31. यीशु मसीह पैनी पड़ च़ालतन

पांच़ हज़ार लोकन रोटी खुवानेरां बाद, यिशुए अपने चलन सिं किश्ती मं गंनेरे लेंई ज़ोवं| तैनी तैन झ़ीलारे होरी पाए गंनेरेलेंई ज़ोवं हाला की तै एपू थोड़े वक्तेरे लेंई तैड़ी रुको| ते चेले च़ाले जे ते यीशुए भीड़ारे लोक भेज़े की तैना घरे गांन| ते एैसेरां बाद यीशु परथाना केर नेरेलेंई पहाड़े पुड़ जेव| ते तैड़ी अकैलो थियो, ते तैनी राती ठाढी तगर परथाना की|

तैस वक्ते चेले एपनी किश्ती चेपू देइ राहोरे थिए, पन तैन केरे सामने बात बड़े ज़ोर सिं थियो| बड़ी रात भोनेरे बावजूद भी तैना झीलारे मझ़ाटे पुज़ोरे थिए|

तैस वक्ते युशुए परथाना केरनी ख़त्म की ते अपने चेलन का वपस गंनू शुरू कियूं| तै किशतारे पासे गंनेरे लेईं पैनी पुड़मेंईं च़लने लगो|

तैखन चेलेंई तै लाव| त तैना डेरी जे किजोकी तैनेंईं सोचोरु थियुं की एैन कोई भूते | यीशु ज़ानतो थियो की तैना डरोरे थिए, ते एैल्हेरेलेंई तैनी हक़ देइतं ज़ोवं, "डरा न्न, अवंईं!"

तैखन पतरसे यीशु सिं ज़ोवं, " हे प्रभु अगर तू आस त मीं पैनी पुड़ च़ेलतं तीं का एजनेरो हुक्म दे|" यिशुए पतरसे सिं ज़ोवं, " एइ|"

अतः पतरस नाव से उतर गया और यीशु के पास जाने के लिए पानी की ते पतरस किश्ती पुड़रां ओसो ते यीशु का गननेरे लेंईं पैनी पुड़मेंइ च़लनू शुरू कियूं| पन थोड़े दूर गेइतं, तैनी एपनी एछ़ी यिशुए एरे पासेरां फरेई ते पैनेरी लेरहां ते तेज़ हवा महसुसू महसूस केरनी शुरू की|

तैखन पतरस डरो ते डूबने लगो| तै चिन्डां मारने लगो, " हे प्रभु, मीं बंच़ा!" यिशुए तैखने हाथ अग्रोवं केरतं तै ट्लाव| तैखन तैनी पतरसे सिं ज़ोवं, " तेरो विश्वास बड़ो घटे! एपनी रेगशरे लेंई तीं मीं पुड़ भोरोसो की न कियो ?"

बाइबलरी कहानी मत्ती अध्याए 14:22-33; मरकुस अध्याए 6:45-52; यूहन्ना अध्याए 6:16-21