2. पाप गो संसार मै आणौ

आदम अर बिंगी पत्नी परमेश्वर द्वारा बां खातीर बणांआ गेआ बी सुणै बगीचा मै रेंता होआ बोत खुश हा। बांग मांऊ कोई कपङा कौनी घालतो हौ, फेर भी आ बात बांग माऊ किन भी शर्मिन्दा कौनी करती हि, क्योंकि संसार में पाप कौनी हों। बे हर रोज बगीच मै घुमता अर परमेश्वर सागै बात करता हा।

पर बगीच मै एक सांप हौ। बौ बोत चलाक हौ। बणै बीं स्त्री नै पुछेऔ, “के सच्‍ची परमेश्वर थानै ईं बगीच मुँ कोई भी पेड़ गौ फल खाण ने रोकेयौ है?”

स्त्री उत्तर दिओ, “परमेश्वर मांनै केऔ है मैहं बीं भलै अर बुरै गै ज्ञान गै पेड़ गै अलावा कोई भी पेड़ गौ फल खा सकुं हुं। परमेश्वर केऔ है जे थे बिं पेङ गौ फल खाऔ जे छुऔ भी, तो थे मर जाओगा।"

सांप स्त्री ने जवाब दिओ, औ सच कौनी है! थै कौनी मरोगा। परमेश्वर जाणै है कै जिआं ही थै बीं फल नै खाओगा, थै परमेश्वर गै समान हो जाओगा अर परमेश्वर गै समान भले अर बुरे नै समझण लागजौगा।”

स्त्री देखेओ के बौ फल मनभावना अर स्वादिष्ट दिखे है। बा भी समझदार बणणो चाहंती ही, ईं खातिर बणै फल नै तोड़ गै खा लिऔ। फेर बणै आपण पति नै झिको बिंग साग हो बौ फल दिऔ अर बण भी खा लिऔ।

अचानक ही, बांगी आँखेंआं खुल गी, अर बानै ठा लागेऔ के मै नंगा हां। बां पत्‍तां नै एक सागै सिलगै बांगा कपड़ा बणागै बामुं आपण शरीरां नै ढाँकण गी कोशिश करी।

फैर आदमी अर बिंगि पत्नी बिं बगीच मै टहलता हौआ परमेश्वर गी आवाज सुणी। बै दोनुं परमेश्वर मुं लुक गैआ। फैर परमेश्वर आदम नै आवाज लगाई, "तू कठ है?" आदम जवाब दिऔ, "मैं थानै बगीच में टहलतै हौअ सुणेऔ, अर मैं डर गैऔ हौ, क्योंकि मैं नंगौ हौ। ईं खातीर मैंह लुक गैऔ।"

फैर परमेश्वर पुछैऔ, "तनै कणै बताऔ कै तू नंगौ है? कै तुं बौ फल खाऔ है झिको खाण खातिर मै थानै रौकेऔ हौ?” आदमी जवाब दिऔ, “थै मन झीकी स्त्री दी है बण ही मनै बौ फल दिऔ है।" फैर परमेश्वर स्त्री नै पूछेऔ, "तुं औ कै करेऔ है?" बा स्त्री बोली, "साँप मनै धोखौ दिऔ है।"

परमेश्वर साँप नै केऔ, “तू शापित है! तू पेट गै बल चालगौ अर मिट्टी चाटगौ। तू अर आ स्त्री एक दूसरे मुं नफरत करौगा, अर तेरी संतानां अर बींगी संतानां भी एक दूसर मू नफरत करगी। ईं स्त्री गौ वंश तेरै सिर नै कुचलेगा, अर तूं बांगी एड़ी डसगौ।"

फैर परमेश्वर बीं स्त्री नै कैऔ, "मैं तेरै संतान जन्माण नै बहौत पीड़ादायक करूँगा। तू आपणै पति मुं लालसा करगी, अर बौ तेरै ऊपर राज करगौ।"

परमेश्वर बिं आदमी नै केऔ, "तू अपणी पत्नी गी बात सुणी है अर मेरी आज्ञा कोनी मानी। ईं खातिर जमीन शापित होई है, अर तन भोजन उगाण खातिर कठिन परिश्रम करण गी आवश्यकता होवगी। अब तू मर जावगौ, अर तेरो शरीर मिट्टी में मिल जावगौ। “बिं आदमी आपणी पत्नी गौ नाम हव्वा राखेऔ, जिंगौ मतलब है "जीवन देण आली", क्योंकि बा सारी जातियों गी माता होवगी। अर परमेश्वर आदम नै अर हव्वा नै जानवर गी खाल गा बणेआ कपडा पहनाआ।

फेर परमेश्वर केऔ, "अब भलै अर बुरै नै जाणंगे आदमी माहरौ जिसो हो गेऔ है, इ खातिर बानं जीवन गै पेड़ गो फल कोनी खाण देणो है कि बै सदा खातिर जीवित ना रेवै।" ईं खातिर परमेश्वर आदम अर हव्वा नै बिं बगीच मुं बाहर निकाल दिऔ। अर परमेश्वर कीण भी बिं जीवन ग पेड़ गौ फल खाण मु रोकण खातिर बिं बगीचे गै प्रवेशद्वार पर शक्तिशाली स्वर्गदूतां बैठा दिओ।