1. परमेशवर दवारा संसार गौ बणाऔ जाणौ
ईं तरिआँ शरूआत मै परमेशवर सारे संसार गि सृष्टि करी। बण छ;ह दिना मै संसार अर झीको की बिंगै मा हो सृष्टि करी। जद परमेश्वर रच़ना करी बिं समय अंधेरो अर धरती खाली ही, क्योंकि अब तांई परमेश्वर बीगं मां कोई भी चीज कोनी बणाई।पर परमेश्वर गो आत्मा पाणी गै ऊपर घुमतो हो।
फेर परमेश्वर केऔ, ‘चानण’ होज! अर चानण होगेओ।फेर परमेश्वर देखेओ चानण आछौ हे अर बिण ‘दिन’ केओ। अर बिण अंधेर मुं अलग करेओ अर बिण रात केऔ। परमेश्वर सृष्टि करण गै पहले दिन चनण गि रचना करि।
सृष्टि करण गै दुसर दिन परमेश्वर केऔ, “पाणी गै ऊपर अन्तर होज।” अर अन्तर हो गेओ। परमेश्वर बीं अन्तर नै ‘आकाश’ केओ।
तीसर दिन परमेश्वर केओ, “पाणी एक जगह पर इकट्ठा होज अर सूखी जमिन दिख।” बण सूखी जमिन नै ‘पृथ्वी’ केओ अर पाणी नै ‘समुद्र’ केओ। परमेश्वर देखेओ के आछो है।
फेर परमेश्वर केओ, “पृथ्वी सारा तरीआ गा पेड़ अर पौधा उगावै।“ अर बीया ही होगेआ। परमेश्वर देखेओ झीको की बण बणाओ हो बो आच्छो हो।
सृष्टि करण गै चौथ दिन परमेश्वर केओ, “आकाश मै ज्योतियाँ होवै।” अर सूर्य, चंद्रमा अर तारागण प्रकट होगेआ। परमेश्वर बान पृथ्वी पर चानण देण खातिर दिन अर रात, मौसमां अर सांला मै भेद करण खातिर बणाओ।
पाँचवं दिन परमेश्वर केओ, "जीवित प्राणी पाणी मै भर जावै अर आकाश मै पक्षी उडै।” ई तरिंयां परमेश्वर पाणी मै तेरण आला सार जन्तुओं अर पक्षियों नै बणाओ। परमेश्वर देखेओ के सारो कि आछो है अर परमेश्वर बान बर्कत देई।
सृष्टि करण ग छठवें दिन परमेश्वर केओ, “जमीन पर रेण आला सारी तरिंयां गा जानवर होवै।” अर परमेश्वर गै केण तरिंयां हो गेओ। कीं जानवर पालतू हा, कीं जमीन पर रेंगण आला, कीं जानवर जंगली हा।” अर परमेश्वर देखेओ के आच्छो है।
फेर परमेश्वर केओ, “आओ आपां आदमी ने आपणे रुप मै अर आपणी समानता मै बणावां। बो पृथ्वी अर सारे जानवरां पर राज करगो।”
परमेश्वर मिट्टी लेगै बिमुं आदमी बणाऔ अर बिमे जीवन गो सांस फुंक दिओ बो एक जिंदा मनुष्य बण गेयौ। ईं मनुष्य गो नाम आदम हो परमेश्वर आदम गे रेण खातीरा ऐक बगीचो बणाओ अर बिंगी देखभाल करन खातिर आदम नै रख दिओ।
बिं बगीच गै बिच मै परमेश्वर दो खास पेङ ल़गाआ, जीवन गौ पेङ अर भले अर बुरे गै ज्ञान परमेश्वर आदम नै केओ के बिं बगीच गै जीवन गौ पेड़ अर भले अर बुर गै ज्ञान गै पेड़ नै छोड़ गै अन्य किं भी पेड़ गौ फल खा सक है। जे बिं पेड़ गौ फल खाओ गौ तो तु मर जावगौ।
फेर परमेश्वर केओ, “आदमी गो ऐकलो रेणो ठिक कोनी।” पर कोई जानवर आदम गो साथी ना हो सकेओ।
ईं खातिर परमेश्वर आदम ने गहरी नींद में सुला दिओ। फेर परमेश्वर आदम गी एक पसली लेगे बिमुं एक स्त्री गी रचना करी अर बिन आदम गे कने लेगे आओ।
जद आदम बिन देखेऔ तो बण केओ, “कम मुं कम आ तो मेर झिसी है। आ 'स्त्री' कवावगी, क्योंकि आ आदम मुं बणाई गेई है।” ईं कारण आदमी आपण माता-पिता नै छोड़ देअ है अर आपणी पत्नी गै सागै एक होजै है।
परमेश्वर आदमी नै अर स्त्री नै आपण रूप में बणाओ। परमेश्वर बानै बरकत देई अर केऔ, “बहुत सारी संतानां अर पोता-परपोत पेदा करो अर पृथ्वी भर देओ!" अर परमेश्वर देखेऔ के झीको कीं मै बणओ है बङो आच्छा हौ, अर परमेश्वर बामुं बङो खुश। औ सारौ कीं सृष्टि करण गै छठवें दिन होऔ।
जद सातवों दिन आऔ तो झिकौ किं परमेश्वर करे आवै हौ बणै सारा कामां नै समाप्त करेऔ। परमेश्वर सातवं दिन नै बर्कत दि अर बिं दिन नै पवित्र ठहराऔ,क्योंकि परमेश्वर बिं दिन सारी चीजां गी सृष्टि करण नै समाप्त करेऔ हौ। ईं तरिंयां परमेश्वर संसार गी अर झिकौ किं बिंग मां हौ सृष्टि करी।
उत्पति अध्याय 1-2 मुँ बाईबल गी कहाणी
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।