42. यीशु स्वर्ग का लउट जात है

जउन दिन परमेसुर ने यीशु का मुर्दन मा से जियावो तय, वहिके द्वि चेला नेरे के गाँव मा जाय रहे ते। चलते-चलते उयीं यीशु के साथ मा जउन भातै। वहिके बारे मा वातें कर रहे ते, उनका आशा रहय कि व मसीही आय, लेकिन तब भी व मार डारो गा तै।अब उयीं औरते कहती ती कि व फिर से जि उठो है, उयीं न जनती ति कि कउनी बात पर विश्वास करै का है।

यीशु उनके नेरे आय कै उनके साथ चलब शुरू कीनेस, लेकिन उयीं वहिका पहिचान न पाएंन। व पूछिस कि तुम केहिके बारे मा य बात करत हऊ। उयीं वहिका कुछ दिन पहिले यीशु के साथ मा घटी घटना के बारे मा बताइन। उयीं सोचिन कि हम कउनो परदेशिन से बातें आय कर रहे हन जउन जानत निहाय कि यरूशलेम मा का भओ तै।

तब यीशु ने उनका समझाइस कि परमेसुर का बचन मसीह के बारे मा काय कहत है। बहुत पहिले, परमेसुर का संदेस बतावें वालेन ने कहो तय कि बुरे लोग मसीह का पीड़ित करि है अउर मार डलि है। लेकिन परमेसुर का संदेस बतावें वालेन ने या भी कहो तय कि व तिसरे दिन जी उठी।

जब उयीं व नगर मा पहुचें जहाँ पर उयीं द्वि लोग रुको चाहत ते, तब तक लगभग शाम हुइ गई ती। उयीं यीशु का अपने साथ रुकय के खातिर कहिन, अतः व उनकें साथ इयक घर मा गा। रात का भोजन करै के खातिर उयीं बइठ गे। यीशु ने इयक रोटी का लइकै वहिके खातिर परमेसुर का धन्यवाद दीनेस, अउर फिर वही टोरिस। अचानक से उयीं जान गे कि व यीशु आय। लेकिन वही समय व उनकी आँखिन से ओझल हुइगा।

उन द्वि लोगन ने इयक दुसरे से कहिन, “व यीशु आय! यहीखातिर जब व हमका परमेसुर के वचन का समझाइस तो हम बहुत खुश भएन!” जल्दी ही उयीं निकर कै वापिस यरूशलेम का गे। जब उयीं पहुचे तो उयीं चेलन का बताइन, “यीशु जीवित है! हम वहिका दीख है।”

जब चेला बात कर रहे ते, यीशु अचानक से व कमरा मा उनके साथ प्रकट भा। व कहिस, “तुमका शान्ति मिलै।” चेलन ने विचार कीनेन की व कउनो भूत आय, लेकिन यीशु ने कहों, “तुम काहे डेरात हऊँ? तुम या काहे नहीं विचार करत हऊ कि मै सचमुच मा यीशु आहूँ? मोरे हाथन अउर पावन का देयाखा। भूतन के पास अइसा शरीर नही होत आय जइसा मोरे पास है।” या देखावें के खातिर कि व कउनों भूत नउहै, व खाए के खातिर कुछ मांगिस। उयीं वहिका मछरी का इयक टुकड़ा दीनेन अउर वहिका व खाए लीनेस।

यीशु कहिस, “मोरे बारे मा परमेसुर का वचन जउन कुछ भी कहत है व घटित हुयीं। मै तुमका बताय दीन तै कि यहिका हुवब निश्चित है।” तब यीशु ने उनको परमेसुर का बचन ठीक से समझाइस। उयीं कहिन, “बहुत पहिलें परमेसुर का संदेस बतावें वालेन ने लिखो तय कि मोहिका, मसीह का दुःख उठावें का पड़ी, मरै का हुई अउर फिर तिसरे दिन मुर्दन मा से जी उठै का हुयीं।”

“उन परमेसुर का संदेस बतावें वालेन ने या भी लिखो रहय कि मोर चेला परमेसुर के बचन कै घोषणा करि है। उयीं हर इयक का पश्चाताप करै के खातिर बताई है। अगर उयीं अइसा करि है तो परमेसुर उनके पापन का क्षमा करी। मोर चेला या संदेश का परचार करब यरूशलेम से शुरु करि है। तब उयीं सब जगा मा सब जातिन मा जइहैं। तुम लोग मोर हर इयक बात अउर काम कै गवाही हऊँ जउन मै कहो अउर कीन हऊँ, अउर व सब के भी जउन मोरे साथ मा भओं।“

अगले चालिस दिन के दउरान मा, यीशु अपने चेलन पर कई बार परकट भा। इयक बार तो व इयक ही समय पर 500 से ज्यादा लोगन पर परकट भा। व अपने चेलन पर कई तरीका से साबित कीनेस कि व जीवित रहय, अउर व उनका परमेसुर के राज के बारे मा शिक्षा दीनेस।

यीशु ने अपने चेलन से कहिस, “परमेसुर ने मोहिका स्वर्ग अउर पृथ्वी के हर इयक जन पर शासन करै का अधिकार दीन हइस। यहीखातिर अब मै तुमसे कहत हऊँ: जायकै सब जातिन के लोगन का चेला बनावा। अइसा करै के खातिर, तुम उनका पिता, पुत्र अउर पवित्र आत्मा के नाम से बपतिस्मा दयी हा। जउन कुछ भी मै तुमका आदेश दीन हऊ उन सब बातन का मानब भी तुमका, उनका सिखावें का है। याद रखिहा, मै हमेशा तुम्हारे साथ रहिहऊँ।”

यीशु का मुर्दन मा से जी उठै के चालिस दिनन के बाद, व अपने चेलन से कहिस, “जब तक कि मोर बाप तुमका सामर्थ न दियय तब तक यरूशलेम मा रुके रहेया। व तुम पर पवित्र आत्मा भेज कै अइसा करी।” तब यीशु स्वर्ग का चलोगा अउर इयक बादर ने वही उनकी निगाहन से छिपाय लीनेस। स्वर्ग मा यीशु सब चीजन पर शासन करै का परमेसुर की दाहिनी तरफ बइठ गा।