49. परमेश्वर गी नई वाचा

एक स्वर्गदूत एक जवान स्त्री मरियम नै केयौ के बौ परमेश्वर गै पुत्र नै जन्म देवगी। बा हजै कुँआरी ही, पर पवित्र आत्मा बिंगै कनै आयो अर बा गर्भवती होई। बणै एक पुत्र नै जन्म दियो झिकै गो नाम बणै यीशु राखेयौ। ईंखातिर, यीशु परमेश्वर अर मनुष्य दोनुं है।

यीशु बहोत सा चमत्कार करेया झिका दिखावै हैं के बौ परमेश्वर है। बो पानी पर चालेयौ अर आँधी नै शान्त करेयौ।बणै बहोत सा बीमार लोगां नै चंगौ करेयो अर बहोत सा लोगां मुं दुष्टात्मा निकालीं। बणै मरेयां होयां लोगां नै जीवित कर दियो, अर बणै पाँच रोटी अर दो मछलियां नै 5,000 लोगां नै खिलाण खातिर पर्याप्त भोजन मैं परिवर्तित कर दियौ।

यीशु एक महान शिक्षक भी हो। झिको कुछ भी बणै सिखायौ, बो बणै सिद्धता सागै सिखायो। झिकौ बौ लोगां नै करणै खातिर केवै है बो बानै करनो चाहिऐ क्योंकि बो परमेश्वर गो पुत्र है। उदाहरण खातिर, बणै सिखायौ के थानै अन्य लोगां नै बिं रीति मुं प्रेम करणै गी आवश्यकता है जियां थे स्वयं नै प्रेम करो हो।

बणै औ भी सिखायौ के थानै सब वस्तुयां मुँ अधिक अर आपगी संपत्ति मुँ भी जादा परमेश्वर सागै प्रेम करणो चाहिऐ।

यीशु केयो के संसार गी कोई भी चीज नै प्राप्त करणै मुँ जादा आच्‍छो है परमेश्वर गै राज्य मै होणो। बिंगै राज्य मै थारै प्रवेश करणै गै खातिर जरुरी है के परमेश्वर थानै थारै पापां मुँ बचावै।

यीशु केयो के कुछ लोग बिंनै ग्रहण करैगा। परमेश्वर बाँ लोगां नै बचावगो। पर दुसरा लोग बिंनै ग्रहण कोनि करैगा। बण ओ भी केयो के कुछ लोग अच्छी जमीन गै समान हैं, क्योंकि बे यीशु गै बारै म शुभ संदेश नै स्वीकार कर लेवै हैं, अर परमेश्वर बानै बचावै है। पर कुछ लोग रसता गी कठोर जमीन गै समान हैं। परमेश्वर गो वचन बीज गै समान रसता पर गिरेयौ है, पर बठै कुछ भी कोनी उगै है। आ लोग यीशु गै बारै मै संदेश नै अस्वीकार कर देवै हैं। बे बिंगै राज्य मै प्रवेश करण मुँ इंकार कर देवै है।

यीशु सिखायो के परमेश्वर पापिया सागै बोत प्रेम करै है। बो बानै माफ करणो चावै है अर बानै आपगी संतान बणाणो चावै है।

यीशु ओ भी बतायो के परमेश्वर पाप मुँ नफरत करै है। क्योंकि आदम अर हव्वा पाप करेओ, ईखातिर बांगै सारा वंशजां भी पाप करेयौ। ई संसार मै रेण आलौ हरेक जन पाप करै है अर परमेश्वर कनु दूर है। हरेक जन परमेश्वर गो बैरी है।

पर परमेश्वर ई संसार मै रेण आल हरेक जन सागै ई तरियां प्रेम करेयो: बण आपग एकलौतो पुत्र दे दियो ताकि परमेश्वर बानै सजां ना देवै झीको बिंग पर विश्वास करै हैं। ईग बजाए, बो बांगै सागै हमेशा खातिर रेवगो।

थे मरण गै लायक हो, क्योंकि थे पाप करेयो है। थार सागै परमेश्वर गो गुस्‍सो करणो ठिक ही है, बो यीशु पर गुस्‍सो होयो। बण यीशु नै क्रूस गी मृत्यु देगे सजा दी।

यीशु कदी पाप कोनि करेयो, पर बण परमेश्वर बिंनै सजा देण दि। बणै मर जाणो स्वीकार करेयो। ईं तरिया, थार पापां अर ईं संसार मै रेण आला हरेक जन गै पापां नै उठाण खातिर एक सिद्ध बलिदान हो। यीशु आप नै परमेश्वर खातिर बलिदान कर दियो, ईंखातिर परमेश्वर किसै भी पाप नै, अठ के बड़ पांपां नै माफ कर देवै है।

भल ही जे थे बोत सारा आच्‍छा कामा करता हो, तो ईंग द्वारा परमेश्वर थानै कोनि बचावगा। बिंगो मित्र बणण ग खातिर ईंसो कुछ भी कोनि है झिको थे कर सकता हो। ईंगी अपेक्षा, थान विश्वास करनो है के यीशु परमेश्वर गो पुत्र है,अर बो थार बदलै मै क्रूस पर मर गेयो, अर ओ भी के परमेश्वर बिनं फेर जीवित कर दियो। जे थे ईंग पर विश्वास करो, तो परमेश्वर थार पापा गी क्षमा देवगो।

परमेश्वर हर एक जन न बचावगो झिको यीशु पर विश्वास करतो है अर बिंन आपगो प्रभु स्वीकार करतो है। पर बो बिंन कोनि बचावगो झिका बिंग पर विश्वास कोनि करता हैं। ओ मायने कोनि रखै के थे धनी हो या गरीब हो, आदमी हो या औंरत हो, बुढ़ो हो या जवान हो, या थे कठ्‍ रेन्ता हो। परमेश्वर थार सागै प्रेम करै है अर चावै है के थे यीशु पर विश्वास करो के बो थारो मित्र बण सकै।

यीशु थानै बुलाण लागरेओ है के बिंग पर विश्वास करो अर बपतिस्मा लो। के थे विश्वास करता हो के परमेश्वर गो एकलौतो पुत्र, यीशु ही मसीह है? के थे विश्वास करता हो के थे एक पापी हो अर ओ के थे परमेश्वर द्वारा सजां गा योग्य हो? के थे विश्वास करता हो के थारै पापा नै मिटाण गै खातिर यीशु क्रूस पर मरेयो?

जे थे यीशु पर अर झिको कि बण थारै खातिर करेओ है बिगं पर विश्वास करता हो, तो थे एक मसीही हो! शैतान आपग अंधकार गै राज्य में अब थारै पर राज कोनि करतो है। अब परमेश्वर आपग प्रकाश गै राज्य में थारै पर राज करतो है। बण थान पाप करण मुँ रोक दियो है, झिका थरै करता हा। बण थानै एक नयो, उचित जीवन दियो है।

जे थे एक मसीही हो तो झिको यीशु करेओ है बिंग कारण परमेश्वर थारै पांपा नै क्षमा कर दियो है। अब, परमेश्वर एक शत्रु गी अपेक्षा थानै एक आच्‍छो मित्र मानतो है।

जे थे परमेश्वर गा मित्र हो अर प्रभु यीशु गा सेवक हो तो थे बिं बांता गो पालन करण गी इच्छा करोगा झिकि यीशु थान सिखातो है। भल ही थे एक मसीही हो, शैतान अभी भी पाप करण गै खातिर थारी परीक्षा करगो। पर परमेश्वर हमेशा बो करतो है झिको बो केन्‍तो है के बो करगो। बो केन्‍तो है के जे थे आपग पांपा नै मान लेओ, तो बो थानै क्षमा कर देवगो। बो थानै पाप गै विरुद्ध लड़न गि सामर्थ देवगो।

परमेश्वर थानै प्रार्थना करण अर बिंग वचन नै पढ़ण खातिर केवै है। बो थानै और विश्वासियां सागै मिलगे बिंगी आराधना करण खातिर भी केवै है। थानै और लोगां नै भी बताणो है के थारै खातिर के करेयो है। जे थे ईं सारा कामां ना करो, तो थे बिंगा एक पक्‍का मित्र बण जाओगा।