22. यहून्ना का पैदाइस

पुराने जमाने मा, परमेसुर ने अपने संदेश बतावें वालेन से बात कीन तय यहीखातिर उयीं वहिके लोगन से बात कर सके। तब 400 सालन तक मौन का समय आवा, जबही परमेसुर ने लोगन से बातें न करी। तब परमेसुर ने जकर्याह नाम के इयक याजक के नेरे इयक स्वर्गदूत का भेजिस। जकर्याह अउर वहिकै मेहरिया एलीशिबा परमेसुर का आदर करत ते। उयीं बहुत बुढ़ाय गे ते, अउर उनके कउनो औलाद न हुई ती।

व स्वर्गदूत ने जकर्याह से कहिस, “तोरी मेहरिया के इयक लरका पैइदा हुयी। तै वहिका नाम यहून्ना रखे। परमेसुर वही पवित्र आत्मा से परिपूर्ण करी, अउर यहून्ना लोगन का मसीह का स्वीकार करै के खातिर तैयार करी।” जकर्याह ने उत्तर दीनेस, “मै अउर मोर मेहरिया संतान पैइदा करै के खातिर बहुत बुढ़ाय गे हन! मै कइसे जनिहऊ की तुम मोहिसे सच कह रहे हऊ?”

व स्वर्गदूत ने जकर्याह का उत्तर दीनेस, “तोरे नेरे या शुभ संदेश का लावे के खातिर मै परमेसुर के द्वारा भेजो गा हऊँ। कहेसे तै मोहि पर विश्वास न कीन तय, यहीखातिर बच्चे के जनम लेय तक तै बोल न सकि हे।” जल्दी ही, जकर्याह बोलै मा असमर्थ हुईगा। तब व स्वर्गदूत जकर्याह के नेरे से चलोंगा। यही के बाद, जकर्याह घर लौउट आओ अउर वहिकै मेहरिया गर्भवती हुई गै।

जब एलीशिबा छः महीना कै गर्भवती भई, तो व स्वर्गदूत अचानक से एलीशिबा की रिश्तेदार पर प्रकट भा, जेहिका नाम मरियम रहै। मरियम कुँआरी रहै अउर विवाह होय के खातिर यूसुफ नाम के पुरुष के साथ वहिकै मंगनी हुयी गयी ती। स्वर्गदूत ने कहा, “तै गर्भवती हुई है अउर इयक लरका का जनम दइ हे।तै वहिका नाम यीशू रखिहे। व सर्वशक्तिमान परमेसुर का लरका हुई अउर सदा के खातिर राज करी।”

मरियम उत्तर दीनिस, “या कइसे हुयी, कहे से मैं तो कुँआरी हऊ?” व स्वर्गदूत समझाइस, “पवित्र आत्मा तोही पर आयी, अउर परमेसुर कै समर्थ तोही पर छाया करी यहीखातिर व लरका पवित्र हुयी, अउर व परमेसुर का लरका हुयी ”।जउन व स्वर्गदूत ने कहो तय वहमा मरियम ने विश्वास कीन तय।

या होय के तुरन्त बाद, मरियम ने जायकै एलीशिबा से मुलाकात कीनेस। जैइसन मरियम ने वही नमस्कार कीनेस, एलीशिबा का लरका वहिके भीतर उछलो। वहिके खातिर परमेसुर ने जउन कीन तय वहिके बारे मा उयीं औरते इयक साथ आनंदित हुयी। एलीशिबा के साथ तीन महीना रहै के बाद, मरियम घर वापस आयी।

यही के बाद, एलीशिबा ने अपने लरका का जनम दीनेस। जकर्याह अउर एलीशिबा ने व लरका का नाम यहून्ना रखेन, जइसा की व स्वर्गदूत ने आदेश दीन तय। तब परमेसुर ने जकर्याह को बोलै मा सक्षम कीनेस। जकर्याह ने कहा, “परमेसुर कै स्तुति हुवय, कहेसे व अपने लोगन कै सहायता करै का याद रखिस! हे मोरे लरका, तै सर्वशक्तिमान परमेसुर का संदेश बतावें वाला हुइ हे। तै लोगन का बतई हे कि उयीं कैइसन अपने पापन के खातिर क्षमा प्राप्त करी है!”