6. परमेश्वर इसहाक खातिर ईंतजाम करै है

जद अब्राहम बहोत बड़ो हो गैऔ हौ फैर बिंगौ पुत्र, इसहाक, एक बेयाह गी उर्म गौ हो गेऔ हौ। ईं खातिर अब्राहम आपणै एक सेवक नै आपग पुत्र इसहाक खातिर बिं देश मुँ एक पत्नी लेआण खातिर भैजेऔ झ़ठै बिंगा रिश्तेदार रेंता।

झठै अब्राहम गा रिश्तेदार रेंता बिं देश नै जाण खतिर एक बड़ी लंबी यात्रा गै बाद परमेश्वर बिं सेवक गी मुलाकात रिबका सागै करवाई। बा अब्राहम गै भाई गी पोती ही।

रिबका आपग परिवार नै छोड़ गै बिं सेवक गै सागै वापिस जाण खातिर मान गी। जिआँ ही बै घर पहुँचेआ इसहाक बिमुं बिआह कर लिऔ।

एक लंब समय गै बाद, अब्राहम मर गेऔ। फेर परमेश्वर अब्राहम गा पुत्र इसहाक नै, अब्राहम गै सागै बाँधी वाचा गी वजह मुँ आशीष देई। बिं वाचा मुँ परमेश्वर गी एक प्रतिज्ञा हि के अब्राहम गा अनगिनत वंशज होवगा। पर इसहाक गी पत्नी रिबका गै संतान पैदा कौनि हौई।

इसहाक रिबका खातिर प्रार्थना करी, अर परमेश्वर जुड़वाँ बचां गौ गर्भ धारण करण गी बरकत दी। जिं समय बै बचा रिबका गै गर्भ मै ही हो बे आपस मै लड़ण लागेआ ईं खातिर झिकौ किं होए आवै हो रिबका बौ परमेश्वर नै बता दिऔ।

परमेश्वर रिबका नै केऔ, "तू दो पुत्रां नै जन्म देवगी। बांगा वंशज दो अलग-अलग जातियाँ बणगी। बे एक दूसर मुं लडगा। पर बड़ पुत्र मूं पैदा होण आली जाति नै छोट पुत्र मुँ आण आली जाति गी आज्ञा मानणि होवगी।

जद रिबका गै बचां गौ जन्म हौऔ, तो बडो पुत्र लाल अर रोएँदार हौ, अर बां बिंगौ नाम एसाव राखेऔ। फेर छोटो पुत्र एसाव गी एड़ी नै पकड़े हौए जंमेऔ, अर बां बिंगौ नाम याकूब राखेऔ।