13. इस्राएल के साथ परमेश्वर की वाचा

इस्राइली लोग के लाल समुनदर से पार लेके जईला की बाद, परमेश्वर उलोग के जंगल से होके सिनै कहाये वाला पर्वत की ओर लेके चलले । ई ऊ उहे पर्वत रहे जहवा मूसा जलत झाड़ी के देखले रहले । उलोग ओ पर्वत नीचे अपनी तंबू के खड़ा कईले ।

परमेश्वर मूसा से औरी इस्राइल की सब लोग से कहले, “तू लोग के हरदम हमरी बात के माने के ह । औरी जेवन वादा हम तोहन लोग के साथे बांधत बाड़ी, ओके बनल रहे दिहा । यदि तू लोग एईसन करबा जा त, तू लोग हमार ईनाम औरी कीमती धन, याजक क राज्य, औरी एगो पवित्र जाति ठहर बा जा ।

परमेश्वर दुआरा उनकरी पास आवे खातिर आदमी लोग तीन दिन तकले खुद के तईयार कईले । तब परमेश्वर सिनै पर्वत की चोटी पर नीचे उतरले । जब ऊ अईले त भूकंप आईल, बिजली चमकल,धुआ उठल, औरी तुरीही क जोरदार आवाज आईल । तब मूसा खुद ऊपर पर्वत पर चढ़ गईले ।

तब परमेश्वर लोगन के साथे एगो वादा कईले। ऊ कहले, हम तोहार परमेश्वर, यहोवा हई । हम ऊहे हई जेवन की तोहके मिश्र की गुलामी से छुड़ईली केवनों दुसर देवता क पूजा मत करिहा ।

मूर्ति मत बनईहा, औरी ओकर पूजा मत करिहा, काहे से की हम यहोवा तोहार एकही परमेश्वर हई । बुरा तरीका से हमार नाम क उपयोग मत करिहा । हप्ता के दिने पवित्र माने खातिर याद करिहा । दुसर बात मे, छह दिन मे अपन कुल काम करिहा, सतवा दिने तोहरी खातिर आराम करे औरी हमके याद कईला क दिन ह।

अपनी माई औरी बाबू क आदर करिहा, हत्या मत करिहा । व्यभिचार मत करिहा , चोरी मत करिहा । अपन पड़ोसी के औरत,ओकर घर, चाहे ओकर केवनों भी समान के लेवे खातिर विचार मत करिहा ।

तब परमेश्वर ई दस गो अज्ञा के पथर के दुगो तख्ती पर लिख के मूसा के दे दिहले । परमेश्वर पालन करे खातिर लोगन के दुसर बहुते नियम दिहले यदि ऊ लोग ई नियम के पालन करीहे त परमेश्वर ऊलोग के आशीष देवे औरी उनकर रक्षा करे क वादा कईले । लेकिन ऊ कहले की यदि ऊलोग एके पालन ना करीहे त ऊ ऊलोग के दंड दिहे ।

परमेश्वर इस्राइली लोग से एगो विशाल तंबू बनावे के खातिर कहले – मिलापवाला तंबू । ऊ ऊलोग के ठीक -ठीक बतअवले की ई तंबू के कइसे के बनावे के बा औरी भीतर केवन चीज के रखे के बा ऊ ऊलोग के ओ तंबू के दुगो कमरा मे बाटे के खातिर एगो विशाल पर्दा के बनावे के भी कहले । परमेश्वर ओ पर्दा के पीछे वाला कमरा मे अईहे औरी उहवा रईहन । जहा परमेश्वर रहले ओ कमरा मे जाए के अनुमति केवल महायाजक के ही रहे ।

ऊ लोगन के ओ मिलाप वाला तंबू के साम्हना एगो वेदी के बनावे के पड़ी । केहु भी परमेश्वर की नियम क उलँघन करी त ऊ ओ वेदी पर एगो जानवर के लेके आई । तब याजक ओके बलि करीहे । औरी वेदी पर परमेश्वर के खातिर बलि के रूप मे जलईहे । परमेश्वर कहले की ओ जानवर क खून ओ आदमी की पाप के ढाक देई । एह तरह से, तब परमेश्वर ओ पाप के ना देखिहे । ऊ आदमी परमेश्वर की नजर “शुद्ध”ठहरीहे। परमेश्वर मूसा क भाई हारून के औरी हारून की पीड़ी के अपन याजक होखे खातिर चुनले ।

परमेश्वर ओ लोगन के जेवन नियम देले रहले ऊलोग ओकर पालन करे खातिर सहमत भईले । ऊ खाली परमेश्वर क लोग होवे के औरी उनकर आराधना करे खातिर सहमत भईले ।

कई दिन तकले, मूसा सिनै पर्वत की चोटी पर ही रहले । ऊ परमेश्वर से बात करत रहले लेकिन लोग मूसा के वापस आवे के इंतजार करत थक गईले एहीसे ऊ हारून के पास सोना लेके अईले औरी ओसे एगो मूरति बनावे के कहले ताकि ऊ परमेश्वर की बदले ओकर आराधना कर सके । एह तरह से, ऊलोग भयंकर रूप से परमेश्वर की बिरुद्ध मे पाप कईले ।

हारून बछड़ा की आकार मे सोना क एगो मूर्ति बनईले ऊलोग ओ मूर्ति क पूजा कईल शुरू क दिहले औरी ओके बलि भी चढ़वले । ऊलोग की पाप की वजह से परमेश्वर ऊलोग से बहुते गुस्सा हो गईले ऊ ऊलोग के नाश क दिहल चाहत रहले । लेकिन मूसा ऊलोग के ना मारे के विनती कईले । परमेश्वर उनकरी विनती के सुनले । औरी ऊलोग के नाश ना कईले ।

आखिरकार मूसा सिनै पर्वत से नीचे उतर अईले । ऊ ओ दुनों पथर की तख्ती के लेले रहले जे पर परमेश्वर दस अज्ञा के लिखले रहले । फिर ऊ ओ मूर्ति के देखले ऊ एतना गुस्सा भईले की ऊ ओ तखतीयन के चकनाचूर क दिहले ।

फिर मूसा ओ मूर्ति के पीस के ओकर बुरादा बना दिहले, औरी ओ बुरादा के पानी मे मिलाके ओलोगन के ऊ पानी पीला दिहले । परमेश्वर ओलोग पर एगो बिपत्ति भेजले औरी ओलोग मे से बहुते लोग मर गईले ।

जेवनी तख्ती के मूसा तोड़ देले रहले ओकरी जगह खातिर मूसा ओ दस अज्ञा के पथर क नया तख्ती बनअवले । तब ऊ फिर से पर्वत पर चढ़ गईले औरी प्राथना कईले की, कि परमेश्वर ओलोग के क्षमा करे । परमेश्वर मूसा क सुनले औरी ऊ लोग के क्षमा क दिहले । नया तख्ती पर दस अज्ञा के लेके मूसा पर्वत से नीचे उतर अईले । तब परमेश्वर सिनै पर्वत से लेके वादा की देश तकले इस्राइली लोग के अगुवाई कईले ।