34. यीशु दूसरी कहानियां गी शिक्षा देवै है

यीशु परमेश्वर गै राज्य गै बारै मैं अन्य बहोत सिं कहाणीयाँ सुणाई। उदाहरण खातिर, बणै केओ, "परमेश्वर गो राज्य एक राई गै बीज गै समान है झिकै नै कणै आपणै खेत मैं बो दियो। थे जाणो हो के राई गो बीज सारै बीजां मुं छोटो होवै है।"

"पर जद राई गौ बीज बढ़ जावै है तो बो बगीचै गै सारा पेडा मैं बड़ो हो जावै है, ईतो बड़ो के पक्षी आगै बिंगी शाखावां पर आराम करै है।"

यीशु एक अन्य कहाणी बताई, "परमेश्वर गो राज्य खमीर गै समान है झिकै नै लेगे एक स्त्री आटै गै पिंड मैं मिला देवै है फेर बो सारै पिंड में फैल जावै है।

"स्वर्ग गो राज्य बिं खजानै गै समान है झिकै नै कणै खेत मैं छिपा दियो। किं अन्य आदमी नै बो खजानो मिल गेओ अर बणै बिणै पाणै गी बहोत चाह करी। ईंखातिर बणै बिनै फेर गाड़ दियो।बो आनन्द मुं ईतो भरेओ होयो हो के बणै जागे आपणौ सारो कुछ बेच दियो ताके बो बिं खेत नै खरीद सकै झठै बो खजानो हो।"

"स्वर्ग गो राज्य एक बहोत कीमती शुद्ध मोती गै समान भी है।जद कोई मोतियां गो व्यापारी बिनै पा लेवै है तो बो बिनै खरीदण खातिर आपणौ सारो कुछ बेच देवै है।"

भठै कुछ लोग हा झिका सोचता हा के परमेश्वर बानै ईंखातिर स्वीकार करगो क्योंकि बे भला काम करे आवै हैं। ऐ लोग ईसां लोगां नै तुच्छ मानता हा झिका बां भलै कामां नै कोनी करता हा। ईंखातिर यीशु बानै आ कहाणी बताईः "दो आदमी हा अर दोनुं ही प्रार्थना करणै खातिर मंदिर मैं गेया। बामुं एक चुंगी लेणै आलो हो, अर दुसरो एक यहुदी धार्मिक परधान हो।"

"बिं धार्मिक अगुवां ईं तरियां प्रार्थना करि, 'हे परमेश्वर, तेरो धन्यवाद होवै के मैं अन्य लोगां गै समान, जिंयँ डाकू, अन्यायी आदमि, व्यभिचारी, या हठै तांईं के हठै उपस्थित बिं चुंगी लेणै आलै गै समान एक पापी कोनी हूँ।'

"उदाहरण खातिर, मैं हर सप्ताह मै दो बार उपवास राखुं हूँ, अर मैं मनै मिलण आलै धन अर सामान गो दसवों हिस्‍सो थानै देऊं हूँ।"

"पर बो चुंगी लेणै आलो बिं धार्मिक अगुवां मुं बहोत दूर खड़ो हो गेओ। बणै ऊपर स्वर्ग कानिं आँखां भी कोनी उठाईं। ईंगै बजाए, बणै आपणी मुट्ठी मुं आपणी छाती पीटी अर प्रार्थना करी, 'हे परमेश्वर, कृपा करगै मेरै ऊपर दया कर क्योंकि मैं एक पापी हूँ।'"

फेर यीशु केओ, "मैं थानै सच केऊं हूँ, परमेश्वर बिं चुंगी लेणै आलै गी प्रार्थना नै सुणेऔ अर बिनै धर्मी घोषित करेऔ। पर बणै बिं धार्मिक अगुवां गी प्रार्थना नै पसंद कोनी करेऔ। परमेश्वर हर एक घमंडी गै सिर नै निचो करगो, पर बो हर बिं जन नै आदर देवगो झिको आप नै नम्र करै है।"