12. इस्राएली लोगां गौ मिस्र देश मुँ निकलणौ
इस्राएली लोग मिस्र मुँ निकलगे बोत खुश हा। बे अब दास कोनी हा, अर बे प्रतिज्ञा गै देश नै जाण लागरेआ हा! झीको कि इस्राएलियां माँगेओ, मिस्रियां बानै बो सारो कि दिओ, अठे ताईं कै सोना अर चाँदी अर मूल्यवान वस्तुआँ। दूसरा देशां गा कई लोग परमेश्वर पर विश्वास करेओ अर जद अर इस्राएली लोग मिस्र मुँ निकलेआ तो बे भी बांगै सागै चाल पड़ेआ।
दिन मै बादल गो एक बड़ो खम्भो बांगै आगे-आगे चालेओ।अर रात गै समय बो आग गो खम्भो बणै गेओ। परमेश्वर झीको कि बादल गै खम्भा मै अर आग गै खम्भा मै हो, हमेशा बांगै सागै हो अर बणै यात्रा करता समय बांगी अगुवाई करी। बानै बस ईतो करणो हो कि लोगां बिंगै पिछै चालणो हो।
थोड़ समय गै बाद, फिरौन अर बिंगै लोंगा आपगै मन नै बदल दिओ। बे इस्राएलियां नै फेर दास बणाणो चाहंता हा। ईं खतिर बां इस्राएलियां गो पिछो करेओ। बो परमेश्वर ही हो जणै बांगै मनां नै बदल दिओ हो। बणै ईंआं ईं खतिर करेओ क्योंकि बो चावै हो के हर कोई आ जाणै लेयै कै फिरौन अर मिस्रियां गै सारा देवतावां मुँ बो, यहोवा, ज्यादा शक्तिशाली है।
जद इस्राएलियां मिस्र गी सेना नै आंतो दैखेओ तो बानै ठा लागगेओ के बे फिरौन गि सेना अर लाल समुद्र गै बिच मै फँस गेआ। बे बहोत डर गेआ अर रोण लागगेआ, "मैंह मिस्र क्यों छोडेओ? आपां मरण आलां हां!"
मूसा इस्राएलियां नै केऔ, "डरणो बंद करो! परमेश्वर आज थारै खातिर लड़गो अर थानै बचावगो।" जद परमेश्वर मूसा नै केऔ, "ई लोगां नै लाल समुद्र मै आगै बढ़ण खातिर केऔ।"
जद परमेश्वर बीं बादल गै खम्भे नै लेगे इस्राएलियां अर मिस्रियां गै बीच मै रख दिओ के मिस्री लोग इस्राएलियां नै देख ना सकै।
परमेश्वर मूसा नै समुद्र पर आपणो हाथ बढ़ाण खातिर केओ। फेर परमेश्वर हवा मुँ समुद्र गै पाणी नै बाईं तरफ अर दाईं तरफ करवा दिओ, के समुद्र मुँ होगे एक रास्तो बणऐ गेऔ।
इस्राएली लोग आपणै दोना तरफ पाणी गि दीवारां गै सागै सूखी जमीन पर समुद्र मुँ होगे बढ़ चालेआ।
जद परमेश्वर बीं रास्ते मुँ बादल नै उठा लिओ के मिस्री लोग इस्राएलियां नै बचगे जान्ता होया देख। मिस्रियां बानै पकड़न खातिर बांगो पीछो करण गो फेसलो कर लिऔ।
बे समुद्र गै बीच मै बीं रास्ता पर इस्राएलियां गो पीछो करेओ, पर परमेश्वर मिस्रियां नै घबरा दिऔ अर बांगा रथां नै अटका दिओ। बे चिल्लाण लागेआ, "भाजो! इस्राएलियां गी तरफ मुँ परमेश्वर लड़ रेओ है!"
सारा इस्राएली समुद्र गी दूसरी तरफ पोचँ गेया। जद परमेश्वर मूसा नै केओ के बो फेर पाणी पर हाथ बढ़ावै। जद मूसा ईंयां करेयो, तो पाणी मिस्री सेना पर आ पड़ेयो अर पैलां तरीआँ हो गेऔ। सारी मिस्री सेना डूब गी।
जद इस्राएलियां देखेओ के मिस्री मर गेआ तो इस्राएलियां परमेश्वर पर विश्वास करेओ। बां विश्वास करेओ के मूसा परमेश्वर गी तरफ मुँ भविष्यद्वक्ता हो।
इस्राएली लोग ई खातिर भी बोत खुश हा क्योंकि परमेश्वर इस्राएलीयां नै मरण मुँ अर दास होण मु बचा लिओ हो। बे अब परमेश्वर गी आराधना करण अर बिंगी आज्ञा गो पालन करण खातिर आजाद हा। इस्राएलियां आपगी आजादी गो जशन मनाण खातिर अर परमेश्वर गी प्रशंसा करण खातिर कई गीत गाया क्योंकि बणै बानै मिस्रियां गी सेना मु बचायो हो।
परमेश्वर इस्राएलियां नै हर साल एक पर्व मनाण गो आदेश दिऔ ओ याद करण खातिर के कियां परमेश्वर मिस्रियां नै हरायो अर बानै दास होण मुँ आजाद करेओ।ओ फसह गो त्योहार कवायो। ईंगै मां बानै जशन मनाण खातिर एक आच्छा मेमण नै बलि करणो हो, बीन भूनणो हो, अर बिना खमीर आली रोटी गै सागै खाणो हो।
निर्गमन अध्याय 12:33-15:21 मुँ एक बाइबल गी कहाणी
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।