5. प्रतिज्ञा गो पुत्र

अब्राम अर सारै गै कनान देश पहुँचण गै दस साल बाद, अजै ताईं भी बांगै कनै कोई संतान कौनी ही। ईं खातिर अब्राम गी पत्नी सारै बिण केऔ, “परमेश्वर हजै ताईं मनै संतान जन्माण गो सुख कौनी दियो है अर अब मैं संतान जन्माण गै खातिर बहौत बूढ़ी हूँ, देख, मेरी दासी हाजिरा हठ है। बिंग सागै बिआह कर लै कै बा मेरै खातिर एक संतान पैदा कर सकै।"

फेर अब्राम हाजिरा मुं बिआह कर लिऔ। हाजिरा गै एक पुत्र जनमैऔ, अर अब्राम बिंगौ नाम इश्माएल राखेऔ। पर सारै हाजिरा मुँ जलण लागगी। जद इश्माएल तेरह सालां गौ हौ, परमेश्वर फेर अब्राम मुँ बात करी।

परमेश्वर केऔ, "मैं सर्व-शक्तिमान परमेश्वर हूँ। मैं तेरै सागै एक वाचा बाँधूँगा। "अब्राम जमीन पर गिर गै दंडवत करेऔ। परमेश्वर अब्राम मुँ आ भी केऔ, "तू बहुत सारी जातिआँ गौ पिता होवगौ। मैं तनै अर तेरे वंशजों ने बांगी निज जमीन हौण खतीर कनान देश देऊँगा अर मैं सदा खतीर बांगौ परमेश्वर होऊँगा। तुं आपण घराने गै हर आदमी गौ खतनौ करनौ है।"

“तेरी पत्नी सारै एक पुत्र पैदा करगी-बो प्रतिज्ञा गो पुत्र होवगो। बीगो नाम इसहाक राखणो है। मै बिंगै सगै आपगी वाचा बणागे राखुँगा अर बो एक बड़ी जाति बण जावगो। मैं इश्माएल नै भी बड़ी जाति बणाऊगा, पर मेरी वाचा इसहाक सागै रेवगी।” परमेश्वर अब्राम गो नाम बदलगे अब्राहम कर दिऔ, जींगो मतलब है “बहोतां गो पिता।” परमेश्वर सारै गो नाम बदलगे सारा कर दिऔ, जींगो मतलब है ‘मूलमाता’।

बीं दिन अब्राहम आपगै घराणा गा सारा आदमी धार्मिक रिवाज गा अनूसार खतनो करेऔ। लगभग एक साल बाद, जद अब्राहम 100 साल गो होगेओ अर सारा 90 साला गी ही, सारा अब्राहम गै पुत्र जन्म दिओ।जीआं परमेश्वर बीन केऔ हो बण बींगो नाम इसहाक राखेओ।

जद इसहाक जवान होयो तो परमेश्वर ओ केगे अब्राहम गै विश्वास गी परीक्षा करी, “आपग एकलौता पुत्र नै ले, अर मेर खातिर बलि गै रूप मै मार दे।” फेर अब्राहम परमेश्वर गी बात नै मानेओ अर आपग पुत्र नै बलि करण खातिर तैयार करेओ।

जद अब्राहम अर इसहाक बलि चढ़ाण गी जगह कानी जाण लागेआ तो इसहाक पूछेओ, “हे पिता, मारै कनै बलि खातिर लकड़ियाँ तो है,पर बलि करण खातिर मेमणो कठे है?” अब्राहम जवाब दिओ, “हे मेरा पुत्र, परमेश्वर बलि करण खातिर मेमने गो प्रबंध करेगो।"

जद बे बलि चढ़ाण गी जगेआ पर पोंचेआ, तो अब्राहम इसहाक नै बाँध गे वेदी पर लिटा दिओ। बो आपग पुत्र नै मारण ही आलो हो कि परमेश्वर केऔ, “रुक जा! लड़का नै नुकसान ना कर! अब मे जाण गेओ हुँ के तू मेरो डर मानै है क्योंकि तू आपग एकलौता पुत्र नै भी मेरै मुँ बचागे कोनी राखेओ।”

कनै ही अब्राहम एक मेढ़े नै देखेओ झीको झाड़ियाँ मां फसेओ होयो हो। इसहाक गै बदल मै बलि खातिर परमेश्वर मेढ़े गो प्रबंध करेओ। अब्राहम खुशी-खुशी मेढ़े नै बलि चढ़ा दीओ।

परमेश्वर अब्राहम नै केओ, “क्योंकि तू मेरै खातिर सारो कि देण गी ईछा ही, अठ ताई तू आपण एकलौता पुत्र भी, ईखातिर मै तनै बर्कत देण गी प्रतिज्ञा करुँ। तेरा वंशज आकाश गा तारा मुँ जादा होवगा। तू मेरी आज्ञा नै मानेयो है ई खातिर मै तेरै परिवार गै दवारा संसार गा सारा परिवारा न बर्कत देऊगा।”