4. अब्राहम सागै परमेश्वर गी वाचा

बाढ़ गै कई सालां बाद, संसार मै बहुत सारा लोग रैया करता, अर बां फैर परमेश्वर गै अर एक दूसरे गै विरुद्ध पाप करैऔ। बो सारा एक भाषा बोलता हा, ई खातिर बो एक सागै इकट्ठा होआ अर संसार नै भर देण नै परमेश्वर गै आदेश नै छोड़गे एक नगर बणाओ।

बो बोहत घमंडी हा, अर बानं किसो जीवन जीणो है ईं बारे मै बो परमेश्वर गै आदेश गो पालन करणो कोनी चान्‍ता हा। अठ तक की एक ऊच्‍ची जगेआ बणाणी शुरु करदी झीकी स्वर्ग तक पोंचगी। परमेश्वर देखेओ जे आ एक सागै मीलगे बुराई करता रेवगा तो बे बोत सारा पापी कामां नै कर सकै है।

ईं खातिर बांगी भाषा नै बोत सी अलग-अलग भाषा मै बदल दीओ अर बे लोगां नै सारा संसार मै फेला दीओ। झीक गांव नै बे बणाणो शुरु करेओ हो बो बाबेल अखवायो, जींगो मतलब है ‘गड़बड़ी’।

कई सौ सालां बाद, परमेश्वर अब्राम नाम गै एक आदमी सागै बात करी। परमेश्वर बीनै केओ, “आपण देश अर परिवार नै छोड़गे बी देश नै जा झीको मै तनै दीखाऊगा। मै तनै बर्कत देऊगा अर तनै एक बड़ी जाति बणाऊगा। मै तेरै नाम नै महान करूँगा। झिको तनै बर्कत देवगो मै बीनै बर्कत देऊगा, झिको तनै श्राप देवगो मै बीनै श्राप देऊगा तेरै कारण संसार गी सारी जातिआ बर्कत पावगी।”

अब्राम परमेश्वर गी बात नै मानेओ।बण अपण सांरा सेवंका अर आपण सारा धन समेत आपगी पत्नी सारै नै लीओ अर बी देश नै, कनान देश नै जान्‍तो रेओ झीको परमेश्वर बीनै दीखाऔ हो।

जद अब्राम कनान देश मं पहुँचौ तो परमेश्वर बिन केऔ,“आपगै चाँरा पास देखेऔ।मैं तनै सारो देश देऊगाँ अर तेरा वंशज सदा खातिर ईं पर अधिकार राखगा।”फेर अब्राम बीं देश मै बस गेऔ।

मलिकिसिदक नाम गो एक आदमी हो झीको सच्‍चा परमेश्वर गो यहुदी याजक हो।एक दिन जद अब्राम युद्ध करण गै बाद आन्‍तो हो तो बो अर अब्राम मिलेआ। मलिकिसिदक अब्राम नै बर्कत दी अर केऔ “सच्‍चो परमेश्वर झीको स्वर्ग अर पृथ्वी गो मालिक है बो तनै बर्कत दैवै।” फेर अब्राम युद्ध मै जीती होई सारी चीजां गो दशमांश मलिकिसिदक नै दिओ।

कई साल बित गेआ, पर अब ताई अब्राम अर सारै गै कोई संतान कोनी ही। परमेश्वर अब्राम सागै बात करी अर फेर प्रतिज्ञा करी के बींगो एक लड़को पैदा होवगो अर जीयां आकाश गा तारा है बीयां ही बिंगा बोत सा वंशज होवगा। अब्राम परमेश्वर गी प्रतिज्ञा पर विश्वास करेओ। परमेश्वर घोषणा करदी के अब्राम एक धर्मी आदमी हो ई खातिर बणै परमेश्वर गी प्रतिज्ञा पर विश्वास करेओ।

जद परमेश्वर अब्राम सागै एक वाचा बाँधी।आम रुप मै,एक वाचा दो दलां गै बीच मै एक दूसर गै खातिर कामां न करण गो समझौतो होवै है। परमेश्वर अब्राम सागै बो प्रतिज्ञा तब करी जद अब्राम सो रैऔ हो,फेर भी बो परमेश्वर नै सुण सकै हो। परमेश्वर केऔ,“मै तरी पत्‍नी सारे मुँ तनै तेरो एक खुदगो पुत्र देऊगा।मै तेरा वंशजां नै ओ कनान देश देऊ हुँ। पर अब ताईं अब्राम गै कोई पुत्र कोनी हो।