26. यीशु मसीह अपनी सेवा शुरू केरतन

परीक्षाी मं शैतानेरे गलां केरू इंकार केरनेरे बाद, यीशु वापस गालील इलाके मं अव, इ तैए जिगाए ज़ैड़ी तै रातो थियो| पवित्र तैस बड़ी शक्ती देइ रहोरो थियो, ते यीशु इक्की जिगरां होरी जिगाई जेव ते लोकन शिक्षा दिती| ते सेभेंई तैसेरे बारे मं रोड़ी गलां ज़ोई|

यीशु नसरत नगरे मं जेव| एैन तैन ड्लावें ज़ैड़ी यीशुएरू बचपन हुज़रोरु थियुं| हबतेरे, दिहैड़ी, तै आराधना केरनेरे जिगाई जेव| ते तैठेरे सेवकेंई तैस यशायाह भविष्यवाणी केरने बालेरी किताब दीती| तैना चाते थिए की तै तैस मरां पड़े| ते: ते युशुए किताब खोलतं तैस मरां अक हिस्सो लोकं केरेलेंई पड़ो|

यीशुए इन पड़ू, "परमेशरे मीं पुड़ अपनो अतमा दितोरोए ताकि अवं कंगलान खुशखबरी शुनेंईं| तैनी अवं एैल्हेरेलेंई भेज़ोरोंई की केदन आज़ाद केरी, ते तैन छुटकरो देंई ज़ैन होरे लोक ढ्लेन्ची रहिरेंन| इ तै वक्ते ज़ैखन परमशर असन पुड़ मेरबान भोलो ते इशी मदत केरेलो|"

फिरि यीशु बिशो| सब लोक बड़े धियाने सिं तैसेरे पासे तकने लगोरे थिए| तैना ज़ान्ते थिए की पवित्रशास्त्रेरो ज़ै हिस्सो तैनी हुना पदोरो थियो तै मासीहेरे बारे मं थियो| यिशुए ज़ोवं, "ज़ैना गलां मीं तुशे लेंईं हुना पेड़ी, तैन हुना भोई रहोरुए|" सब लोक हेरान थिए| तैनेंइ ज़ोवं, "कुन एैन युसफेरु मठु नई?"

तैखन यीशुए ज़ोवं, "इन सचे कि लोक केंन्ची एरे भविष्यवाणी केरनेबाले कुबूल न केरन ज़ै तैनकेरे नगरे मं पलोरो बेडोरो भोए| एलिय्याह भविष्यवाणी केरनेबालेरे वक्ते मं, इस्रयाले मं बेड़ी विधवा कोंशं थी| पन ज़ैखन साड़े ट्लाई साल झ़ाड़ी न भोई त परमेशरे एलिय्याह इस्रायाले मं केंन्ची विधवा कोंशरी मदत केरने न भेज़ो| एैल्हेरे बजाए, तैनी एलिय्याह केंन्ची होरी देशेरे विधवा कोंशी का भेज़ो|"

यीशुए ज़ोनु ज़ारी रख्खू," ते एलीशा भविष्यवाणी केरनेबालेरे वक्ते मं, इस्रयालेरे बड़े लोकन चेड़ारे रोगे सिं दुखी थिए| पन एलीशाहे तैन मरां कोई भी ठीक न कियो| तैनीइ सिर्फ इस्रयलेरे दुशमुन सेनारो परधान नमान ठीक कियो|" पन ज़ैना लोक युशुएरी गलां शुन्ने लगोरे थिएतैना यहूदी थिए| ते एैल्हेरेलेंई ज़ैखन तैनेंई तैस करां इन ज़ोंतु शुनू त तैना तैस पुड़ सेरकोए|

नासरेतेरे लोकेंई यीशु ट्लाव ते तै अरधनारे जिगारां घसीतं बेइर नियो| तैना तैस मारनेरे लेंई पहाड़े पुड़ नियो की तैस तैठां बछ़ोड़न| पन यीशु लोकं केरे भीड़ी मरां निसतं जेव ते नसरत नगर छ़ेडतं च़लो जेव|

फिरि यीशु ग्लीलेरे सैरी इलाके मं जेव,ते बड़े लोक तैस का आए| तैनेंइ एरे बड़े लोक तैस का आने ज़ैना बीमार ते काने, टोंन्ते , गूंगे ते टावने थिए| ते यिशुए तैना ठीक किये|

इसेरे इलावा, बड़े एरे लोक यीशु अक आए ज़ैन दुष्टात्माएँ थीं| यिशुए दुष्टात्मन तैन मरां नीस्नेरो हुक्म दितो। तैना दुष्टात्मा हमेशा चीन्डां मैरती थी, ते इन ज़ोती थी "तू परमेशरेरू मठुसलोक हेरान थिए, ते तैनेंइ परमेशरेरी तारीफ की|

मत्ती अध्याय 4:12-25; मरकुस 1:14-15, 35-39; 3:13-21; लूका 4:14-30, 38-44 से एक बाइबल की कहानी