12. इस्राएलियों का कूंच करना

इस्राएली लोग मिस्र देश से निकरत समय बहुत खुशी रहै। उयीं अब दास नहीं रहे, अउर उयीं वायदा के देश मा जाय रहे ते! जउन कुछ भी इस्राएलिन ने माँगों, मिस्रियन ने उनका व सब कुछ दयि दीन, यहाँ तक कि सोना अउर चांदी अउर कीमती सामान। दुसरे देशन के कुछ लोगन ने परमेसुर मा विश्वास कीनेन अउर जबै इस्राएली लोग निकरै लाग तबहिन उयीं भी उनके साथ हुयी लीनेन।

दिन के समय मा बादल का इयक बड़ा खम्भा उनके आगे-आगे चलो। अउर रात के समय मा या आगी का खम्भा वन जात तय। परमेसुर जउन कि व बादल के खम्भा मा अउर आगी के खम्भा मा रहत तै, हमेशा उनके साथ रहत तै अउर व यात्रा करत समय उनके आगे-आगे चलत तय, उनका केवल इत्ता करै का रहय कि वहिके पाछे चलै।

थोड़ी समय के बाद, फिरौन राजा अउर वहिके लोग अपने मन का बदल दीनेन। उयीं इस्राएलिन का फिर से आपन दास बनाओ चाहत ते। यहीखातिर उयीं इस्राएलिन का पीछा कीनेन। परमेसुर ने ही उनके मन का बदलों तय, व अइसा यहीखातिर कीनेस, कहेसे व चाहत तय कि हर कउनो या जानै कि फिरौन राजा से अउर मिस्र देश के सबरे देवतन से व, परम प्रधान परमेसुर, अधिक शक्तिशाली है।

जबै इस्राएलिन ने मिस्र देश की सेना का अपनी तरफ आवत देखिन तब उनका मालुम भा कि फिरौन राजा की सेना अउर लाल समुन्दर के बीच मा हम फँस गेहन। उयीं बहुत डेराय गे अउर रौवे लाग, “हमने मिस्र देश का कहे छोड़ो? हम सब मरै वाले हन!”

मूसा इस्राएलिन से कहिस, “डेराब बंद करा! परमेसुर आज तुमरे खातिर लड़ी अउर तुमका बचाई।” तबहीं परमेसुर मूसा से कहिस, “इन लोगन से लाल समुन्दर की तरफ आगे बढ़े के खातिर कहो।”

तब बादल का खम्भा इस्राएलिन अउर मिस्रियन के मध्य मा आयगा, अउर रात को आगी का खम्भा बनगा। यहीखातिर मिस्री पूरी रात इस्राएलिन के नेरे न आय सके।

परमेसुर मूसा से समुन्दर पर आपन हाथ बढ़ावे के खातिर कहिस। फिर परमेसुर हवा से समुन्दर के पानी का बाई अउर दायी तरफ करवाय दीनेस, जेहिसे की समुन्दर से हुइकै इयक रास्ता बन गा।

इस्राएली लोग अपनी दोनों तरफ पानी कै दीवार के साथ झूरी जमीन पर समुन्दर से हुयीकै आगे बढ़ चले।

तबही परमेसुर वही रास्ते से बादर अउर आगी के खम्भा का उठाय लीनेस। तबही मिस्री लोग इस्राएलिन का बच कै जाते देखिन। मिस्रिन ने उनका पकड़ें के खातिर फिर से उनका पीछा कीनेन।

अतः उयीं समुन्दर के रास्ते से हुई कै इस्राएलिन का पीछा कीनेन, लेकिन परमेसुर ने मिस्रियन को घबराय दीनेस अउर उनके रथन का अटकाय दीनेस। उयीं चिल्लाय लाग, “भागो! इस्राएलिन की तरफ से परमेसुर लड़ रहो है।”

सारे इस्राएली समुन्दर की दुसरी तरफ पहुँच गे। तब परमेसुर मूसा से कहिस कि व फिर से पानी पर आपन हाथ बढ़ावें। जबहीं मूसा अइसा कीनेस, तबहिन पानी मिस्री सेना मा आय पड़ो अउर सामान्य अवस्था मा हुईगा। पूरी मिस्री सेना बूड़ गै।

जबहिन इस्राएलिन ने देखिन कि मिस्री सेना मरगे तबहिन उयीं परमेसुर पर विश्वास कीनेन। उयीं विश्वास कीनेन की मूसा परमेसुर की तरफ से परमेसुर का संदेश बतावे वाला रहय।

इस्राएली लोग यहीखातिर बहुत खुश रहे कि परमेसुर उनका मरै से अउर गुलाम होय से बचाय लीनेस। अब उयीं परमेसुर कै अराधना करै लाग अउर वहिकै आज्ञा का पालन करै के खातिर स्वतंत्र रहै। यहीखातिर इस्राएलिन ने अपनी स्वतंत्रता का उत्सव मनावें के खातिर अउर परमेसुर की प्रसंसा के खातिर कई गीतन का गायन कहेसे व उयीं मिस्रियन की सेना से बचाओ तै।

परमेसुर ने इस्राएलिन का हर साल इयक त्योहार मनावें का आदेश दीनेस, या याद करें के खातिर कि कइसे परमेसुर ने मिस्रियन का हराय दीनेन अउर उनका गुलाम हुवय से स्वतंत्र कीनेस। या फसह का त्योहार कहलाइस। या त्योहार का मनवे के खातिर उनका इयक-इयक स्वस्थ मेड़ा का बलिदान करै का रहय, वही भूनय का रहय अउर वही बिना खमीर वाली रोटी के साथ खाय का रहय।