30. यीशु पाँच हजार लोगां नै भोजन खिलावै है

यीशु आपणां प्रेरितां नै प्रचार करने अर लोगां नै शिक्षा देण खातिर बहोत सा अलग-अलग गाँवां मैं भेजेऔ जद बे भठुं लोटेआ झठै यीशु हो तो बां बिन बताऔ के बां भठै के करेओ हो। फेर यीशु बानै झील गै दूसरी तरफ बिंगै सागै एक शान्त स्थान पर जागे कुछ समय आराम करण खातिर आमंत्रित करेऔ। अतः बे एक किशती पर चढ़ गेआ अर झील गै दूसरी तरफ चलेआ गेआ।

पर भठै बहोत सा हिसा लोग हा झिकां यीशु अर चेलां नै किशती पर जांतां देखेऔ। ऐ लोग बांगै आगै झील गै दूसरी तरफ जाण खातिर झील गै किनारै-किनारै पर भाजेआ। अतः जद यीशु अर चेला पहोंचेआ तो लोगां गो एक बड़ो समूह बांगी प्रतीक्षा करतो होऔ भठै पेहलां हि पोंच गेआ।

बिं भीड़ मैं स्त्रियां अर बच्‍चां गी गिणती बिना 5,000 मुं ज्‍यादा आदमी हा। यीशु बां लोगां पर बड़ो तरस खाऔ। यीशु खातिर बे लोग बिना चरवाहै गी भेडां गै समान हा। ईं खातिर बणै बानै शिक्षा देई अर बांग बीच मैं झिका लोग बीमार हा बानै चंगो करेऔ।

दिन गै अंत मैं, चेलां यीशु नै केऔ, "अब देर हो गी है अर आसपास कोई गाँव भि कोनी। आं लोगां नै विदा करां ताके बे जागै खाण खातिर कुछ लेऐ।"

पर यीशु चेलां नै केऔ, "थे बानै खाण खातिर कुछ देऔ!" बां जवाब दिऔ, "मैं औ कियां कर सकां हां? माहरै कनै केवल पाँच रोटी अर दो छोटी मछलियाँ हैं।"

यीशु आपणै चेलां नै केऔ के भीड़ गा लोगां नै घास पर पचास-पचास गै समूहां मैं बेठणै खातिर केऔ।

फेर यीशु पाँच रोटी अर दो मछलियां लेगै स्वर्ग कानी देखेओ,अर बिं भोजन खतिर परमेश्वर गो धन्यवाद करेऔ

फेर यीशु रोटी अर मछलियां नै टुकड़ां मैं तोड़ेओ। बणै लोगां नै देण खातिर आपणै चेलां नै बे टुकड़ा दे दिआ। चेला बिं भोजन नै बाँटता रेआ, अर बो कदि खत्‍म कोनी होऔ! बे सारा लोग खागै तृप्त हो गेआ।

बिंगै बाद, चेलां बो भोजन इकट्‍ठो करेऔ खिकौ खाऔ कोनी गेऔ अर बो बारह टोकरियां नै भरण खातिर पर्याप्त हो! बो सारो भोजन बिं पाँच रोटी अर दो मछलियां मुँ आयो हो।