी आ ज़ो परमेश्वरारै वचन शुणा सा और तैबै लोगु माथी परमेश्वरा रै संदेशा रै बारै दी बोला सा। ज़ास भेज़णा रौ वाइदौ परमेश्वरै कियौ थौ सेऊ मसीह एक पाकौ भविष्यद्वक्ता हुआ सा। यानिके सेऊ मसीह परमेश्वरा री संदेश आच्छ़ा कौरी शुणा सा, और सेऊ लोगु कै तिउं संदेश आच्छ़ा कौरी शिखावा सा।

इस्राएली याजकुए लोगु लै परमेश्वरा काए बौल़िइदान कौरदै थाकै लागी। ऐउ बौल़िदान लोगु रै पाप लै तिउं परमेश्वरा रै ज़ौरिए सौज़ा वाल़ै ज़ागा दी च़ौड़ावा थै। याजकुए लोगु लै प्राथना की। पर सेऊ मसीह पाकौ याजक औलौ ज़ो परमेश्वरा लै देणा लै एक पाकी बौल़ी रै रूपा दी आपु हुआ सा यानिके, सेऔ केबी भीपाप नाईं कौरदौ, और सेऊ आपु आपणौ शरीर बौल़ी कौरणा लै दिया सा, ता दुनिया रौ कोई भी दुजी बौल़ी ज़रूरी नाईं औल़ी

लोगु रै झ़ुंडा माथी राज़ौऔर परधान राज़ कौरा सा, और केबी-केबी सै गौल़ती कौराई, राज़ा दाऊदै सिरफ इसराएलिउ माथी राज़ कियौ आ, पर राज़ा दाउदा रौ वंश मसीह पूरी दुनिया माथी राज़ कौरा सा, और सेऊ सौदा राज़ कौरा सा एथारै अलावा, सेऊ सौदा इमान दारी कौरी राज़ कौरा सा, और सही फैसलै कौरा सा।

परमेश्वरारै भविष्यद्वक्तु रै ज़ौरिऐ मसीहा रै बारै दी भौरी बुशै बोली। ज़िणौ कि, मलाकीए बोलौ कि मसीहा आशणै कु पैहला एक दुजौ भविष्यद्वक्ता आशा सा। सेऔ भविष्यद्वक्ता भोरी ज़रूरी हुआ सा। एथारै अलावा यशायाह भविष्यद्वक्तै लिखौ आ मसीह एक बिण ब्याई छ़ोटुड़ी कु पैदौ हुआ सा। और मीका भविष्यद्वक्तै बोलौ कि मसीहा बैलहम इलाकै दी पैदौ हुआ सा।

यशायाहै भविष्यद्वक्तै बोलौ कि मसीह गलीला रै इलाकै दी रौआ आ। ज़ो लोग दुखी आ मसीहा तिउंलै शान्ति दिया सा। सेऊ कैदिउ भी आज़ाद कौरा सा। मसीहा बीमार लोगु और ज़ासकै शुणिदौ नाईं, ज़ासकै दिशदौ नाईं, लाटै इ, या आंडिदौ नाईं तिउं भी च़ांगौ कौरा सा

यशायाह भविष्यद्वक्तै इणौ भी बोलौ कि लोग मसीह आइलै नफरत कौराई और तेस नाईं अपणाउंदै। ओर भविष्यद्वक्तुए बोलौ कि मसीहा रौ एक साथी तेसरै बिरोधाई उठा सा। जकर्याह भविष्यद्वक्तै बोलौ कि तेसरौ एक साथी इणौ कौरणा लै दुजै लोगु कु एक बिए दस च़ाँदी रै सिक्कै निंआ। एथारै अलावा, कुछ़ भविष्यद्वक्तुए बोलौ कि लो मसीह झ़ाँगाई, और तेसरै जुड़कै बाँडणा लै पौरच़ी पा ई।

भविष्यद्वक्तुए इणौ भी बोलौ कि मसीह किणौ मौरा सा। यशायाहै भविष्यवाणी की कि लोग मसीहा माथी थुकाई तेसरौ मज़ाक उड़ाउवाई, तेस पीटाई सै तेस छोपाई और सेऊ भौरी बेदण और भौरी पिटियौ पोरु मौरा सा, ज़ैबै कि सेऊ कुछ़ भी गौलत काम नाईं कौरदौ।

भविष्यद्वक्तुए इणौ भी बोलौ कि मसीहा पाप नाईं कौरदौ। सेऔ सिध हुआ सा सारी बुध्दी और औकली कु भौरुऔ औंदौ हुआ सा। पर सेउ एथलै मौरा कि परमेश्वर तेसलै दुजै लोगु रै पापा रै कारणै सौज़ा दिआ। तेस मौरनै कु लोग परमेश्वरा आइलै मेल कौरणै रै लायक हुआई। एथीलै परमेश्वर च़ाहा सा कि मसीह मौरा।

भविष्यद्वक्तुए इंणौ भी बोलौ कि परमेश्वर मसीह मौरै औंदेउ मांझ़ा कु ज़िउंदौ कौरा सा। एऊ देखावा कि एउ सब नौऐ वाइदौ बानणै री परमेश्वरा री योजना थी, ताकी सेऊ तिउं लोगु बौच़ाई बौल़ा ज़ुणिए तेसरै बिरोधाई पाप कियौ।

परमेश्वरै भविष्यद्वक्ताउ माथी मसीहा रै बारै दी भौरीका बुशै परगट की, पर मसीह तिउं भविष्यद्वक्तु मांझ़िया कु कासी री भी ज़िंदगी दी नाईं आशौ थौ। इउं भविष्यवाणी देणै रै च़ार शौ बौरशा बासिए, ठीक बौगता माथी, परमेश्वर, मसीह इयां दुनिया दी भेज़ा सा।