15. वाधेरो देश

ते अखिरी तै वक्त एजी जेवरो थियो कि इस्रयाली लोक वधेरे देश, कनाने मं दाखिल भोंन| तैस देशे मं यरीहो ननेंरी अक नगर थी| ते तैसेरी रागशरे लेंईं तैसारे च़ेवरे पासन मज़बूत दीवार थी| ते यहोशुए दुई भेत अंन्ने बाले भेज़े| ते तैस नगरे मं रहब नंवेंरी अक वेशया राती थी| तैसां भेत नेनेबाले छ़पाए, ते फिरि तैसां बंच़नेरेलेंईं नगरे मरां निस्ने मं तैन केरी मदत की| तैसां एैन एैल्हेरेलेंईं कियूं किजोकी तै परमेशरे पुड़ विशवास केरती थी| की ज़ैस वक्ते इस्रयाली लोक यारिहो नगरे नाश केरेले तैखन राहाब ते तैसारे परिवारेरे लोक बंच़ानीरो वधो कियोरो थियो|

इस्र याली लोकन वधेरे देशे मं दाखिल भोंनेरे लेंईं यारदान दरिया पार केरनो थियो| ते परमेशरे यहोशु सिं ज़ोवं, "याजकन पेइले गांने दे|" ज़ैखन याजकेंइ यारादने मं अपने कदम रखे ता पानी बग्नु रुकी जेवं, ज़ैसेंईं की इस्रयाली लोक दरियारेरे होरी पासेरां शुकोरी ज़मीनी पुड़ च़ेलतं पार गेइ सखन|

तैना लोकेंईं यारदन दरिया पर कियो त परमेशरे यहोशु सिं ज़ोवं की यरीहो पुड़ हमलो केरनेरे लेंई तियार राए, हालाकी तैन बड़ू तगतबार नगर थियुं| परमेशरे तैना लोकन सिं ज़ोवं की तैनकेरे याजकन ते सेनाइ 6 दिहाड़े नगरेरे च़ेवरे पासे चाकर लानोए| ते यजकेनईं से सेनां एैन्च़रे कियूं |

तैखन सतोवं दिहाड़े, इस्रयाली लोकेंई तैस नगरेरे च़ेवरे पसन सत चाकर लाए| तैनकेरे सतोवं बार चकार लानेरे बाद, यजकेनई एपनी तुरी बज़ेई ते सेनां ज़ोर सिं जयकारे भरे|

तैखन यरीहोएरी च़ेवरे पसां केरी दीवार बिछ़ड़ी! ते ज़ैन्च़रे परमेशरे हुक्म दितोरो थियो इस्रयाली लोकेंईं नगरेरी सैरी चीजां नाश की| तैनेंईं राहब ते तैसारु परिवार छ़डू, ज़ैना इस्रयाली लोकं केरो हिसो बनोरे थिए| ज़ैखन कानाने मं रांने बाले होरी लोकेंईं शुनू की इस्रयाली लोकेंईं यरीहो नगर नाश कियोरुए, त तैना डेरी जे की इस्रयाली लोक तैन्न पुड़ भी हाम्लो केरेले|

परमेशरे इस्रयाली लोकन हुक्म दितोरो थियो की कानाने मं रांने बैली केंन्ची भी ज़ाती सिं शैनतरो समझोतो न केरथ| पन गीबोनी नावेंरां एकी कनानी ज़ातं यहोशु सिं झूठ ज़ोवं की तैना कानाने करां दूर एकी जिगारे रानेबालेन| ते तैनेंई सिं शैन्ती सिं रानेरो समझोतो केरनेरी अरज़ की| ते यहोशु ते इस्रयाली केरे होरी अगुवाही केरने बालेईं परमेशरे करां न पुछ़ू की तैनेंईं कुन कियोरू लोड़े| एैन केरनेरे बाजाए तैनेंईं गीबोनी नावेंरां ज़ाती सिं शैन्ती सिं रानेरो समझोतो कियो|

ट्लाई दिहैड़ी केरे बाद, इस्रयाली लोकन पतो लगो कि गिबोनी लोक कानाने मं राते थिए| तैना सेरकोए किजोकी गिबोनी लोकेंईं तैन्न धोखो दितोरो थियो| पन इस्रयाली लोकेंईं तैन्न सिं कियोरो शांती समझोतो बरकरार रखो किजोकी तै तैनेंई परमेशरेरे सामने कियोरो थियो| तैखन किछ वक्तेरां बाद, कानाने मं राने बाली अक ज़ात अमोरी केरे राज़ेईं शुनू की गिबोनेंई इस्रयालन सिं शांती समझोतो कियोरोए, एैल्हेरेलेंईं तैनेंईं अपनी-अपनी सेना अक केरतं अक बड़ी सेना बनाई ते गिबोने पुड़ हमलो कियो| ते गिबोनी लोकेंईं अपनी मदत केरनेरे लेंईं यहोशु जो समाद भेज़ो|

ते यहोशुए इस्रयाली केरी सेना अकोठी की ते गिबोन्न का पुज़नेरेलेंईं तैना पूरी रात च़ाले| ते झ़ेझां तैनेंईं एमोरी केरी सेना हेरान की ते तैन पुड़ हमलो कियो|

तैस दिहैड़ी परमेशर इस्रयाली लोकं केरे लेंई लड़ो| तैनी एमोरी घमरेइ छ़ाडे ते तैनी बड्डी -बड्डी आंन लेइतं बड़े एमोरी मारे|

परमेशरे सूरज भी अम्बरे मं एकी जिगाई रोकू ताकि इस्रयाली लोकन पुरो वक्त मैले की एमोरी लोकन पुरे तरीके सिं हरान| तैस दिहैड़ी, परमेशरे इस्रयाली लोकन बड़ी ज़ीत दिती|

ते परमेशरे तैना सेनां हरानेरे बाद, बड़े कनानी ज़ातरे लोक इस्रयालन पुड़ हाम्लो केरनेरे लेंईं अकोठे भोए| ते इस्रयाली लोकेंई तैन पुड़ हामलो केरतं तैना नाश किये|

इनां लड़ैइ केरे बाद, परमेशरे इस्रयलेरे हर गोट्ले वधेरे देशे मं तैन करो हिसो बंटो| तैखन परमेशरे इस्रयलेरे सेभी हदन पुड़ येनी की (बाडरे पुड़) शांती दिती|

बाइबलरी कहानी यहोशू अध्याए 1-24