27. दयाकेरने बैली अक्क सैमरी कोंश

इक्की दिहाड़े, यहूदी पवित्र किताबरो अक्क ज्ञानी मैनू यीशु का अव| तै सेभन इन हिरानु चातो थियो की यीशु गलत तरीके सिं शिक्षा देइ रहोरो थियो| ते एैल्हेरेलेंईं तैनी ज़ोवं, "हे गुरु जी, हमेशारी जिन्दगी हासिल केरनेरे लेंई अवं कुन केरी?" यिशुए जुवाब दितो, " परमेशरेरे किताबी मं कुन लिखोरुए?"

तैनी मैंने ज़ोवं, "परमेशरेरी किताब ज़ोचे की परमेशरे सिं अपने सरे मने,प्रन्न,शेक्ती ,ते बुधी सिं प्यार रख्ख| ते अपने पड़ोसी सिं अपने जानारो ज़ेरो प्यार रखख|" यिशुए जुवाब दितो, "तू बिलकुल साईं आस! अगर तू एैन्च़रे केरस, त तीं हमेशारी ज़िन्दगी हासिल भोली|"

पन तै ज्ञानी मैनू लोकन हीरानु चातो थियो की तैसेरो ज़िन्दगी ज़ीनेरो तरीको साईं थियो| एैल्हेरेलेंई तैनी यीशु करां पुछ़ू, " ठीके, त फिरी मेरो पड़ोसी कवने?"

यिशुए तैस ज्ञैनी मैनू अक कहानी शुनेइतं जुवाब दीतो| " अक यहूदी मैनू थियो तै सड़कं यरूशलेमेंरां यरीहो च़लोरो थियो|"

"पन किछ डैकेंईं तै लव ते तैस पुड़ हमलो कियो| तैनेंई तैसेरू सब किच नींवं ते तैस एत्री मार दीती | ते फिरि तैना च़ले जे|"

"तैनकेरे बाद, अक यहूदी याजक तैस बतां नीसो| तैनी याजके तै मैनू सड़की मं पेवरो लव| ज़ैखन तैनी तै सड़करे होरी पासे गेइतं जेव| तैनी तै मैनू पुरे तरीके सिं नज़र अंदाज़ कियो|"

" ते एैसेरे कीछे वक्त बीतनेरां बाद, अक लेवी तैस साड़कं अव| {लेवी यहूदी केरू अक गोट्ल थियुं ज़ैनेंई मन्दरे मं यजकं केरी मदत कियोरी थी|} तै लेवी भी साड़कारे होरी पासेरां नीसतं जेव| तैनी भी तै मैनू नज़रअंदाज़ कियो|"

" ते होरो मैनू तैस साड़कं अव तै सामरी मैनू थियो| {सामरी ते यहूदी एक्की-होरी सिं नफ़रत केरते थिए|} तैनी सैमरी मैंने तै मैनू साड़की मं लव| तैनी हेरू की तै मैनू यहूदी थियो, पन फिर भी तैनी तैस पुड़ी रेम की| ते तै तैसका जेव तैसेरे घावन पुड़ पट्टी बंधी|"

" फिरी तैनी सैमरे तै मैनू अपने गधे पुड़ छ़ेडतं नीयो ते साररि मं पज़व| ज़ैड़ी तैनी तैसेरी देखभाल केरनी जारी रख्खी|"

हिरी दिहाड़े, तै सैमरी अपनू सफ़र जारी रखनू ज़रुरी थियुं| ते तैनी तैस सरारे मालिके किछ पेंइसे दीते| ते तैसेंईं ज़ोवं, " इस मैनेरी देखभाल भाल केरा| ते अगर इनां पेंसां केरे इलावा तेरो कीछ पेंसो लगेलो त वपस एइतं अवं तीं देलो|"

बाइबलरी कहानी लूका अध्याए 10:25-37