33. एक किसान गी कहाणी

एक दिन, यीशु झील गै किनारै गै कनै हो।बो लोगां गी एक बहोत बड़ी भीड़ नै शिक्षा देऐ आवै हो।बिन सुणनै खातिर ईता सारा लोग आया के यीशु कनै बां सारां मुं बात करण खातिर स्थान ना बचेऔ। ईंखातिर बो पाणी मैं खड़ी किशती पर चढ़ गेऔ।भठै बो बैठ गेऔ अर लोगां नै शिक्षा देई।

यीशु बानै आ कहाणी सुणाई, "एक किसान बीज बोण खातिर बारै निकलेऔ।जद बो हाथां मुं बिजां नै बिखेरै आवै हो तो कुछ बीज मार्ग पर गिरेओ। पर पक्षियां आगै बां सारै बिजां नै खा लिऔ।"

"दूसरा बीज पथरिली जमीन पर गिरेया झठै बहोत कम मिट्टी ही। पथरीली जमिन पर गिरेया बीज बहोत जल्दी अंकुरित होया, पर बांगी जड़ा जमिन मै गहराई मै जाणै मै सक्षम कोनी हिं।जद सुरज निकलेओ अर गर्मी होई तो बे पौधा मुरझा गेया अर मर गेया।"

"तौभी दूसरा बीज झाड़ियां गै बीच मैं गिरेया। बां बीजां बढ़नो आरम्भ करेओ, पर काँटां बानै दबा दियो। ईंखातिर काँटेदार जमिन पर गिरेया बीजां मुं निकलेया पौधां मुं कोई भी अनाज उत्पन्न नां कर पायो।"

"दूसरा बीज आच्‍छी जमिन पर गिरेया।बे बीज बढ़ेया अर जिता बीज बोए गेया हा बामुं 30, 60, अर हठै तांईं के 100 गुणा अनाज उत्पन्न करेऔ। झिको कोई भी परमेश्वर गै पीछै चालणौ चावै है, बो बिं बात पर ध्यान देवै झिको मैं केऐ आऊं हूँ!"

ईं कहाणी चेलां नै उलझन मैं डाल दियो।ईंखातिर यीशु व्याख्या करी, "बो बीज परमेश्वर गो वचन है।बो मार्ग एक ईसो आदमी है झिको परमेश्वर गै वचन नै सुणै है, पर बिनै समझै कोनी । फेर शैतान बिंगै कनु वचन नै चुरा ले जावै है। अर्थात शैतान बिनै वचन समझणै मुं दूर राखै है।"

"बा पथरीली जमिन ईसौ आदमी है झिकौ परमेश्वर गो वचन सुणै है अर आनन्द मुँ बिंन स्वीकार कर लेवै है। पर जद मुश्किल समय आव है, या जद अन्य लोग बिंन सतांवै है, तो बो परमेश्वर मुँ दूर चलेयो जावै है। अर्थात बो परमेश्वर पर भरोसो करणो बंद कर देवै है।"

"बो काँटेदार जमीन आलो ईंसो आदमी है झीको परमेश्वर गो वचन न सुणै है। पर बो बोत सारी बातां खातिर चिन्ता करणी शुरु कर देव है, अर बो बोत सारो धन कमाण गी कोशीश करै है, अर बो बोत सारी चीजां न पाण गी कोशीश करै है। थोड़ समय ग बाद, अब बो परमेश्वर सागै प्रेम करण म सक्षम कोनी है। ईखातिर झीको बण परमेश्वर ग वचन न सीखेओ हो बो बण परमेश्वर न खुश करण म सक्षम कोनी करै है। बो गेहूँ गि गांठ ग समान है झीकी कोई अनाज पेदा कोनी करै है"

"पर आच्छी जमीन बो आदमी है झीको परमेश्वर ग वचन न सुणै है, बिंग ऊपर विश्वास करै है, अर फल पैदा करै है।"