11. फसह गौ त्योहार
परमेश्वर मूसा अर हारून नै फिरौन गै कनै ओ कणै भेजेओ के इस्राएलियां नै जाण दे। बे फिरौन नै चेतावनी दी जे बो बानै ना जाण देवगो, तो परमेश्वर मिस्र गै लोगां गा अर जानवरां गा सारा पहलौठां मार देवगो। फिरौन ओ सुणगे भी परमेश्वर पर विश्वास करणै मुँ अर बींगी बात नै इंकार कर दिओ।
परमेश्वर पर विश्वास करण आला बांगा पहलौठा पुत्र नै बचाण खातिर एक उपाय गो ईंतजाम करेयो। हरेक परिवार नै एक बेदाग मेमणो लेगे वध करणो हो।
परमेश्वर इस्राएलियो बी मेमण गै खुन नै लेगे आपण घरां गै दरवाजे पर लगाण खातिर केओ। बां बीं माँस नै भूनणो हो अर फेर बीन अखमीरी रोटी गै सागै फुर्ती मुँ खाणो हो । बानै बो भोजन खाण गै बाद जल्दि मिस्र छोड़ण खातिर तैयार रेण गो केओ।
जीयां करण खातिर परमेश्वर इस्राएलियां नै हुकम करेओ हो बां परमेश्वर गै केण तरिआँ सारो कि करेओ। आधी रात, परमेश्वर हर एक पहलौठां पुत्र नै घात करगे मिस्र गै बीच मुँ होगे गुजरेओ।
इस्राएलियां गा हरेक दरवाज पर खुन लागेओ होयो हो, ईं खातिर परमेश्वर बीं घरां नै छोड़ दिओ। इस्राएलियां लोग सारा सुरक्षित हा। बे मेमण गै खुन कारण बच गेआ हा।
मिस्रियां परमेश्वर पर विश्वास कोनी करेयो हो अर परमेश्वर गै आदेशां नै कोनी मानेओ हो। ई खातिर परमेश्वर बांगै घरा नै कोनी छोडेओ। परमेश्वर मिस्रियां गा हर एक पहलौठा पुत्रां नै मार दियौ।
जेल गा कैदियाँ गै पहलौठां बच्चां मुँ लेगे, फिरौन गा पहलौठां बच्चां तक, हर एक पहलौठा नर मर गेआ। आपगी जिद गै कारण मिस्र गा बोत सारा लोग रोण लागरेया हा।
बीं रात, फिरौन मूसा अर हारून नै बुलाओ अर केयो, "इस्राएलियां नै लेगे जल्दि ही मिस्र मु निकल जाओ!" मिस्र गै लोगां भी इस्राएलियां नै ज्लदि निकल जाण गो निवेदन करेओ।
निर्गमन अध्याय 11:1-12:32 मुँ एक बाइबल गी कहाणी
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।