48. यीशु ही प्रतिज्ञा करेयो होयो मसीह है

जद परमेश्वर संसार नै बणायो तो सारो कि आच्‍छो हो। कोई पाप कोनी हो। आदम अर हव्वा एक दूसरै नै प्रेम करता हा, अर बे परमेश्वर सागै प्रेम करता हा। कोई बीमारी या मृत्यु कोनी ही। परमेश्वर ईंया ही संसार नै चान्‍तो हो।

शैतान साँप गै दवारा बगीच मै हव्वा सागै बात करी, क्योंकि बो बिंन धोखो देणो चान्‍तो हो। जद हव्वा अर आदम परमेश्वर गै खीलाफ पाप करेओ। क्योंकि बां पाप करेओ हो ईखातिर पृथ्वी पर रेण आला सारा जन मरै हैं।

क्योंकि आदम अर हव्वा पाप करेओ हो, ईखातिर कुछ और भी बुरो होयो। बे परमेश्वर गा बैरी बण गैआ। जिंग परिणाम-स्वरूप, तब मुँ हर एक जन पाप करेओ है। हर एक जन जन्म मुँ ही परमेश्वर गो बैरी है। परमेश्वर अर लोगां ग बीच शान्ति कोनि ही। पर परमेश्वर शान्ति स्थापित करणो चान्‍तो हो।

परमेश्वर प्रतिज्ञा करी के हव्वा गो एक वंशज शैतान ग सिर न कुचलगो। बण ओ भी केओ शैतान बिंगीं एड़ी न डसगो। दूसर शब्‍दां म, शैतान मसीह न मार देवगो, पर परमेश्वर बिंन फेर मु जीवित कर देवगो। ईंग बाद, मसीह शैतान गी शक्ति न हमेशा गै खातिर खतम कर देवगो। कई सांला गै बाद, परमेश्वर प्रकट करेओ के बो मसीह यीशु है।

परमेश्वर बिं बाढ़ मुँ आपग परिवार नै बचायो जिंन बो लेयाण आलो हो। नूह नै एक जहाज बणाण खातिर केयो के बो ईं तरिया परमेश्वर बिं लोगां नै बचायो झिका बिंग ऊपर विश्वास करता हा। ईं तरिया, बे सारा गा सारा परमेश्वर गै द्वारा मरण गा लायक हा क्योंकि बै पाप करेयो हो। पर परमेश्वर बां सारा न बचाण ग खातिर यीशु नै भेजेओ झिका बिंग पर विश्वास करै है।

सैकड़ा सांला तक, याजक परमेश्वर गै खातिर बलिदान चढ़ान्‍ता रेआ। ओ दर्शाव है के लोगां पाप करेओ, अर बे परमेश्वर गै द्वारा बानै सजां गै लायक हा। पर बे बलिदान बांग पापां नै माफ कोनि कर सकेआ हा। यीशु सारा मुँ बड़ो महायाजक है। बण बो करेओ झिक नै याजक कोनी कर सकतो हो। बण एकमात्र बलिदान होण गै खातिर आप नै दे दियो झिको हर एक गै पापां न मिटा सकतो हो। बण स्वीकार करेयो के परमेश्वर बांग सारा गै पापां गै खातिर बानै सजां देवै। ई कारण, यीशु सिद्ध महायाजक हो।

परमेश्वर अब्राहम नै केओ, " मैं तेरै द्वारा संसार गी सारी जातियां नै बरकत देऊगा।" यीशु अब्राहम गो वंश हो। परमेश्वर अब्राहम गै दवारा सारी जातियां नै बरकत देवै है, क्योंकि झिका यीशु पर विश्वास करै है परमेश्वर बाँ सारा नै पाप मुँ बचावै है। जद लोग यीशु पर विश्वास करै हैं, तो परमेश्वर बानै अब्राहम गो वंश मानै है।

परमेश्वर अब्राहम नै केओ के बो आपग निज पुत्र, बांग खातिर बलिदान कर देऐ। पर फेर परमेश्वर इसहाक गै जगह मै बलि करण गै खातिर एक मेमणो दिओ। आपां सारा आपग पापां गै खातिर मरण गै लायक हा! पर परमेश्वर माहरी जगेआ पर मरण खातिर यीशु नै बलिदान गै रूप मै दियो। ईं कारण आपां यीशु नै परमेश्वर गो मेमणो केवाँ हाँ।

जद परमेश्वर मिस्र पर आखरि विपत्ति भेजी तो बण हर एक इस्राएली परिवार नै केओ के बे एक मेमण नै बलि करदेवै। बिं मेमण गै मां कोई दोष कोनि होणौ चाहिऐ। तब आपग दरवाजां गी चौखट गै ऊपर अर साईंङ मै बिंग लहू नै लगाणो हो। जद परमेश्वर बिं लहू नै देखेओ तो बो बांग घरा मुँ आगै बढ़ गेओ अर बांग पहलौठा पुत्रां नै कोनि मारेओ। जद ओ होयो तो परमेश्वर ईंन फसह गो पर्व केओ।

यीशु फसह गै त्‍योहार गै एक मेमण तरिया है। बण कदी पाप कोनि करेओ, ईखातिर बिंग मां कुछ भी गलत कोनि हो। बो फसह गै त्‍योहार गै समय पर मरेओ। जद कोई यीशु पर विश्वास करै है, तब यीशु गो लहू बिं आदमी गै पापां गी कीमत चुकावै है। ओ ईंया है जिंया कि परमेश्वर बिं आदमी मुँ आगे बढ़ गेओ, क्योंकि बो बिन सजां कोनि देवै ।

परमेश्वर इस्राएली लोगां गै सागै एक वाचा बाँधी, क्योंकि बे ईसा लोग हा जिन परमेश्वर आपगो होण गै खातिर चुणेओ हो। पर अब परमेश्वर एक ईंसी वाचा बाँधी है झिकी सारा गै खातिर है। कोई भी जाति गो कोई भी जन नई वाचा नै स्वीकार करै है, तो बो परमेश्वर गै लोगां मै शामिल हो जावै है। बो ईया ईखातिर करै हो क्योंकि बो यीशु पर विश्वास करतो हो।

मूसा एक ईंसो भविष्यद्वक्ता हो जण परमेश्वर गै वचन नै बड़ी सामर्थ गै सागै प्रचार करेओ हो। पर यीशु सारा भविष्यद्वक्तावां मुँ सारा मुँ बड़ो है। बो परमेश्वर है, ईखातिर झिको कि बण करेओ अर केओ बो परमेश्वर गा कार्य अर वचन हा। ईखातिर पवित्र-शास्त्र यीशु नै परमेश्वर गो वचन केवै है।

परमेश्वर राजा दाऊद मुँ प्रतिज्ञा करी ही के राजा गै रूप मै बांगो एक वंश परमेश्वर गै लोगां पर सदा खातिर राज करगो। यीशु परमेश्वर गो पुत्र अर मसीह है, ईखातिर बो राजा दाऊद गो वंश है झिको सदा खातिर राज करगौ।

दाऊद इस्राएल गो राजा हो, पर यीशु सारा जगत गो राजा है! बो फेर आवगो अर सदा खातिर न्याय अर शान्ति गै सागै आपग राज्य पर राज करगो ।