24. यूहन्ना यीशु को बपतिस्मा देता है

एलीशिबा अउर जकर्याह का लरका यूहन्ना, बड़ा हुयीकै परमेसुर का संदेश बतावें वाला बन गा। व जंगल मा रहो करत तय अउर जंगली शहद अउर टिड्डियाँ खायो करत तय, अउर ऊँट के रोये से बने कपड़े पहिना करत तै।

बहुत से लोग यूहन्ना कि बाते सुनय के खातिर जंगल मा निकर आये। व या कहिकै उनका परचार कीनेस, “पश्चाताप करा, कहेसे स्वर्ग का राज नेरे है!”

जब लोगन ने यूहन्ना के संदेशन का सुनो, तो उनमा से बहुतन ने अपने पापन के पश्चाताप कीनेन, अउर यूहन्ना ने उनको बपतिस्मा दीनेस। यूहन्ना का देखय के खातिर बहुत से धार्मिक अगुवे भी आये, लेकिन उयीं अपने पापन का पश्चाताप अउर अंगीकार न कीनेन।

यूहन्ना ने धार्मिक अगुवन से कहिस, “हे जहरीले साँपों! पश्चाताप करो अउर अपने व्यवहार का बदला। परमेसुर हर व पेड़ का काट डारी जउन अच्छा फल न लायी, अउर व उनका आगी मा झोक दयी।” जउन परमेसुर का संदेश बतावें वालेन ने कहो तय यूहन्ना ने वही पूरा कीनेस, “देख, जल्दी ही मै तोरे आगे अपने संदेश वाहक का भेजिहऊ जउन तोरे खातिर रास्ता का तैयार करी।”

कुछ धार्मिक अगुवन ने यूहन्ना से पुछिन कि काय व मसीह है। यूहन्ना उत्तर दीनेस, “मै मसीह नियाहूँ, लेकिन व मोरे बाद आय रहो है। व इत्ता महान है कि मै वहिके जूतन के फीता खोलय के भी लायक नियाहूँ।”

अगले दिन, यीशु बपतिस्मा लेय के खातिर यूहन्ना के नेरे आओ। जब यूहन्ना ने वही देखिस, तो व कहिस, “देखो! परमेसुर का मेमना जउन संसार के पापन का उठाय कै लयी जयी।”

यूहन्ना ने यीशु से कहिस, “मै तोही बपतिस्मा देय के लायक नियाहूँ। मोहिका तो तोरे हाथ से बपतिस्मा लिये कै जरूरत है, अउर तै मोरे नेरे आओ हा?” लेकिन यीशु कहिस, “तोहीं मोहिका बपतिस्मा देव चाहि, कहेसे अइसा करब उचित है।” अतः यूहन्ना ने वही बपतिस्मा दीनेस, जबकि यीशु ने कबहूँ पाप न कीन तय।

बपतिस्मा दीन जाय के बाद जब यीशु पानी से निकर कै बाहेर आओ, तो परमेसुर का आत्मा कबूतर के रूप मा परकट भा अउर तरे आय कै वह मा ठहर गा। व समय, परमेसुर ने स्वर्ग से बात करी। व कहिस, “तै मोर पियार लरका आही। मै तोहिसे प्रेम करत हऊँ, अउर मै तोहिसे बहुत खुश हऊँ।”

परमेसुर ने यूहन्ना से कहिस, “पवित्र आत्मा तरे आय कै कोहू पर ठहर जयी। जेही तय बपतिस्मा दई हे। व परमेसुर का लरका आय।” परमेसुर इयक ही है। लेकिन जब यूहन्ना ने यीशु का बपतिस्मा दीनेस, तो व परमेसुर पिता का बाते करत सुनेस, पुत्र परमेसुर को देखो, जउन कि यीशु आय, अउर व पवित्र आत्मा का देखिस।