40. यीशु गै क्रूस पर चढ़ायो जावै है

यीशु नै मजाक करणै गै बाद, सैनिक बिनै क्रूस पर चढ़ाण खातिर ले गेया।बां बिं क्रूस नै बिंगै कनु उठवायो झिकी पर बो मरगौ।

बे सैनिक यीशु नै बिं स्थान पर लेगै आया झिको "खोपड़ी"कवावे हो अर बिंगै हाथाँ अर पैरां नै क्रूस पर ठोक दियो। पर यीशु केयो, "हे पिता, आनै क्षमा कर, क्योंकि ऐ कोनी जाणै के ऐ के करै आवै हैं।" बां एक तख्ती नै भी बिंगै सिर गै ऊपर टांग दियो।बिंगै ऊपर लिखेयो हो, "यहूदियां गो राजा।" पिलातुस बानै औही लिखणै खातिर केयो।

फेर सैनिकां यीशु गै कपड़ा खातिर चिट्ठियाँ घालि। जद बां ईंयाँ करेयो तो बां बिं भविष्यद्वाणी नै पूरो करेयो झिकी केवै हि, "बां मेरा कपड़ाँ नै आपस मैं बाँट लियो, अर मेरै कपड़ाँ खातिर चिट्ठियाँ घालिं।"

भठै दो डाकू भी हा,झिकां नै सैनिकां बिं समय पर क्रूस पर चढ़ायो हो।बाँ बानै यीशु गै दोनुं पासै राखेयो हो।बामुँ एक डाकू यीशु गो मजाक उडायो, पर दूसरै केयो, "के तू कोनी डरै के परमेश्वर तनै दंड देवगो? आपाँ बहोत सा बुरा काम करणै गा दोषी हाँ, पर औ आदमी निर्दोष है।" फेर बणै यीशु नै केयो, "जद तू आपणै राज्य मै आवे तो कृपया मनै याद राखियो।" यीशु जवाब दियो, "आज ही तू मेरै सागै स्वर्गलोक मै होवगो।"

यहूदी अगुवां अर भीड़ गे अन्य लोगां यीशु गो मजाक उडायो। बां बिनै केयो, "जे तू परमेश्वर गो पुत्र है, तो क्रूस परुं नीचै उतर आ अर आप नै बचा ले! फेर मैं तेरै ऊपर विश्वास करुगा।"

फेर बिं पुरै देश गो आकाश पूरी तरियाँ कालो हो गेयो, भलां ही बो दिन गै मध्य गो समय हो। औ दोपहर गै समय कालो होयौ हो अर तीन घंटाँ ताईं हिसो हि रेयो।

फेर यीशु पुकार गे केयो, "पूरो होयो! हे पिता, मैं आपणी आत्मा तेरै हाथाँ मैं सौंपुं हूँ।" फेर बणै आपगै सिर नै झुकायो अर आपणै प्राण नै त्याग दियो।जद बो मरेय तो एक भूकम्प आयो। बो बड़ो परदौ झिको परमेश्वर गी उपस्थिति मुँ लोगां नै अलग करतो हो ऊपरु नीचै गी ओर फट गे दो भाग हो गेयौ।

आपणी मृत्यु द्वारा, यीशु लोगां खातिर परमेश्वर गै कनै आणै गो मार्ग खोल दियो। जद यीशु गी निगरानी करणै आलै एक सैनिक झिको कुछ होयौ हो औ सारो किं देखेयो तो बणै केयौ, "सच मै, औ आदमी निर्दोष हो। ओ परमेश्वर गो पुत्र है।"

फेर यूसुफ अर नीकुदेमुस नाम गा दो यहूदी अगुवा आया। बे विश्वास करता हा के यीशु ही मसीह हो। बां पिलातुस कनु यीशु गो शरीर माँगेयो। बां बिंगो शरीर कपड़ै मै लपेटेयो। फेर बिनै एक पहाड़ नै काट गे बणाई कब्र मै ले गेया अर बिंगै मां रख दियो। फेर बां कब्र गो द्वार बंद करणै खातिर एक बड़ो पत्थर लुढ़का दियो।