34. यीशु दूसरा कहानी मनर शिक्षा देउआय

यीशु मापरुर राजर बारे ने दूसरा खुबे कहानी सुनाउआय। उदाहरण काचे, हाय बोलुआय, "मापरुर राज गोटक राइर बिजा जसन आय जाके कोनी खुदर बेड़ा थाने बोउआय। तोमी जानास कि राईर बीज सबु बीज ले छोटे होऊआय।"

"मांतरजेबे राईर बीजा बड़े होई जाऊआय तो हाय बगीचा थानर गच मन थानले सबु ले बड़े होऊआय, अतक बड़े होऊआय कि हातार शाखा ने आराम करूआत।"

यीशु गोटक दूसरा कहानी सांगूआय, "मापरुर राज खमीरर जसन आय जाके धरी करी गोटक बायले आंटार पिंड ने मिलाय देउआय तेबे हाय सबु पिंड ने फैली जाऊआय।"

"सरगर राज हाय खजानार जसन आय जाके कोनी बेड़ा थाने लुकाय देउआय। कोनी दूसरा माने के हाय खजाना मीली जाऊआय आउरी हाय हाके पायबार खुबे चाह करूआय। एकाचे हाय ताके फिर ले गाडी देउआय। हाय आनंद ले अतक भारी रहूआय कि हाय जाईकरी खुदर सबु के बिकी देउआय ताकि हाय हाय बेड़ा के घेनके सको जोन थाने हाय खजाना रहूआय।"

"सरगर राज गोटक खुबे कीमती शुद्ध मोतीर जसन बले आय। जेबे कोनी मोतीर व्यापारी हाके पाउआय तो हाय हाके घेनबा काचे खुदर सबु के बिकी देउआय।

हाय थाने खिनिक मा लोग मन रहुआत जोन मन सोचते रहूआत कि मापरु हाय मनके एकाचे स्वीकार करसी काय काचे कि हाय मन भला काम करबा आत। ए लोग मन अमता लोग मनके तुच्छ मानते रहूआत जोन मन हाय भला काम मनके ना करते रहूआत। एकाचे यीशु हाय मनके ए कहानी सांगूआय: "दुई ठन माने मन रहूआत आउरी दुनो पारतना करके मंदिर ने जाऊआत। हाय थानले गोटक चुंगी धरबा बीता रहूआय, आयरी दूसरा गोटक धार्मिक अगुआ रहूआय।"

"हाय धार्मिक अगुआ ए प्रकार ले पारतना करूआय, ’हे मोपरु,तोर धनेवाद हो कि मुई दूसरा लोग मन जसन – जसन कि डाकू, अन्यायी माने, व्यभिचारी, या एथानले बले कि एथाने आचे हाय चुंगी धरबा माने जसन गोटक पापी नुआय।"

"उदहारण काचे, मुई सबु सप्ता ने दुई बार उपास सोंगाऊ आय, आउरी मुई मोके मिलबा बीती धन आउरी सामानर दसवा हिस्सा तोके देउआय।"

"मांतरहाय चुंगी धरबा बिता हाय धार्मिक अगुआ ले दूर ठिंया होई जाऊआय। हाय उपरे सरग बाटे आंखी बले ना उठाऊआय। एतार बजाय हाय खुदर मुठ्ठी ले खुदर छाती के पेटू आय आउरी पारतना करूआय, कि हे मापरु, किरपा करी मोर उपरे दया कर कायकाचे कि मुई गोटक पापी आय।"

भतरी :- पाचे यीशु बोलुआय, "मुई तोमके सते बोलबी आची, मापरु हाय चुंगी धरबा बीतार पारतना के सुनला आउरी हाके धरमी घोषित करला। मांतरहाय धार्मिक अगुआर पारतना के मन ना करूआय। एकाचे मापरु सबु के जोन मन घमंडी आत, तीकर आदर ना करे, मांतर हाय सबु लोग मनर आदर करसी जोन खुद के नम्र करूआय।"