25. शैतान यीशु मसीहेरी परीक्षा केरते

यीशुएरो बपतिसमो भोनेरे बाद, एकदम पवित्र अतमां तै जंगले मां नियो| होने के तुरन्त बाद ही, यीशु तैड़ी 40 दिहाड़े ते 40.रात राव| तैस वक्ते तैनी बरत रख्खू, ते शैताने यीशु का एइतं पाप करानेरे लेंई तैसेरी परीक्षा की।

पेइलू, शैताने यीशु सिं ज़ोवं, "अगर तू परमेशरेरू मठ्ठूस त इनां घोड़न रोटी बना ताकि तू खेई सख्खस!"

पन यीशए शैताने सिं ज़ोवं , " परमेशरेरे वचने मां इन लीखोरूए,मैनू ज़िंन्ते रानेरे लेंई सिर्फ रोटरी ज़रूरत न भोए, पन हर तैस ग्लारी ज़रूरत भोचे ज़ै परमेशर तैन सिं ज़ोते!'"

तैख्न शैताने यीशु मन्दारेरे सभनां ऊचे जिगाई पुड़ नियो। ते ज़ोवं, " अगर तू परमेशरेरू मठ्ठूस त इठ्ठां उन्ढे बीछड़, किजोकी लिखोरुए, 'की परमेशर तीं ट्लानेरेलेंई अपने स्वर्गदूतन हुक्म देलो कि तेरे पवन घोड़ेईं सिं ठोकर न लगे|"

पन यिशुए तैन न कियूं ज़ैन शैताने तैस केरनेरे लेंई ज़ेवरू थियुं| इसेरे बजाए, तैनी ज़ोवं, " परमेशर हर केंन्ची सिं ज़ोते, 'तू प्रभु अपने परमेशरेरी परीक्षा न केरां|"

फिरी शैताने तैस संसारेरां सारां राज़ां हिरां| तैनी तैस हिरवं कि तैना राज़ां कैत्रां शक्तीशाली थियां, ते तैन मां दुनीयारे सुखेरी सब चीजां थी| तैनी यीशु सिं ज़ोवं, "अवं इन सब तीं देलो अगर तू ज़ैन्धू केरे भारे बीषतं मीं का मथो टेकतां मेरी भगती केरस|"

यिशुए जुवाब दितो, " हे शैतान, मीं करां च़लो गा! परमेशरेरे वचने मां तै लोकन हुक्म देते, 'सिर्फ अपने प्रभु परमेशरेरी आराधना केरा| परमेशरेरे रुपे मां सिर्फ तैसेरी आदर केरा|"

मत्ती अध्याए 4:1-11; मरकुस अध्याए 1:12-13; लूका अध्याए 4:1-13 बाइबलरी कहानी