25. शैतान यीशुर परीक्षा करूआय

यीशुर बपतिस्मा होयलार तुरंत पाचे, पवित्र आत्मा हाके झारे नेउआय। यीशु हाय थाने चालीस दिन आउरी चालीस राती रहूआय। हाय बेरा हाय उपवास करूआय,आउरी शैतान यीशु लगे आसी करी पाप करायबा काचे हातार परीक्षा करूआय।

पयले, शैतान यीशु के बोलुआय, अगर तुई मापरुर बेटा आस तो ए पोकना मनके रोटी बनाय देस कि तुई खाय के पार!"

मांतरयीशु शैतान के बोलुआय, "मापरुर वचन ने ए लिखला आचे,’जिन्दा रेबा काचे माने मन के केवल रोटीर जरुरत नुआय, मांतरहाय मनके सबु हाय बात मनर जरुरी आय जोन टा मापरु हाय मनके बोलुआय!"

तेबे शैतान यीशु के मंदिरर सबू ले डेंग जागा ने नेउआय। हाय हाके बोलुआय, "अगर तुई मापरुर बेटा आस तो एथानले तले डोगाव, काय काचे कि लिखला आचे, "मापरु तोके उठाय बा काचे सरग दूत मनके आज्ञा देसी कि तोर गोड़ थाने पोकना ना पाओ।"

मांतरयीशु हाय ना करूआय जोन टा के शैतान हाके करबा काचे बोली रहूआय। एतार बजाय, हाय बोलुआय, "मापरु सबु के बोलसी आचे."तुई परबू खुदर मापरुर परीक्षा ना कर।"

पाचे शैतान हाके हाय संसारर सबु राज के दखाउआय। हाय हाके दखाऊ आय कि हाय मन कतक ताकतबर आत, आउरी हाय मन कतक संपन्न आत। हाय यीशु के बोलुआय, "मुई तोके ए सबु देबी अगर तुई मांडी खुटा दि करी मोर उपासना करबीस।"

यीशु जवाब देउआय, "हे शैतान मोर लगले चले जा! मापरुर वचन ने हाय लोग मनके आदेश देयसी आचे, केवल खुदर मापरुर आराधना करा। मापरुर रुप ने केवल हातार ची आदर करा।"

यीशु शैतानर परीक्षा ले हार ना मानुआय, एकाचे शैतान हातार लगले चले जाऊआय। तेबे सरग दूत आई करी यीशुर सेवा टहल करूआत।