23. यीशु कै पैदाइस

यूसुफ नाम के इयक धर्मी आदमी के साथ मरियम कै मगनी हुई गयी ती। जब व सुनेस कि मरियम गर्भवती है तब व जानत तै कि व वहिका बच्चा नऊ है। लेकिन व मरियम का बदनाम न करो चाहत तै यहीखातिर व वहि पर कृपा करै अउर वहि चुपके से छोड़ देव चाहत तै। लेकिन यही से पहिले कि व अइसा करै, इयक स्वर्गदूत ने वहिके सपन मा आया कै वहिसे बात कीनेस।

व स्वर्गदूत कहिस, “हे युसूफ, मरियम का आपन मेहरिया के रूप मा लयीकै आवे से मत डेरा। वहिके भीतर जउन बच्चा है व पवित्र आत्मा कि तरफ से है। व इयक लरका का जनम दयी। वहिका नाम यीशु रखना (जेहिका अर्थ है, ‘परम प्रधान परमेसुर बचावत है’) कहेसे व लोगन को उनके पापन से बचाई।

अतः युसूफ ने मरियम से विवाह करकै अउर वही अपनी मेहरिया के रूप मा घर लई आओ, लेकिन वहिके बच्चे को जनम देय तक व वहिके नेरे न गा।

जब मरियम के जनम देय का समय नेरे आओ तो मरियम अउर यूसुफ ने बैतलहम जाय के खातिर इयक लम्बी यात्रा करी। उनका उहाँ जाना ही था कहेसे रोमी अधिकारी इस्राएल मा रहै वाले सबै लोगन की गिनती करवाबो चाहत ते। उयीं चहत ते कि सबरे लोग उहाँ जाय कै जहाँ उनके पूर्वज रहत ते। राजा दाउद का जन्म बैतलहम मे भा तै अउर व मरियम यूसुफ दोनों का पूर्वज रहै।

मरियम अउर यूसुफ बैतलहम गे, लेकिन उहाँ जानवरन को रखै वाली जगा के अलावा उनके ठहरै के खातिर कउनो जगा न रहै। वा जगा रहै जहाँ मरियम ने अपने बच्चे का जनम दीनेस। व वही चरनी मा लोटायस कहे से उहाँ वहिके खातिर कउनो बिछउना न रहै। उयीं वहिका नाम यीशु रखिन।

व रात, उहाँ नेरे के खेत मा कुछ बरेदी अपनी गडरन के झुण्डन कै देखभाल करत ते। अचानक से, इयक चमकदार स्वर्गदूत उन पर परकट भा, अउर उयीं डेराय गे। व स्वर्गदूत कहिस, “मत डेराओ, कहेसे मोरे पास तुम्हारे खातिर इयक शुभ संदेश है। बैतलहम म मसीह, स्वामी का जनम भओ है!

जाय कै व लरका का ढूढो अउर तुम वही कपड़े म लपेटा हुआ अउर चरनी में लेटा हुआ पइहा।” अचानक से आकाश स्वर्गदूतन से भरगा। उयीं परमेसुर कै स्तुति कर रहे ते। उयीं कहिन, “सारी महिमा स्वर्ग मे विराजमान परमेसुर को मिले। पृथ्वी पर उन लोगन मे शान्ति होय जिनकी व चिंता करत है।”

तब स्वर्गदूत चलो गा। उयीं बरेदी भी अपनी गडरन का छोड़ कै लरका का देखय गे। जल्दी ही उयीं व जगा मा पहुँच गे जहाँ यीशू रहै अउर उयीं वही चरनी मा लेटा हुआ पायेन; जइसा की व स्वर्गदूत ने कहो तय। उयीं बहुत खुशी भे। तब उयीं बरेदी वापिस लउट गे जहाँ उनकी गाडरै रहै। उयीं जउन कुछ भी सुनो अउर देखिन, उन सब के खातिर उयीं परमेसुर कै स्तुति कर रहे ते।

पूरब मा दूर इयक देश मा कुछ पुरुष रहै। उयीं सितारन का अध्ययन करत ते अउर उयीं बहुत बुद्धिमान रहै। उयीं इयक असामान्य सितारे का आकाश मा दिखिन। उयीं कहिन कि यहिका अर्थ है कि यहूदियों के इयक नए राजा का जनम भओ है। यहीखातिर उयीं व लरका का देखय के खातिर अपने देश से यात्रा करै का निर्णय लीनेन। इयक लम्बी यात्रा के बाद, उयीं बैतलहम आये अउर व घर का पहुँचे जहाँ यीशू अउर वहिके माता-पिता रहत ते।

जब उयी पुरुषन ने यीशू को अपनी माता के साथ दिखिन तो उयीं घुटने टेक कै वहिकै आराधना कीनेन। उयीं यीशू को कीमती उपहार दीनेन। फिर उयीं अपने घर वापिस लउट गे।